وش الحل في هواش الابناء في المنزل

اولا ندعي لهم بالهدايه والصلاح ونتجنب الدعاء عليهم مهما كانت الاسباب .

وذلك موجود في كل بيت ولكن بنسب تتفاوت يجب ان نبحث الاسباب لذلك الشجار لكي يتسنى العلاج وليس العنف دائما هو الحل . استعملي معهم اسلوب العاطفه والكلمه الطيبه من القلب تصل للقلب ان شاء الله .
اسأل الله الكريم ان يفتح على قلوبهم وان يطامنهم بأسمه وان يجعلهم بكم بارين غير ضارين

اغلب الاطفال كذ
بدايه سن المراهقه
وايضا الولد يبي يثبت وجوده ورجولته
والبنت تبي تثبت انها الاكبر والاولى بالحترام

بقلم: مسامح1
آمين يارب ..الله يجزاك خير ماقصرت .. وربي اني ادعي لهم في كل صلاة .. والهداية من الله عز وجل ...

بقلم: مشاريa
صحيح بداية سن مراهقة بس لازم طريقة تعب علي الام والاب لهم ..كل شي على راسي ومافي راحة في البيت ...

أعانكم الله وأصلح لنا ولكم الذرية

الحل :
1- البكاء ممنوع
تتهاوش مع اخوك أختك الغلطان هو من يبكي ؟؟؟
ومن يبكي هو من يعاقب أولا والعتب عليه أكبر

2- المناقرة ممنوعة
إذا سمعت ردح بالكلام , قبل لا يزعل احد من أخوه أزعلي وأهجمي عليهم ووقفيهم عند حدهم

3- كل واحد يعرف أيش يزعل اخوه أو أخته وما يفعله
يعني كل واحد يعرف حدوده
من أكبر الغلط ان يترك المربي والمربية للأطفال معرفة الصح أو الخطأ

خذيهم بالهرج الكثير في مسببات الزعل

وإذا صار الزعل خذيهم بالنظرة القاسية فقط والعقاب بدون كلام بالتوقيف أو الحرمان من أجهزة الألعاب

بقلم: anwr
الله ينور عليك ... ياشيخ والله اتوقع حبالي الصوتية من كثر النصح والعقاب والتهديد ماعاد في صوت لدرجة اني مرة منعتهم من كل شي لمدة ثلاث ايام لا اجهزة ولا كلام ومعصبة بس اكلمهم للصلاة (صلوا) .. يوم واحد بدينا نتكلم حلوين ومافي شي .. رجعوا اليوم اللي بعده نفس الحكاية ... ومرة عاقبتهم في شعبان قريب رحت لاهلي الطايف يومين وتركتهم لوحدهم وقلت لهم لا اسمع اتصال ولاهواش الا في حالة صارت مصيبة او حريقة او اي شي كبير ولا قفلت الجوال ولا اسمعكم تكلمون اهلي مع اني اول مرة اسويها وقسيت عليهم لاجل يتربون مافي فايدة ،ابي توجيه ديني الحين بديت معاهم الصلاة جماعة اول ماتقيم الصلاة يحضروا السجادات وينتظروني .. وكل يوم واحد إمام علينا وبرضه معصبة ماكلمهم ومو معطيتهم وجه والخيزران جنبي للتخويف بس ... ابي شي يتعاونوا فيه والمصلحة لهم الاثنين مشتركة ... فهمت شلون ...وتسلم لمرورك

ايذا اثنين بسيطه ومقدور عليهم

حاول تقراء عليهم يمكن جايهم مثل العين او الحسد وحاول تشغل الولد خارج المنزل ليبعد فالبعد يهدي الوضع وعليك بالدعاء لهم بالهداية

قسما كنك تتكلم عن بيتي
هوشه دبغ ودبيغ
لكن وش نسوي
والله يا اني احيانا اقول بنصدم من هواشهم في السياره ومواضيعه اتفه منهم ،، لكن الله يهديهم ويصلحهم

يعتمد على قوة شخصية الاب طبعا ليس بالضرب بل بالحرمان اما الضرب احيانا في الاشياء الخطرة مثلا العب بالكهرباء وماشابه طبعا على حسب عمر الطفل.....

وايضا عدم تدخل الام في عقاب الاب اي عندما يعاقب الاب ابنه او ابنته في نفس الوقت لا تدافع الام عنهم وجعل الاب يتاخذ القرار السليم والحكيم مثلا بالحرمان كما ذكر اعلاه.

واكثر من الدعاء لهم بالهداية

والله الموفق

أنا تاركهم يتضاربون وكل واحد يضرب الثاني لين يبكون كلهم ويجون يتصايحون عندي وكل واحد يشكي الثاني فأقول لهم خلاص تزاعلوا ولايكلم واحد الثاني وبعدها بيوم أو يومين مايقدرون يصبرون على المقاطعة يرجعون يتسامحون ويسوون بينهم صلح الحديبية ويمكثون زمناً وهم سمن على عسل ثم يخربون الصلح ثم يتقاطعون ويرجعون يصلحون وهكذا بين حين وآخر ومع ذلك هم الآن راضين بوضعهم وتعليقات وضحك ومواقف لاينساها أحدهم من ذاكرته

5. بقلم: sagalage
بديت معاهم الصلاة جماعة اول ماتقيم الصلاة يحضروا السجادات وينتظروني .. وكل يوم واحد إمام علينا.
!! كيف بنت تؤمكم ؟؟؟
افضل حل بالنسبة لحالة عيالك من وجهة نظري انوه تروق مخك لا يجيك جلطة الله لا يبلانا وخليهم يتعاركون ويتطاحنون مالم يكون هناك كسور او اسالة دماء او عنف لفظي .
وعلى فكرة هذه سنة الحياه كل الناس كذا .
اللهم اهدي ابناء sagalage واصلحهم واجعلهم ممن يحفظون القران الكريم ووفقهم لما فيه خير لوالديهم ولانفسهم وللاسلام والمسلمين .

بالنسبه لي ,,
افضل مثلا ,, لو عندك اخوان قريب او اخوات ,, او اخوان زوجك او اخواته ,,,
يعني اعمام الولد او اخواله ,,
تخلين الولد يروح عندهم يومين ثلاثه اربعه ,,
الين البنت تحس انها فقدت اخوها ,, ومافيه شيء يشغلها ,, وتشتاق له وتعرف قيمته
وقتها ,, يمكن يتغير الحال ,,
وبنفس الحال ,, اذا رجع الولد ,, خلي البنت تروح يومين ثلاثه كذا, ,,
ان شاء الله بعدها يعرفون قيمه بعض

اهم شي عدم الضرب اطلاقا وجرب ان يختار الولد والبنت بعد الهوشة احد امرين كلهما احلى من الثاني ليعلم انه السبب في عدم حصوله على كلاهما والطريقة مجربه ومفيدة
وللعلم ماينالمون البيوت اصبحت مغلقه ومليئة بالاجهزة والكهرباء والطاقة السلبية التي تؤثر على جسم الانسان بشكل او بآخر
يمكن الواحد يجلس اسبوع ماطلع برا البيت وهذي مشكلة كبيبرة وخطيرة في نفس الوقت على الصحة

انصحك تتزوجين واحد رومنسي وحنون يعطف عليك ويحن عليك ويوفر لك جو الهدوء اللي تستحقينه

لدعاء لهم بالصلاح واشغلي وقت فراغهم الولد حاولي توديه نادي والبنت علميها الطبخ واعتمدي عليها في شغل البيت ورغبيها بالكلام المعسول والمدح والوالد حسسيه انه رجال البيت وانا الرجال مايستخدم يده يحكم عقله في امورهـ واهم من كل هالكلام الدعاء لهم في السجود وفي الثلث الاخير من الليل ولابد من مشاركة الطرف الثاني الزوج اذا كان موجود !
واذا ماهو موجود لاي سبب اعانك الله على تربيتهم واستخدمي اساليب الترغيب في الشي وخليهم يجيبون هدايا لبعضهم البعض
واي خدمه حاضرين
الله يصلحهم ويصلح حالهم

رد رقم 14 وش جوك انت

نصيحة مجرب وراح تدعي لي
سوي حلقة تعليم بالبيت كل يوم على واحد
يعني اشتري مثلا كتاب رياض الصالحين
واقرأي فيه مدة خمس دقايق فقط يوميا
لمدة شهر وشوفي النتائج كيف

ربي يهديهم،،،

العويند
اثنين وين مقدور عليهم الله يهديك ماجربت شلون وربي صعب يبي لهاصبر والله يعين

فهد3344
صحيح الواحد يحصنهم وبارقيهم بس خلاص كبار يحصنون نفسهم وفعلا كانوا قبل موكذا بس تغيروا وان شاء الله بشد عليهم في قراءة القرآن ...

بقلم: تاجرالقلم
الله يطمنك ياشيخ .. كويس ان في حالة زي حالتي اطمن انه مو حالة خاصة في عيالي ويصعب علاجها.. الله يهديهم يارب

بقلم: الهاص
ههههه يابرودك ياشيخ ... وربي صداع المضاربة والهواش .. انا بنجلط منهم ... بس بنت وولد يتضاربون صعبة ..لو ولد وولد او وبنت وبنت ايوة هين شوي ...

بقلم: Hani2011
منها يأدون الصلاة ويتعلمون .. طيب مو انا امهم بؤمهم .. يتعلمون .. والولد خلاص الصلاة في المسجد .. وان تأخر صلى جماعة معانا ..آمين يارب ويهدي الجميع


بقلم: abo_7neen
هي فكرة حلوة .. بس مافي احد حولي والله قريب ... وان في ماقدر ولدي يشوف طلباتنا وامورنا ...


. بقلم: أبوعروب
وربي نجلس في البيت بالشهر مو بالاسابيع .. بس مو يفرغوا طاقاتهم مضاربة ...وعدم احترام لبعض ... بس ابي حلول جذرية .. اخواني وماتقصرون ان شاء الله

بقلم: عبدالعزيزالقحطاني
لاتعليق ...

قلم: ابوالوليد1399
الله يهدي ابناءنا وابناء جميع المسلمين يارب ...

بقلم: الكاشف2010
شاكرة مرورك

بقلم: كانزمان
حلو اجربها ان شاء الله

وشاكرة مروركم ومشاركتكم معاناتي ... وكل رأي لكم اسعدني وخفف علي ...

الدعاء بالسجود اللهم اصلح لي النيه والذريه
على طول مو تدعي وتقوم تشوف من صلح هههه لا الموضوع يبغا صبر
التطنيش افضل علاج اذا الضرب مانفع وعادي لو تحرمه الى يحبون من انواع الالعاب الى موجوده عندهم ولا تعطيهم الا بشروطك انت في او المشوار العمليه صعبه لاكن شوي يتعودون ع الهدوء
اللهم اصلح لنا النيه والذريه

بعد الهواش بينهم ادخل كل واحد غرفه وسكر عليه يخرج للأكل وقضاء الحاجه فقط ويرجع يجلس وحده لمدة يوم وانت خلك مروق وأظهر انبساطك وقل اذا تكرر المره الثانيه يومين منها عقاب ومنها تريح راسك طبعا بدون اي أجهزه من أجل أن يحس بالوحده ولاتحاول ان تعرف مين المخطئ او تأخذ وتعطي معهم وبعدها اعطي تعليماتك من حيث وجوب احترام الكبير ورحمة الصغير ويكون هذا بهدوء أعصاب وعدم نرفزه طبعا ممكن يسبب ازعاج داخل الغرفه فخلك هادئ وقل اذا سمعت صوت ممكن ازيد المده او تنقله لموقع اخر مثلا السطح وبكذا يعرف ان الله حق