| جميع الحقوق محفوظة © |

وش رائيكم

السلام عليكم ورحمة الله وبركاته
اخواني رواد هذا الصرح الجميل
اسعد الله ايامكم

اخواني خذو السالفه
انا قبل الحج دعسة بنت افرقيه المهم انا شلتها وديتها لقرب مستوصف اهلي اقرب شي لي ويعلم الله وشهي كانت حالتي
وبعدها نقلوها لمستشفى الانصار معروف عندنا بالمدينه المهم هناك سولها اشعه وكشوفات وجميع البلاوي الي عندهم وطلعة سلميه ومافيها الا جرح بسيط بالفك
وجا اخوها واختها وتنزلو جزاهم الله كل خير
كانت معي فلوس اخوي معطني اياها يبي موتر
عاد انا ثاني يوم طلعت الطايف وشريت لخوي سياره من هناك
ونا نازل للمدينه وصلت جده وخارج من المدينه ولاجوالي يدق وارد الو فلان قلت ايه
قال انا اخو البنت الي دعستها قلت هلاومرحبا امرني وش بغيت قال انا وديتها مستشفى خاص وهو مستشفى الزهراء بالمدينه
وسولها اشعه وتنويم ومدري ايش وعلاجات وطلع مجموع المبلغ عشرة الالف ريال قلت من جدك قال اي والله
قلتله انا الان ماني بالمدينة واذا وصلت المدينه اتصل عليك قال طيب المهم قالي حولي لو جزء من المبلغ الان ضروووري لو نصفه ونا مسامحك بالباقي
قلتله انا مع الطريق ويعلم الله اني كنت عند نقطة تفتيش جده نازل المدينة
ونا اتكلم معه
بعد ماوصلت المدينه ما اتصلت عليه رحت المستشفى وقلت عندكم مريضه اسمها فلانه بنت فلان انا معرف غير اسم ابوها بس قالو ماعندنا قلت طيب كانت عندكم من قبل اسبوع قالو ماجاء الاسم ذا ابد
كلمت واحد بالمستشفى قال والله تاكدة بنفسي مافيه احد
قلت طيب كم تكلفة اشعة الرنين المغنطيسي نفس ماقالي هو قال ماعندنا رنين مغنطيسي والان جالسين نجهزه د
قلت طيب لو عندكم كم الاشعه مع غرفه فخمه تدري خلها جناح
قال تقريبا 4 اذا موبرخص
قلت فمان الله ومشية وما اتصلت عليه لليوم
وهو ما اتصل علي
وما ادري هل هو صادق او كذاب احس ضميري يانبني واجد وخصوصا اذا جيت مع ذا الشارع ولا شفت لي تشاديه صغيره
اتمنى واحد يجيب لي حل يريحني
تكفون !!!!!!!!!!!!!!!!!!!!.

الردود (6)
الكل: 6
1.
08:34:59 2013.04.21 [مكة]
إذا كان الكلام مثل ما قلت فهذا يعني أن البنت سليمة وما جاها شيء لكن بعد ما تنازلوا قالوا نحاول نحل على أي شيء وصدقني لو دفع شيء كان غثك اتصالات
2.
08:51:50 2013.04.21 [مكة]
اخي الحمد لله انها جائت على كذا وانت الان انتهى الموضوع بالنسبه لك وخاصه بعد تنازلهم فلا تشيل هم
3.
08:58:20 2013.04.21 [مكة]
اخى غير رقم جوالك وانس الموضوع من اصله طالما انهم تنازلو بعد المستشفى لانه واضح انه راجع نفسه وقال اطلع لى منه بقرشين وهو ماراح يسكت لذا اقفل الباب من اصله.
4.
03:29:53 2013.04.22 [مكة]
اخوي الحمد لله علي السلامه ..انا اقول لو تتصل فيه وتقول ارسل لي رقم حسابك وترسل له علي الاقل الف ريال ..ولا الفين حسب مقدرتك ..واعتبرها وانا اخوك صدقة ولا دفعة بلا ...يكفي موقفهم منك يوم تنازلو عنك علي طول ..وماطالبو بشي وقتها ...عاد يمكن احد حسفهم بعدين قال لو طلعتو علي الاقل قرشين من الرجال بس عاد ماتوصل للعشرة ..وانت ابخص بنفسك ...
5.
10:44:29 2013.04.22 [مكة]
نفس رأي الآخ متوقع واعتبرها صدقة
6.
15:15:07 2013.04.22 [مكة]
4X4 شرفني مرورك وجزاك الله خير .وكلامك صحيح . 2. بقلم: مسامح1 الحمد لله على كل حال 3. بقلم: mashy45 اما اغير جوالي لالالا ماتوصل لدرجه ذي وهو معاد اتصل خلها صيحه في قفى ذيب على قولهم 4. بقلم: متوقع الكلايدور في بالي بس يعلم الله بالحال ان شاء ربي يفرجه واحاول والحمد لله على كل حال . شاكر لك والله لايريكم مكروه 5. بقلم: hmym1 باذن الله راح اقلب الميزانيه واشوف ان شاء الله ربي يسرها شاكر لك مرورك وتحيه طيبه للجميع لازلت بانتظار الشباب والي يتفقون عليه تم ..
أضف رداً
نقاشات مشابهة