السلام عليكم ورحمة الله وبركاته
ياأخوان الله بلاني بزملاء بالعمل شباب وشيبان مهايطيه درجة اولى
كل سوالفهم عن علوم المرجلة والشعير والبعير والقبايل وعن غزوات قبائلهم يوم كانو تحت سيطرة الملك وايضا غزواتهم ضد بعضهم البعض
اعاني من روائحهم الكريهه لاني متاكد يقعدون بالايام مايتروشون ويتغسلون او يجي من عند الحيوانات حقته للعمل علطول
دايم احاول اغير من نوعية المواضيع واحاول انوعها بما يتناسب مع عقلياتهم ولكن دايم يعطوني ذيك النظره اللي معناها
يازينك ساكت
دايم يبجلون قبائلهم في الحروب والغزوات ضد بعض مع انها كانت مسلمين ضد مسلمين واذا حاولت ابين وجهة نظري في المعارك زمان عطوني نفس النظره السابقه اللي معناها يازينك ساكت <<والسبب في الجمله القادمه
لاني قبيلي وقبيلتي معروفه بأنّه ليس لنا باع طويل في المعارك مثلنا مثل القبايل اللي حولنا والسبب بسيط
لان مكان ديرتي واللي حولنا مالنا بالحروب كنا عايشين مع بعض وبيننا سنن إلهيه وقوانين كافيين بعض خير وشر
نتحد مع بعض فقط اذا اتانا عدو خارجي
ولهذا السبب اذا تكلموا عن المعارك وجيت اشاركهم بالنقاش ينظرون لي بذيك النظره اللي معناها وش(( دراك بالحروب انت وقبيلتك ))
سوالفهم اليوميه عن زواج المسيار مع ان اغلبهم اشخاص ذو لحى وكيف ينظرون لنا نحن الشباب بنظرة دونيه في هذا المجال وأننا لانشابههم في الأداء وبعدها بكم يوم كانو يسولفون عن الحبوب المقوية وكل واحد قاعد يحكي تجربته معها
فهنا تناقض كبيرر , كيف ينظرون لنا بنظرة دونيه وبعدها يفتون بعض بهذه الحبوب
طبعاً هالاشخاص مع بعض اشوفهم عصبه متجمعه وبينهم اخوه وتعاون عجيب
لكن اذا الاشخاص هذولا كل واحد منهم صار معي
يحش في اخوياه اللي من نفس طقته ويبدو ارتياحه لي
تدرون وش المشكله الكبيرررره
اني اعيش معهم بالعمل كل يوم 12 ساعه يعني اكثر من اهلي ومن جماعتي واصدقائي
وتدرون وش الخوف الكبيررررر
اني غداً اصبح مثلهم
نصائحكم في التعامل مع هكذا اشخاص ونصائحكم ايضاً بكيفية الحفاظ على شخصيتي من عوامل التعرية اللي زي كذا ولاسيما مدة العمل التي هي اكبر خوفي بتأثيرهم علي فأنا أخاف ان اصبح مثلهم ولاأريد
ههههههههههه
هذي البيئه موجوده دائما في كل الاماكن
الحل انك تجاري الزكررت وتسوي مثلهم
والا تنقل
ابعد عنهم يالغلا
مامنهم خير
ابقولك مثل والله يعييينك عليه
شف لو قالو لك كل مر بتاكله وبتتغصبه ومره تبلعه ويروح وينتهي امره
و لو قالو لك اشرب مر بتتغصبه وتسكر خشمك وتشربه ويدخل بطنك ويروح ينتهي امره
بس لو قالو لك قابل مر وش بتسوي لا ينبلع ولا ينشرب طول الوقت قدامك المر
كان الله في عونك
هذا مثل قاله لي واحد كان عندي نفس مشكلتك معاي زميل بالعمل لم اتحمل العيش معاه تعبت لا اعرف كيف اتعايش معاه مهايط لم يمر علي واخر وليس اخرا تركت القسم وربي يسر لي وريحت راسي وارتحت ومازلت اتذكر ذا ك الرجل وسبحان الله لله في خلقه شئون
مال الابل والشعير علاقه ولا القبايل بعد بريئه من الاشكال الي تتكلم عنها
انت لك الطيب والخايب لبليس وش تبي فيه
اهم احذر ثم احذر تتكلم انت لعلمك هذولا يحبون يورطون الواحد
شكلك شيعي مثلي وتزعجك هالسوالف لنا الله
خلك مثلهم
ما اجمل الانسان ان يتكلم عن مواضيع عن المرجلة واحوال القبائل لانها تحشن الهمم - واذا تتحاشهم نصيحتي اسمع ممكن تستفيد منهم
لان الي مالة ماظي مالة حاظر
والي ماله كبير يشتري كبير
انا اقتراحي
تخليهم لين يتجمعون ويدخلون في سواليف الحرب . وقتها وفي حينها طلع غازات بالمكتب . واذا سألوا وش الريحه . قول أكيد في غزو بالكيماوي من القبيلة الفلانيه
ليتك تذكر لنا القبايل هذولي مع تصنيفهم
هذا العضو يبحث عن الشهرة بأي طريقة ولو كانت على حساب الغير وسانده أفراد من صفر العراقيب في رفع الموضوع
اللي يفتخر بالسلب والنهب هذا جاهل وشريك لهم ( ربما ) في الاثم
اما ان كانت سواليف حق عن كرم ضيف واغاثة ملهوف ونصرة الخير فهذا جيد بدون عصبية وخيلاء وكبر
مااحب هذا الاسلوب من العينات المهايطيه ذبحنا قتلنا واخر شي سيكورتي في وزراه وين راح ذبحك وقتلك وشجاعتك اللهم لاشماتة مع اني قبيلي وبدوي وافتخر بس النوعيات هذي مااحبها مهايط كذب نفاق واذا جا وقت اللزوم ماعندك احد
اما تجربتني مع الزملاء فالله لايوريك الي شفته ولا يصير اخوياك جيازنه والله تقول في الاستخبارات لو اعطس عرفوا العالم كله يعني نميمه وكذب ويدور عليك أي زله بالعربي اسلوب ملحجه النجاسه في دمهم الله لايكثرهم وغير الحسد وشكرا
خذ معاك الدوام طرطيعة بارود
وخل كل واحد فيهم يوم يفتّل شواربة ويهايط بأمجاد قبيلته
ولّع الطرطيعه وبتشوف اللي يسرك :)
يارجل خذ ايبادك ومودمك لدوام وتصفح المواقع واليوتيوب واسحب عليهم
اخوي ثق ثقه تامه ان الي يهايط كد فنخ راسه واللبيب بالاشارة يفهم
هههههه
الترويش بسيطه خذهم رحله البحر وخلهم يسبحون
عاد الملابس لو قدرت ترميها ف البحر تتغسل تكسب اجر ولا حنطها وودها المتحف
الحل بسيط جدا اشتر من كل واحد ناقة وخلك كل يوم مع واحد تتطمن على ناقتك واكيد بتعيش نفس الوضع والاكيد انك بتكون اقوى منهم اذا هم يتروشون في الاسبوع مره انت بتخليها في الشهر مرة واذا هم يهايطون في الحرب بالبنادق انت بتهايط بحرب الصواريخ جو/ ارض والزواج انت بتكمل العدد وبتتزوج اربع وكل سنه بتطلق الاوليه وتبدلها بجديده
عادي يا عزيزي الحياة لدينا كل واحد يعيشها حسب بيئته لانه لا يوجد تعليم صحيح ولا نظام
هذا ما صار دوام ....
ما اقول غير الله يعينك على هذه الاشكال .
رد رقم 14 افضل رد .
او اتبع اسلوبي سلام ياجاري انت في دارك وانا في دراي
لكن لاتتخذ هذا الاسلوب الا مع الجار السئ .
12سنه وماخلصت سواليف الحروب والغزو
ولا كل يوم اعادةللفيلم
مايملون