تابع مستعمل على
جميع الحقوق محفوظة ©
. انا متزوجه وعندي عيال وربه بيت .........المهم زوجي متزوج علي وزوجته موظفه بمستشفى ودوامها طويل احيانا ترجع من دوامها العصر علشان كذا يوميا زوجي يتغدا عندي .......لكن زوجته مو عاجبها هالشيء تخيلو بكل وقاحه تقول لزوجي خل زوجتك تطبخ الغداء وتقسم لنا قسم وجيبه معك نتغدا مع بعض يعني الهانم تبغاني اطبخ غداها وارسله لها واللي ذابحني ان زوجي موافقها على الكلام وجاي يتشرط فوق راسي قلت له لو تنطبق السماء على الارض ماطبخت لها وش حضرتها خلاص خل تفصل من دوامها وتطبخ غداك ...وتهاوشنا انا وزوجي وقاعد يتفلسف فوق راسي يقول لي هذا العدل اني اتغدا عندك يوم وعندها يوم قلت ماختلفنا لكن هي تطبخ غداها انا موشغاله عندها قال لي ماعندها وقت هي تجي العصر قلت عادي تطبخه من الليل والعصر تسخنه قال لي تعرفيني ماحب الاكل البايت قلت له اجل مولازم طبخ تغدو نواشف او معلبات قال لي ماحبهن قلت اكثر ماكثر الله المطاعم بهالبلد خل تصرف من راتبها على بطنها قال لي اكلهم مو نظيف ...عطيته جميع الحلول لكنه معصب واحتد بينا النقاش ووصل فينا للشيطان الرجيم لدرجه حلف علي بالطلاق انه ورى خشمي اطبخ غداها .... .
ياناس ياعالم مشتهيه اروح بيتها واضربها لانها هي محرضه زوجي على هالشيء حسبي الله عليها علموني وش اسوي كيف اتصرف كرامتي ماتسمح لي اطبخ لها وبنفس الوقت زوجي حالف علي بالطلاق دبروني وش السوات
.
.
.
لو انت مكانها وش بتسوين❓ كل وحده تقول رايها هذي قصه حقيقيه وصاحبتها تبغى النصيحه
رأيكم يااخوان واخوات
?
عادي تطبخ لهم الغدى وتدس السم فيه لترتاح من الاثنين !!!!
او
تطبخ وتصبر وتحتسب الاجر عند الله . . .
الظلم ظلمات يوم القيامة.
وان صدق كلامها فويل للزوج من عقاب الله.
وعلي فكر طلب الزوجة الاخري منها انها طبخ لها هذا خبث وهي ناوية تطلقها من الزوج .
1- لو رفضت الطباخ طلقها
2- لو طبخة وما اهتمت طلقها
3 - ولافضل تبحث علي عمل لكي تصبح مثل ضرتها .
فهذي حيلة لاجل تطليق الزوجة ربت المنزل.
دمت
صراحه شين وقوي عين زوجته ماقصرت معه في بيتها لكن
تعدى الأمر إنه يحلف عليها بأمر هي ماهي مكلفه فيه !!
عشان كذا الرسول حذر ان خفتم ألا تعدلوا فواحده
الله يصبرها بس.
اطلقي ورزقك ورزق عيالك على الله واطلبي في المحكمه النفقه على عيالك ولا تذلين نفسك لناس ما تسوى
اليوم قالت تطبخ الغداء بكره اغسلي الملابس واكويها وبعدها تعالي كنسي البيت وبعدها خذي العيال ربيهم وفي النهايه سرتي شغاله عندهم
حبيبتي كرامتك الزم ماعليك لا ابو الرجال لابو عشرته هو لو فيه خير ما تزوج عليك
خليه يطلق مع قريح وخذي صك ولايه على عيالك والزميه بالنفقه
ولا دوري لك على وظيفه وغيري البلد لا بكره يذبح عيالك ويقولون في الاخبار مريض نفسي شماعه ما تتعبا
تصبر وتحتسب الاجر عند الله . . .
حياك الله (الشامخة) .... وحيا الله الجميع
ليس من حقه الزام زوجته القديمة بالطبخ للأخرى مطلقاً والشرع معها في هذا.
يمكن أن تصبر وتحتسب إن أرادت.
المعلومات الكاملة عن الزوجتين بمكان من الأهمية من حيث::: عدد الأبناء؟ البنات؟ كبار؟ صغار؟ الآباء متوفون أو أحياء؟ الأخوات ؟ الأخوان؟ فبمعرفة هذه الأمور تساهم في الحل.
لكن الشرع معها في هذه الناحية ، ويبدو جليّاً أنه ليس ممن يحتزم بهم .
لاحول ولا قوه الا بالله الظلم ظلمات يوم القيامه ما لك الا الصبر والاحتساب واجرك عند الله عظيم
بالنسبة لردي للحرمة :
1/ يجب أن تكوني مطيعة لأوامر زوجك مهما كانت طالما انها ليست في معصية الله وثقي أن الله سيعوضك خيرًا من زوجته الأخرى ، كما قال سبحانه: وَمَنْ يَتَّقِ اللَّهَ يَجْعَلْ لَهُ مَخْرَجاً .
2/ قال صلى الله عليه وسلم: إذا صلت المرأة خمسها، وصامت شهرها، وحفظت فرجها، وأطاعت زوجها، قيل لها: ادخلي الجنة من أي أبواب الجنة شئت.
3/ من فتاوى شيخ الإسلام ابن تيمية: أن الواجب عليها طاعة زوجها إذا لم يأمرها بمعصية وطاعته أحق من طاعة والديها .
بالنسبة لردي لبعض الأخوان من الاعضاء حفظهم الله :
روي أن رسول الله صلى الله عليه وسلم قال: "ملعون من خبب امرأة على زوجها أو عبداً على سيده"
والتخييب هو إفساد قلب المرأة على زوجها والعبد على سيده
. نعوذ بالله من ذلك
أول شيء :
هذا ماهو رجال ( تباع الحرمه )
ثاني شيء :
هي غلطانه وقليله عقل وما عندها اي خبره في الحياة يوم تعانده
ثالث شيء وأهم شيء :
تتفل في وجهه وتروح عند اهلها معززه مكرمه ( مع اني اتوقع ان ما وراها اخوان ينشد
بهم الظهر لان زوجها الطلي لو يعرف ان وراها ريجيل ما يتكلم معها كذا )
وتترك بيت الرخمه له وتترك عياله في حلقه لآ بارك الله فيه وفي ذره
بارك الله فيك اخي فهد على الرد
اما بعض الردود اتقو الله في ردودكم فهدم البيت وكيان الاسرة ليس بالشئ السهل فالشيطان حريص اشد الحرص على هدم البيوت وتفككها لان الاسرة هي لبنة المجتمع فان تفككت الاسرة تفكك المجتمع وكم من مشاكل تترتب على هدم الاسرة وعلى الابناء الذين يتربون في معزل عن الاب من جهه او عن الام من جهه اخرى في ظل كثرة انشغال الوالدين في الحياة ..
واعتقد بان مثل هذه المشاكل لا تطرح على العامة فاللبيوت اسرار واي زوجة لا تحافظ على اسرار بيتها فليس لها مقام فيه... كل البيوت فيها مشاكل ولكن العبرة كيف نتعامل مع هذه المشكلة للوصول الي بر الامان ...
كثير من الردود من الاخوان والاخوات نصب نفسه ابوالعريف دون ان يعرف تفاصيل كثيرة عن الامر .وليس كل مشتكي على حق وليس كل مدان مذنب اي اننا لا نطلق الاحكام دون ان نسمع من الطرف الاخر ..والمراة واجب عليها ان تدرك بان الحياة الزوجية مصاعب والم وحسرة كما فيها من سعادة وفرح واستقرار وقد تمر بالانسان ازمات ولكنها لا تدوم سوف تفرج في يوم ما والواجب التحلي بالصبر وعدم الاستعجال وقد بشر الصابرين بالجنة في كتاب الله وسنة نبيه ...
ولنا في قصة امرأة فرعون ابلغ العبرة والعضة فقط طغى وبغى وتجبر ومع ذلك صبرت زوجته ...
فلا اتصور بان ما تمر به الاخت صاحبة القصة هي من اكبر او اصعب المشاكل بل لها حل يبقى الاحترافية والتعامل بفن مع المشكلة حتى تصل الي بر الامان ...
