وش شعورك لو تلقى واحد..واقف ورا سيارتك ومسكر عليك

طيب أخوي مافكرت أن هذا الشيء ربما خيرة لك!
يمكن ربي حجزك عن شيء أو أخرك عن شيء..لحكمه وخيرة..لآتستدركها بوقتها.
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.

طولت البال هي أفضل حل ,,, تسلى بالجوال لين يجي ,, بس خلك جنب سيارتك .

الله يصلح حال بعض الشباب هدانا وهداهم الله .

اتصل على المرور وخلهم يرسلون سطحه

وقوف خاطئ

بعض الناس اشبه بالبغال وربما البغال اطيب منهم
يصك عليك ولا عليه منك ويدبل كبدك ودك تقدم على
المرور يعطونك كلبشه عشان اللي يصك عليك او
يصك على باب بيتك خاصه لا صرت قريب من المسجد تكلبشه
ناس حقيره صراحه.

كثير هذه الأشكال

وأغلبهم من فئة الشباب
صالحهم الله
عندهم عدم مبالاة منقطعة النظير

عندهم استعجال في القيادة في موقف السيارة

حقيقة أمر مؤلم جدا حدا

أفضل حل يضع رقم جواله على الطبلون للإتصال به

ماعندي مشكلة لو أحد يقفل على سيارتي بشرط :

1- إما يكون في محل قريب من سيارته ويراقب سيارات الناس اللي مقفل عليها ويطلع أول مايشوف أصحاب السيارات .

2- يضع رقمه على زجاج سيارته .

قد يكون مستعجل أو لظرف لم يجد موقف أو وأو ، غير كذا أو ياخذ له كلمتين وهو رايح .

بالصورة واضح من شكل سيارته مستواه ...
لو سيارتك كبيرة مثل الجمس بالصورة دفها وحطها بنص الشارع وروح .
غير كذا شيل إبر الكفرات ما عاد يتعودها .

الاغلبيه من انوعيه هاذي من الشباب وللاسف تربية الخدامات او يقف بوسط الشارع ويدق هرن الصاحب البوفيه او البقاله ويقوله جبلة كذا قمة السخافه

صارت معي كثير والحل دايما اسويه بكل بساطة اني ادق على المرور ويجي ويمغطون البهيمة بمخالفة ونا مستانس لان تعطلي وضياع وقتي راح بمقابل فلوس من المخالفة اللي يدفعها البهيمة.

لابد تتاكدون ان الحياة بالسعودية لابد ان تقابل فيها الاخطاء بالمثل.
زمن التسامح والحيا والمرجلة ولى وراح .

تصيرلي يومياً
سابقاً
بحكم عملي يبداْ بعد الساعه 12 ليلاً

القا واحد موقف وراي
كم يوم حطيت له ورقه ينتبه للموضوع و اروح بتكسي

لاكن طنشني 3 مرات
حطيت اسفنجه بين صدامي و الرفرف حق سيارته
و دقيت ريوس لين طلعت سيارتي ب القوه و خليت سيارته مفلوته على الشارع

و بعدها طلعه المفتاح
و حطيتله توقيع شيكات على الباب حقه
و تحتها شكراً على تعاونكم
و بعدها ما عاد شفت سيارته ابد