والحل مع حارس العمارة و طلباته فلوس للوايت

السلام عليكم

باختصار انا شفت شقة بعمارة ورحت اشوفها وسبب رغبتي اني اغير الشقة ان الموية عندنا بالعمارة القديمة

في الشهر 4 مرات او اكثر يجيبو وايتين و المويه كمان خزاناتها مو نظيفة

المهم شفت شقة وشفتها وسالت الحارس كيف الموية قال ماتنقطع ابدا طبعا هو باكستاني.

بعد ما وقعت العقد طلب مني ولد صاحب العمارة فلوس 500 ريال يقول قيمت المكتب .. قلت اي مكتب انتو اصحاب العقار

قال مابيدي شي لازم تدفعها بقى عندي 400 ريال دفعتها له واجلت الباقي عل وعسى يتنازلو عنها .

و اقول للحارس المفتاح يقول مافي مفتاح جيب فلوس حق مفتاح قلت له ليش دوبي دافع مقدم كم شهر

يقول : انت دحين ادفع فلوس كثير انا جيب فلوس قليل .. قلت له مو غصب ولا انت تجبرني انا بكيفي والله لو جابه بطيب خاطر اقل شي بعطيه 100 ريال خصوصا اني كنت في وضع شوية متازم .

قلت للحارس بكم تنظف وتغسل لي الشقة قال 100 ريال قلت كثير كلها غرفتين قال هذا اقل شي

بعدين قال خلاص 80 ريال قلت طيب .. ونطفها ولما جيت انقل العفش اعطيته حسابة .

المهم جاب المفتاح ونقلت العفش.

بعدها بكم يوم ... يجيني الحارس يقول ماتبغى اغسل سيارة قلت له الا الي قبلك كان ياخذ 50 ريال قال لا انا اخذ 100 ريال

قلت له لا خلاص خلها لا تغسلها.

وكل اسبوع او اسبوعين يجيني يقول جيب 20 ريال حق الوايت الموية بتنقطع او بتكون فعلا انقطعت

اول مرة حاسبته الثانية حاسبته الثالثة حاسبته .. كل شوي ناط جيب 20 ريال .

والمشكلة انه يجي يطلبها والموية فيه اقول له فيه موية يقول انا عبيت من اول .

قلت له شف لكم عندي اجار وبس وفاتورة الكهرب انا بدفعها

ولاكانت سمع كل اسبوعين فلوس جيب اقول له ماتفهم يقول لي كل السكان دفعو اقول له مو شغلي

خصوصا ان اولاد صاحب العمارة ساكنين فيها واتحدى لو يدفعو ريال.

جيت حطيت عند الباب كرتون ابغا ارمين جاني الحارس يقول لاتخلي شي عند الباب والا جيب 50 ريال انا انزل قمامة

قلت له ماني تارك شي ولابغا منك شي

المهم ايش الحل مع هذي الحالة يا يسرقني الحارس او ادفع فوق الاجار مبلغ ثاني ليش

وصاحب العمارة والله مادرى عنها ومن مصلحة عيالة انهم ما يدفعو وياخذو من المستاجرين ...

وافكر اقول له طيب بس ما بدفع لين اشوف الوايت قدامي؟

احد يشور علي لا هنتو انا ماصار لي 3 اشهر والحين شكلي بدور شقة غيرها .

شوركم لاهنتم