| جميع الحقوق محفوظة © |

وتستمر المعاناه .جمرك البطحا قضية عدم افصاح اموال

السلام عليكم

يسعد مساكم اعضاء وزوار المنتدى

حصلت لي مشكلة مع منفذ البطحاء وانا جاي من الإمارات ( قبل عيد الأضحى )

القضية باختصار كنت شايل مبلغ كاش اكثر من 60 الف ريال ولا صرحت له وقت الخروج والدخول

انمسكت وقت التفتيش الجمرك بالمبلغ وبدات رحلة المرممطة بمعنى الكلمة

تحقيق وتوقيف وسجن وبهذلة لأبعد الحدود ( محسوب على الحكومة الآن مجرم ومتهم بغسيل اموال )

انحجزت السيارة الى اليوم ما فكوها لي

المبلغ الكاش للحين محجوز


تم انهاء 4 تحقيقات ( تحقيق الجمرك ,الشرطة, الشوون الإدارية - مباحث - بس مغيريين الإسم , التحقيق والإدعاء العام )

البصمات والتصوير خلصنا منه


القضية وصلت الأن عند المدعي العام


الآن ابي اعرف وش باقي من القضية لأنو تعبت من المشاوير والروحة والجية والتاخير في تحويل المعاملة من دائرة لدائرة


كل تحقيق يقلي الأمر بسيط وسهل وبنخلصك وبنعطيك الإفراج وللأسف الكل كذاب ومخادع


هل تحتاج القضية اني اوكل محامي ولا لأ ؟؟


للمعلومية المبلغ مسحوب من بنك سعودي ومعاهم نسخة من الإيصال


اتمنى ارشادي من شخص حصلت له نفس المشكلة او له خبرة بنفس القضية ( يا اخوان تعبت من الفتاوي والكلام الزايد رح اشتك . قدم برقية لفلان بن فلان .شوف لك واسطة. ارفع دعوى الخ الكلام هذا لا يودي ولا يجيب خصمي هو القاضي )

ارجو افادتي ولكم جزيل الشكر

الردود
نقاشات مشابهة
الكل: 4
1.
عضو قديم رقم 305451
04:31:14 2013.12.05 [مكة]
اخوي الكريم حدث معاي امر مشابه للصي صار معاك ويعلم الله نفس كلامك بالظيط كل تحقيقه يقولون بسيطه وتعدي واقولها لك بكل صدق هالكلام يقولونه لك عشان ما تحاول تخلص نفسك من الموضوع لاهي بسيطه ولا هي راح تعدي وراح تسجل عليك ويرفعونها للمحكمه للحق العام اول شي راح يرفعون محضر في جمرك البطحا بعدين يحولونك الشوون الجمركيه ويقولك ادفع غرامه ونمشيك وتدفع الغرامه ولا يمشونك يسلمونك لشرطة البطحا ويقولون بقي لك الحق العام ويحولونك لشرطة الاحساء وهناك يبصمونك ويصدقون الموضوع شرعا في المكحمه وبكذا انت تكون رحت في خرايطها لان الموضوع ثبت شرعها وراح يلبسونك الحق العام انصحك لوجه الله حرك كل واسطاتك وامسح الموضوع عن بكرة ابيه ولا تخليه يسجل عليك ولا يطلع عليك حكم فيه
2.
06:36:40 2013.12.05 [مكة]
صبحك الله بالخير يالغالي انا معاملتي للحين الحقوق والادعاء العام ما خلصت منها اللي فهمته انا امر اطلاق الافراج للفلوس والسيارة بيكون من عندهم البصمات والتصوير خلصت منه سويته بعد تحقيق الشؤون القانونية الغرامة سمعت عنها الف ريال بس للحين المعاملة ما طلعت من التحقيق للجمارك الحق العام متي طلبوه منك؟ ؟ بعد ما خلصت الادعاء العام حاولت ابحث عن واسطات ومعارف وللاسف كلها محدودة ولا علي قولتهم لو عندي واسطة كان من الاساس ما مسكوني بالحدود! ! للاسف هنا مطبقين قاعدة اذا سرق فيهم الشريف تركوه واذا سرق الضعيف اقامو عليه الحد ولا في مليارات طالعة من البلد رايحة لبرا. هل الكل افصح عنها؟ ؟؟
3.
08:51:00 2013.12.05 [مكة]
اتمنى منك الاتصال بالهاتف على محامي والسؤال منه ، ثم الاتصال بادارة الجمارك وسؤالهم ان لك شقيق حصل معه كذا وماهي الاجراءات وما المطلوب ..؟ ترا الموضوع شكله معقد لان في نص التحذير مكتوب انه يحق لهم مصادرة المبلغ والله اعلم . وهنا نقلت لك من موقع الجمارك السعودية مانصه : س8- ماذا سيحدث في حالة عدم الإفصاح مع وجود مبالغ أو معادن ثمينة تزيد عن قيمة "60.000" ستين ألف ريال أو ما يعادلها؟ ج- سيتم إعادتك من نقاط التفتيش الأمنية أو الجمركية إلى المسئول الجمركي في الفترة والذي سيفتح معك محضر تحقيق لبيان أسباب عدم إفصاحك، وإذا اقتنع بحسن نيتك طلب منك تعبئة نموذج الإفصاح ومن ثم إكمال الرحلة، وإذا لم يقتنع تتم إحالة الموضوع إلى هيئة التحقيق والادعاء العام أو الشرطة الموجودة في المنفذ الجمركي لاتخاذ الإجراءات النظامية بحقك.
4.
09:37:47 2013.12.05 [مكة]
لمحامي ما بيخدمك ببلاش. اغلب اللي اتصلت عليهم يقلك تعامل معاهم بادب وخلي كلامك موحد واذا تبغاني امسك لك القضية واتابعها اخذ منك الان دفعة ولي نسبة كذا من الاموال المستعادة. الرمحامي مو فاتح مكتبه للاستشارات يبغا يمسك شغل انت يالغالي تجيب لي كلام من موقعهم واراهنك لو تسال موظفين الجمارك ما عرفوا للنظام مثلا المفروض موظف الجمارك هو اللي يسال ويعطيك نموذج الافصاح حتي لو ما عندك اكثر من 60 الف. زي كل دول العالم. وساعتها اذا عبيت عكس اللي بالواقع. يطبق النظام علي لكن لا ورقة ولا يسال ويفتش السيارة وحاط المبلغ بالدرج. مو مخبيها ويطبق النظام كاني مهربها. هذا الظلم بعينه ثاني شي انا قلت لهم اني رايح اشتري سيارة وما صار نصيب ورجعت. ما صدق المفتش وقالي ليش ما بلغت وانت خارج وداخل قلت له ما اعرف. تعرف وش رده قال لي انت رايح جاي الامارات علي طول ولا تعرف النظام وقاعد تكذب علينا. كلكم كذا اذا انمسكتوا قلتو ما تعرفوا. سالته ليش ما سالت طيب عندي مبلغ او هات ورقة اعبيها. قال ما عندنا شي اسمه كذا. انت لازم تتكلم اي نظام هذا. اول ما اوقف اصيح ولا اتكلم. يا اخي مافي احد بالعالم يقول يا ناس تعالو شوفوا عندي فلوس في ورقة اعبي وعندي ايصالات. لكن للاسف طحت بناس ما تخاف الله وانا خصيمهم بالاخرة اصلا ايش تبغا اكثر من ذيك الليلة المدير المناوب مو موجود ويتصل عليه المفتش يقله قبنا علي واحد معاه كذا كاش. يساله معاه عايله. قال له لا لوحده. قال طبق النظام عليه علشان يتربي؟ ؟