تابع مستعمل على
جميع الحقوق محفوظة ©
من خلال هذا الموضوع نجتمع لتتحدث الاقلام ونبوح بما في النفس من خلال ابيات شعر او نثر .
نلتقي على حب واخوه وبعيد عن ما يعكر صفو الحياة .
ابداء بهذه الابيات المتواضعة من نظمي كتبتها عام 2009 ارجو ان تنال رضاكم وبأمكان الجميع المشاركه
غير ربي ما احد له اشتكيت ..
....عالم السر وعارف وش هي قصتي ..
ليش طيفك لاغزى نومي بكيت ..
....ولاصحيت لقيت اني غريق بدمعتي ..
بالجروح القاسيه منك رضيت ..
....كاتم بالقلب الامي وكثرت حسرتي ..
ودي تعرف وش انا عقبك غديت..
....ودي تعرف وش كثر هي لوعتي ..
ودي تعرف اني اتعذب وانتهيت ..
....والخدود اللي جرحتها كثرةدمعتي..
بعد قلبي الي معك وش بغيت ..
....ما بقي الاعظام من بقايا جثتي..
كانك انت لمحبوب غير لقيت..
....روح له ولك مني خالص دعوتي ..
رغم حزني من حبي لك دعيت..
....يسعدك ربي ويقبل مني دعوتي ..
في انتظار المزيد من اباعات الاعضاء والعضوات
في انتظار المزيد من ابداعات الاعضاء والعضوات
قصيدة تكفى ترى تكفى تهز الرجاجيل ولولا صروف الوقت ماقلت تكفى
قائلها هو الشاعر محمد الدحيمي الشهري والملقب بــ ( أخو تكفى )
يقول فيها
علم العفا وعفاك .. يا وافي الكيـل
بساطه أبشّرك .. في خيـر وعفـا
نكفي بعضنا ,, وانتكافا على الشيل
واللي تعب من الحطّ والشيل يكفـا
من ذاق حرّ القايلـه يعشـق الليـل
ومن شبّ ضّوه ليلة البرد .. يدفـا
لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفـا
امسيت من جيل ٍ ولاهوب ذا جيـل
واصبحت ... والاّ ديرتي شبه منفا
كنّا على فـال الشحـم والمعاميـل
ونفوسنا انقى من نقى العدّ .. واصفا
وانا ولو راحت بقولـة : تساهيـل
صلف وصروف الوقت تحتاج صلفا
ياترج جدّاني .. زحول الرجاجيـل
يحرم فلا لي عنك ياتـرج .. مقفـا
إمّا لطمنا العيل .. والاّ الطم العيـل
مادام شبّ النار منـدوب الأطفـاء
خل ابرهه الأشرم على ذمّة الفيـل
وانظر لشيٍ .... مايوصفّه وصفـا
ياذيـل والله ماتجـي راس ياذيـل
علمٍ ماهو يغبـى ولاهـوب يخفـا
واللـي حمـا بيتـه بطيـرٍ ابابيـل
ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل
جيتك وجرح الظلم .. غاديه يشفـا
جيتك بكلمة .. كنّها صعقـة الويـل
إن قلت تكفـا ... لا تهـاون بتكفـا
تكفا .. تراها كلمـةٍ تقطـم الحيـل
لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
تكفا لصلف وعـادة القـرم صلفـا
تكفا .. ترى تكفا لها هـدرة السيـل
في صدر حرًّ .. ينتف الطيب نتفـا
تكفا .. ترى تكفا لها تسرج الخيـل
إن كان لك باالخيل سرج ٍ و عسفـا
تكفـا .. تبيّـن كـلّ لاشٍ وحلحيـل
تسمع لهـا بالصـدر هبـدٍ ورجفـا
تكفـا .. وتكفـا ماتسـاق لمهابيـل
تكفا .. تخلي القـرم لاشٍ وهطفـا
تكفا .. تجنّبني هل القـال والقيـل
مانيب من ينكف علـى كـل ملفـا
تكفا .. تراني من قـروم ٍ مشاكيـل
حمّاية الساقـه .. بسيـفٍ وشلفـا
تكفى تــــــــرا تكفى تهز الرجاجيل
ولولا صروف الوقت مــا قلت تكفى
تكفى يـــــا مزيد ما يبا العلم تفصيل
المشكلـــه كبرت على عماش تكفى
مــــا قلت تكفى غير من فترة الحيل
وانتـــــه ولد من يفعل الطيـب تكفى
انخاك من كثــــر العنـــــا والبهاذيل
الفقر حطمني .. وانــا ازريت تكفى
غديت مثل اللي بــرك ضامه الشيل
تضحك بي ضعوف الرجاجيل تكفى
يــــومٍ لك وقفه .. وجاه .. ومداخيل
مــــــا غنتني عن مثل شرواك تكفى
افزع تــــــــرا وقتي غدى كنه الليل
والعلم مــــــــــا يخفاك يالقرم تكفى
مـــــا عاد بي شده ولا عاد بي حيل
ضدتنـــي الايـــام ... والـقــلّ تكفى
اروح وارجع مــا حصلي محاصيل
والرجل بادت .. يا فتى الجود تكفى
واليوم عندك يـــــــا رفيق المشاكيل
العذر مـــــــــــا ينفع وانا قول تكفى
حيثك من اهل الطيب واهل المفاعيل
يـــــــا زبن من جاله ومن قال تكفى
الجيب فـاضــــــي .. واليالـي مقابيل
عجزت اعيش مع الرجاجيـــل تكفى
والراتب المحدود .. يـــــروح تحويل
من الاداره .. لاهـــــــل الديـن تكفى
حتى عيالــي مـــــا قدرت الهم الكيل
والازمــــه لا جـــات .. صديـت تكفى
ارجـــى الفرج والله يجيـب التساهيل
واعيش فـــي راحه مع الناس تكفى
والله كريــــــــم .. يبـــدل الحال تبديل
ومــا قلّ دلّ .. وصامـل الهرج تكفى
