| جميع الحقوق محفوظة © |

وش اسوي مع المهايطيه اللي عندي بالعمل

السلام عليكم ورحمة الله وبركاته
ياأخوان الله بلاني بزملاء بالعمل شباب وشيبان مهايطيه درجة اولى
كل سوالفهم عن علوم المرجلة والشعير والبعير والقبايل وعن غزوات قبائلهم يوم كانو تحت سيطرة الملك وايضا غزواتهم ضد بعضهم البعض

اعاني من روائحهم الكريهه لاني متاكد يقعدون بالايام مايتروشون ويتغسلون او يجي من عند الحيوانات حقته للعمل علطول

دايم احاول اغير من نوعية المواضيع واحاول انوعها بما يتناسب مع عقلياتهم ولكن دايم يعطوني ذيك النظره اللي معناها
يازينك ساكت

دايم يبجلون قبائلهم في الحروب والغزوات ضد بعض مع انها كانت مسلمين ضد مسلمين واذا حاولت ابين وجهة نظري في المعارك زمان عطوني نفس النظره السابقه اللي معناها يازينك ساكت <<والسبب في الجمله القادمه


لاني قبيلي وقبيلتي معروفه بأنّه ليس لنا باع طويل في المعارك مثلنا مثل القبايل اللي حولنا والسبب بسيط
لان مكان ديرتي واللي حولنا مالنا بالحروب كنا عايشين مع بعض وبيننا سنن إلهيه وقوانين كافيين بعض خير وشر
نتحد مع بعض فقط اذا اتانا عدو خارجي

ولهذا السبب اذا تكلموا عن المعارك وجيت اشاركهم بالنقاش ينظرون لي بذيك النظره اللي معناها وش(( دراك بالحروب انت وقبيلتك ))

سوالفهم اليوميه عن زواج المسيار مع ان اغلبهم اشخاص ذو لحى وكيف ينظرون لنا نحن الشباب بنظرة دونيه في هذا المجال وأننا لانشابههم في الأداء وبعدها بكم يوم كانو يسولفون عن الحبوب المقوية وكل واحد قاعد يحكي تجربته معها
فهنا تناقض كبيرر , كيف ينظرون لنا بنظرة دونيه وبعدها يفتون بعض بهذه الحبوب


طبعاً هالاشخاص مع بعض اشوفهم عصبه متجمعه وبينهم اخوه وتعاون عجيب
لكن اذا الاشخاص هذولا كل واحد منهم صار معي
يحش في اخوياه اللي من نفس طقته ويبدو ارتياحه لي


تدرون وش المشكله الكبيرررره
اني اعيش معهم بالعمل كل يوم 12 ساعه يعني اكثر من اهلي ومن جماعتي واصدقائي
وتدرون وش الخوف الكبيررررر
اني غداً اصبح مثلهم

نصائحكم في التعامل مع هكذا اشخاص ونصائحكم ايضاً بكيفية الحفاظ على شخصيتي من عوامل التعرية اللي زي كذا ولاسيما مدة العمل التي هي اكبر خوفي بتأثيرهم علي فأنا أخاف ان اصبح مثلهم ولاأريد

الردود (29)
الكل: 29
21 29
21.
01:28:23 2014.05.19 [مكة]
الله يعينك علي هذه الاشكال
22.
عضو قديم رقم 194440
03:32:23 2014.05.19 [مكة]
هي واقفه على العمل ,, في كل مكان ذولي 75% من الشعب من هالطقه , حاول تأقلم نفسك , وهذي الفئه محجره .. لا تفكر باسلوبك بتقنعهم هذي الفئه المتخلفه عدوهم اللدود ( الثقافه ) الا اذا كانت الثقافه تقف في صفهم لا تحتك فيهم عشان ما تنجرف وتصير مثلهم , بس ياخي الصوره اليمه هههههههههههههههه :)
23.
09:51:03 2014.05.19 [مكة]
وراء الأَكَمَة ما وراءها
24.
12:56:28 2014.05.19 [مكة]
الصمت
25.
13:03:57 2014.05.19 [مكة]
موضوعك مدسوس به سم ان كنت صدقت في ما قلت فالله يعينك عليهم اما ان كنت داس السم في بعض سطورك فأسال الله ان يسلط عليك انسه وجنه
26.
00:26:58 2014.05.20 [مكة]
اذا ما فيه احد من الزملاء في العمل ترتاح معاه فالمشكلة فيك شوف لك مجموعه مشابه لك وشبك معاهم واتوقع لك هدف في نشر الموضوع
27.
01:18:37 2014.05.20 [مكة]
السلام على من أبتع الهدى شكواك للي ما يثمن كلامك ,, دمعة يتيم من عيونه ذرفها وإذا أحترمت الناس زاد أحترامك ,, والناس عز نفوسها من شرفها لا تشتكي لنا حالك أقطع مع الرجال أو أنقل من الدوام وكفاك تشكي مثل اللي ماني قايل وخل القبايل وتأجيج سوالف الحضر والبدو كلنا نرجع لآدم وآدم من تراب
28.
عضو قديم رقم 323623
02:51:33 2014.05.20 [مكة]
^^^^ عداك العيب
29.
03:02:37 2014.05.20 [مكة]
يااخوان اولا الموضوع قبل سنه ثانيا الحمدلله نقلوني ادارة ثانية ارقى وافضل بسبب اني رفعت في المهايطية تقرير انهم سبب رئيسي في قلة انتاجية الموظفين بنفس المقر وفرقوهم ولله الحمد
أضف رداً
نقاشات مشابهة