ودي اشوف وجووه تجار العقار بعد قرار فرض الرسوم على الاراضي البيضاء !

كل يد وفوقها يد ...

ههههههههههههههه فرحان ومنزل موضوع ياخي بسألك سؤال من هم تجار العقار عندنا ؟ نصيحة لا تفرح كثيرا والايام بيننا

هههههههههههههههههههههههههه ياخي خله يفرح شوي

ياعزيزي لاتفرح كثير لان اغلب تجار العقار عندهم خطط يقدرون من خلالها يهربون من دفع الرسوم مثلا كل 10 شهور يحول املاكه بأسم شخص ولايدفع ولا ريال واحد

العملية راح تكون بطيئة...هي خطوة على الطريق ولكن لا تتوقعون نزول كبير...ببساطة لان الهوامير لن يسمحوا بنزول كبير...ولا تنسا هوامير مواد البناء والحديد...

ليه سهله هي انك تحول املاكك باسم شخص غيرك ؟ حتى لو كان ابنك او بنتك او زوجتك ؟ هو ما جمع هالفلوس الا انه قعيطي مستحيل يحولها باسم شخص ثاني

المتر ب90 ريال . ارض 600 متر عليها رسوم 45000 ريال . سنويا وهذا رائع جدا... ارض 1000 متر عليها 90000 ريال. ممتاز جدا. طبعا فكرة تدوير الصكوك لا يعتبر حل للموجه....الموجه العامة نزول وانتهى الموضوع. مثل النهر المعتدل السرعه..واصحاب فكرة تدوير الصكوك مثل المخالف للتيار. تعب زهق تخبطات...وفي الطريق قد تتولد عقوبات وعقبات. اهم شيء الموجه العامة لا يهمك محاولات الخروج الفردية لانها فردية وفي نفس الوقت التوجه العام هو الحاكم. الله يجعل العقار ياخذ سعره العادل عاجل غير اجل...لا اجحاف على اهل العقار ولا على المواطن المغلوب على امره. والسلام عليكم ورحمة الله

الله يوفقك هذه لجان ستشكل .... ويختار أعضائها .... ويعقدون اجتماع مبدئي .... وإقرار نقاط النقاش .... وطرح الآراء كلها .... وطباعتها وتنقيحها مذيلة بالتوصية من قبل اللجنة .... تعرض على الجهة التي ستشرف على اللجنة ..... تدرسها ... تعدل عليها ..... تعيدها للجنة لاستكمال أي نقص .... ترفع التوصيات مرة أخرى لمجلس الشورى .... يعرضها على المقام السامي .... وافق عليها .... ثم لجنة أخيرة تبحث الآلية التي تلزم الجميع ... وتشكل لجنة لهذه الآلية وبحث الموعوقات والاستثناءات ....... إلخ البعض وهم كثر لا يهمهم هذا مطلقاً بل يهمهم أن تدخل الحكومة كضامن مباشر ليشتري المواطن بالتقسيط من الملاك والعقاريين فقط. يومنا ويومك طويل وفقك الله

الكلام ببلاش...والحقيقة العقار ماراح ينزل بسهوله وفي يوم وليلة...وقد يحدث بعد فترة نزول نسبي..ومشكلة السكن مو بس في سعر الارض ولكن المواد أيضا....

الهوامير يبيعون بالسر ويخدعون التجار الصغار بكذبه. العقار يمرض ولا يموت الان ماااااات والكذبه الثانيه. الارض لا تاكل ولا تشرب الان بتاكل وبتشرب على حسابك. الهوامير تقريبا تخلصوا منها باقي الضعوف مثل ما صار في المساهمات العقاريه والاسهم و و و صحيح. لا يلدغ المومن من جحر مرتين. ولاكن الجشع اعمى بصايرهم