وش الحل برأيكم؟ سلفت شخص ...

اذا رقمه يتصل بس ما يرد
ارسل رساله نصيه و قله وين رحت و حاول تبين له انك طلاب لحقك اذا ما رده- بشكل غير مباشر


و خله 4 ايام اذا ما رد ولا أتصل
اتصل عليه من رقم غريب و اذا رد قفل على طول بدون ما تتكلم و عطه كم ساعه و دق عليه من رقمك الخاص اذا ما رد بعد فا هاذي مقصوده

و عليك ترسله أخر رساله و محتواها تهديد بتقديم شكوا في الشرطه و قول لديك الاثباتات حتى و أن لم تكن تملك أي دليل ربما يخاف و يرجع لك حقك

و اذا بينك اي شيء يثبت تسلفه منك صوره و حافض عليه حتى لو رساله وتساب يقبلون بها


او بعد اتصالك عليه من رقم غريب و رد و لم يرد عليك برقمك الخاص

اتصل عليه من رقم غريب ثاني و سجل المكالمه فيديو بحيث حط جوالك اسبكر و صور فيديو شاشه الجوال و رقمه بارز حتى يكون دليل قطعي لك و أستدرجه ب الحديث حتى يصدق المستمع انه رجال متسلف منك

احسنت يابومحمد على النصيحة

بكل اسف فهالزمن .. لابغيت تخسر صاحبك سلفه

خسرت اعز اصدقائي بسبب السلف
والله تنصدم فناس ماتتوقع منها هالشي
عموما اخوي .. بعد ان تتاكد من ظروف الشخص
ان كان قاصد ومماطل فامشي على هالقاعده :
اللي مايستحي منك لاتستحي منه

ولله صادق اخي hex..

مشكله الي يتسلف

يقول أتسلف بس500 و مع الراتب اطلع منه 500حقه الرجال و ما يصير الا الخير

و لما ينزل الراتب يتحسر على 500 يحسه ثقيله انها تطلع من جيبه و يبداء ب المماطله

الي يبداء حياته ب ديون و تسلف يبقا طول حياته ذيله عوج

ابو_محمد1980

اي والله انك صدقت آهـ من الدين وهم الدين جد اللي يبتدي حياته بدين يعيش طول عمره مديون

اسأل الله السلامة وأن يخلصني الله من هذا الابتلاء عاجلاً غير آجل

نصيحتي لك اخي الكريم طالما الرجل مثل ماذكرت واثنيت عليه فأنا اذكرك بفضل إمهال المعسر فوالله فيه من الخير العظيم مالا يتسع المجال لذكره ارجع للأحاديث النبوية الوارده في إمهال المعسر وسترى فيها ما يعينك على الصبر


يسر لأخيك ييسر الله لك ولا تظطره للاختباء او الكذب

دام اثنيت عليه . خله ولا تروح للقصيم فيه جوال وفيه تحويل ..

ممكن الرجال أعتقد أنك مانت بحاجتهم أو طمع شوي وسافر . وشي يصير .
المشكله هنا بالموقع أي واحد صار له طقه جا يبي حل .
تحمل والي سويته تشكر عليه . واصبر
انت كذا ولا كذا اذا ربك قاسم لك يجن يجن.
تواصل مع الي تشوف انه يمون عليه . إذا ماحصلت تجاوب . والله يرجع لك مالك

شكراً لتفاعلكم جميعاً وما قصرتو وننتظر عسى الله يفرجها

اخوي مجرد حرف ؛
انا كتبت الموضوع طلباً للنصيحة ، ما كتبته عبث ، وما كتبته الا اني محتاج المبلغ .. واذا انت ترا الموضوع مضايقك ببساطه اعتبرني ما كتبت شي..
والمنتدى مفتوح للجميع سواءا استفسار او طرح معلومة،، وشكراً

يمكن الرجال انضغط
احيانا تحصل معي , في تسليم الايجار , يجيني ضرف , تخترب السياره , او مرض , او عطل مكيف او اي شي من ضروريات الحياه , واضطر اقفل الواتس والجوال , انحرج منه , وخاصه اذا كان التاخر في التسديد متتالي , بعضهم يفهمها على انها تراخي او عدم مسؤوليه ,
عطه وقت , ودام انك تاكل وتشرب , احمد الله , فيه ناس والله ميته جوع وساكته

اذا كان الشخص مثله ما ينلقا اصبر عليه وتقدر بالسياسه تاخذها منه بدون ما تخسره

من النادر انك تجد اشخاص تثق فيهم فلا تجعل الفلوس سبب خسارتك نوعيه من الناس التي تستحق ان تنشرى


اذا انت فقط تريد المال من اجل ان لاينسا صاحبك ان يرده فهذا سهل

اكسب صاحبك وارسله رساله صديق لصديقه اكتب فيها انك تسال عن حاله فقط لاتجعل المال سبب نهايه للصداقه

الخطا من البدايه منك انت لاتسلف احد دام انك لذا الدرجه بتحوس مريره

تقدر تقوله سددلي المبلغ على دفعات عشان ما تضيق عليه

اذا صديقك احتاج يقدر ربي يحوجك فلا تحاول تمزق صديقك وانت سبب في مساعدته

لاتذله على مساعده قدمتها له وهي انك سلفته
ترا صديقك في النهايه وانت تقول انك صديق فيه خير

في ذا الزمن نادر تلقا اصدقاء زي اول حاول قد ما تقدر تحافظ على اصدقائك التي تعرفهم

ولو زرعت نخله ما رايح يطلع ثمرها عنب بيطلع تمر فان ازرع في علاقاتك مع اصدقائك القيم الطيبه عشان يجيك نفس النوع الي قدمته لهم

ما عاد يرد اكيد انه محرج او جاته ظروف تخيل انه رد عليك وتلاشطت انت واياه وتزاعلتو لا ازين ازين انه ما رد