والله ماني بسهل دخلت مكتب الوزير بدون واسطة

بسم الله الرحمن الرحيم

كتب أخونا الفاضل ورفيق دربي في الكفاح بالقلم سابقا الكاتب (( هجرة الطيري )) قصته الحقيقية وكيف استطاع الوصول لمكتب الوزير في يوم واحد

نعم يوم واحد فقط فمع القصة الممتعة :



أثاري السالفة سهالات
وقدرت أدخل على الوزير بكل بساطة وسهولة
رحت أنا وأخي لمعاملة في إحدى الوزارات في منطقة الوزارات
المعاملة تعرضنا فيه لظلم كبير
المجال ليس مجال ذكر المأساة
ولكن نقول
دخلنا لمبنى الوزارة
على مكتب موظف وقام بتحويلنا على موظف ثاني
دخلنا على الثاني قال المعاملة صعبة بس
شوفوا فلان يمكن يجد لكم حل لمشكلتكم
دخلنا على الثالث قال روحوا لمسؤول القسم
مسؤول القسم باجازة
رحنا للي فوقه
مدير قسمهم
تحته كم موظف
طبعاً
المدير
قصته قصة
تقدر تقول
وزير صغير
عايش في عالم ثاني
يطالعك بطرف عين
والغترة الهدد
شعليه من قده
؟؟؟
وشغلته بس يوقع
وكل واحد من هالنمونة
عنده كم سكرتيرة كويتية
تطيب له المكتب
وتطلب له الشاي والقهوة
وتجيب له الأوراق يوقعها
وهالابتسامة الحلوة على هالصبح
وووو
وآخر شيء
بصوت ناعم
أبو محمد تامر على شيء
ويقولون ليش المدراء يخلون السكرتير أنثى
؟؟؟
وأنا متأكد هالسكرتيرة في بيت زوجها ما تسوي كل هالشغل إللي تسويه عند مديرها ومسؤولها
البيت كل شيء فيه على الخدامة
إيه تعبانه من الشغل والدوام
؟؟؟
عند أبو محمد
!!!
المهم
قال لنا المعاملة ما تمشي
قلت :-
ليش يالغالي
هذا ظلم
قلت يمكن قاعدة عبد ( رب ) الحسين عبد الرضا في درب الزلق مع لجنة التثمين
تمشي
؟؟
قلنا له
هذا حلال أيتام
ظلم هذا ظلم
ما يصير
لفها معاه يمين ويسار
ما نفع مع هالمدير شيء
لأني مو من ربعهم
وإلا غيري نفس المشكلة
ومشت
؟؟؟
!!
طلعنا من هالمدير
بخفي حنين
واحنا بننزل من المصعد
لقيته ثلاث طوابق
غير الأرضي
؟؟؟
الثالث مكتوب عليه مكتب الوزير
قلت لأخوي شرايك
نصعد للوزير
؟؟؟
قال من صجك
!!
قلت أمش
طلع المصعد ما يودي للثالث
عند الثاني يوقف
؟؟
دخلنا الثاني
لقينا لوحة مكتوب عليها مكتب الوزير
؟؟؟
توجهنا لها
دخلنا من باب غرفة شكبرها
فيها أربع حريم
؟؟؟
قلت بكل قوة :- (( وين مكتب الوزير )) ؟؟؟
وكأني أقرأ ما في أعينهن من كلام
؟؟
منو هذا إللي بكل قوة يطلب مكتب الوزير
هن ودهن يطردوني
بس خايفات لا أكون واصل
حتى ما وجهن لي السؤال المعروف
عندك موعد
؟؟
قالن بالكويتي المكتب (( مناك )) يعني هناك
في قلبي قلت والله مشت معاي
رحت للباب ثاني
دخلت منه إلا باب غرفة أكبر
وريحة البخور تضرب في الرأس
وفيه موظفتين
قلت بنفس القوة (( وين مكتب الوزير ))
؟؟؟
قالت بواحدة وبدلاخة
هاه
قلت بقوة
مكتب الوزير وينه
؟؟؟
قالت وبدون شعور هم بالكويتي (( منيه )) أي هناك
؟؟؟
!!!
يا سلام
الوضع ممتاز
والسالفة سهالات
ليش هالعالم يكذبون ويقولون ماتقدر تدخل على الوزير
؟؟؟
دخلنا من باب ثالث
وغرفة ياكبرها كبراه وفيها مكتب كبير و بعيد
والله تمشي فوق العشرين متر لين توصل للمكتب
يوم قربت منه
قلت لأخوي من الخرعة
(( هذا الوزير ))
؟؟؟؟
قال :- لأ
وأطالع إلا باب كبير بجنب هالرجل مكتوب عليه مكتب الوزير
توجهت له
قال هالرجل إللي جالس على المكتب
لحظة لحظة وين يالغالي
؟؟
قلت الوزير
قال بكل لطف
استريح استريح
قلت :-
ها مدري ليش دلخت
؟؟
قال :- أجلس
قلت :- طيب وجلست
قال:- آمر شتبي بالوزير
قلت عندي موضوع
قال شنو قوله
قلت :- الموضوع كذا وكذا
إلا الرجل قال ما تمشي
قلت خلني آكله بالصراخ والقوة :-
حرام ظلم
هذا حلال أيتام
رد علي بقوة ياحبيبي ما تمشي
قلت طيب خلني أدخل على الوزير
أنا مواطن ومن حقي مقابلة الوزير
قال وهو يبتسم ما يصير تدخل
فوضى
يوم شفت القوة ما تنفع معاه
قلت :- يالغالي واللي يرحم والديك خلنا ندخل هذا الباب ماله
قال:- ما يصير بس إنزل تحت راح تلقى بنات في خدمة المواطن سجل طلب مقابلة وزير والموضوع
وينسوق لك
قلت هذا الحل برأيك
؟؟
قال :- إيه
قلت يالحبيب تكفى ضبطها لنا
قال بنفس :- إيه يصير خير روح تحت الطابق الأرضي وأطلب موعد
قلت يعطيك العافية
وطلعت أنا في نفسي أقول :- أخ لو إني مدرعم على الوزير مو أحسن ، غلطتي وقفت عن آخر واحد
والظاهر الحريم دقوا عليه قالوا له واحد داخل بقوة ويقول
(( وين الوزير ))
وما أمداني وصلت لمكتبه إلا عنده خبر
؟؟؟
ورحت وطلبت موعد مع الوزير
وهذا إحنا لنا سنة
ماشفناه
؟؟؟
وننتظر الموعد
والله كريم
شفتوا شلون الدخول على الوزير سهل جداً
!!
محبكم الطيري