هل يضر اوقف السياره وهي شغاله

كل عام وانت بخير

انا اسويها لاكن اخلى وجه السياره عكس اتجاه الريح والكبوت فاتح وياحبذا يكون ظل لاكن والله ما أرتاح عينى بالحراره ولاكن لاتسويها الا بالظروره داهمك النوم حق ساعه ساعتين اما اكثر ما أنصحك مهما كانت سيارتك جديده والاخوان يفيدونك

ابتعد عن هذه الحركة لانها تتلف ملحقات السيارة اللي حول المكينة من اسلاك وليات وقطع بلاستيكية مثل الاي بي اس
لان الحرارة التي تطردها المكينة لاتخرج من محيط المكينة لان السيارة واقفة وتلك الحرارة تطرد مع مشي السيارة عن طريق اندفاع الهواء لداخل السيارة من خلال الشبك الامامي .

هذه الحركة تتلف ملحقات السيارة اللي حول المكينة من اسلاك وليات وقطع بلاستيكية

من تجربه وخاصه اذا كان الكبوت مغلق والنتيجه كانت تلف اسلاك البواجي اظافه الى خطر تسلل دخان العادم الى الكابينه فتموت اختناق دون ان تشعر ولاكن لاتسويها الا بالظروره داهمك النوم حق ساعه

حاول توقف بظل وافتح الكبوت وانشاء الله مابها ضرر على السياره بس انتبه لا تنام وتدوس على البنزين وانت نايم ماراح تنتبه الا والصوت مرتفع

كلام الشباب على متمه واغلب صانعي السيارات يؤكدون بان هذا الشي يلحق الضرر بقطع المحرك الداخليه

والله يرزقك ببيت متنقل تنام فيه مرتاح البال والاعضاء الكرام يارب العالمين :)

كان الله بعونك ورزقك السكن والراحه والاطمأنان

ممكن سؤال وش عملك بالضبط اللي يخليك تنام 6 ساعات في الطرقات انا قلت ممكن أنك كداد بس لك موضوع ثاني تقول فيه أن راتبك 15 الف ! والله يكون في عونك والله ياكثر من عينوه ميت في سيارته وهي شغاله أذا ولا بد خل جزء بسيط من النافذه فاتح

والله وانا اخوك تبي نصيحتي

اذا ولابد جاك النوم ومضطر افتح اجزاء بسيطه من الدرايش حتى يتوزع الهواء داخل السياره وطفي الموتر ونم لاتنسى تقفل الباب من باب تأمن نفسك ..

تجلس بشوي حر ،، ولا تشغل المكيف وانت نايم لان مهما كان سياره حديد ونار ،، لو وقف بها شي فجأه مثل بلف الحراره او غيره بتحتمي وتشب وانت بوسطها الله يكفينا الشر ..

للفائدة

انا كان معي من فتره تاون كار 2002 ماخذه مخزن ولافيه الا العافيه ماعليه اي ملاحظه من جميع النواحي
فجأه وانا رايح للدوام وبأمان الله مشغل المكيف وبالدائري الشرقي في هالزحمات واسمع شي يطنطن ؟؟ قلت يمكن حزام الامان ماعطيته بال ،، وشوي وتجي عيني على الطبلون الا والله عداد الحرارة H على الخط الاحمر اخر شي !؟ بدون مقدمات من قبل ،، وفتحت الدريشه حقتي كامله لاجل لو اشتعل ولا شي وصفطته على الخط الترابي الايمن وكملت بلموزين .. ويوم شيكت في الورشه قال بلف الحرارة وقف معد صار يفتح ،،

الشاهد ،، السياره مهما كانت جديده ماتنامن يجب الاحتياط .

الله أكبر الله أكبر الله أكبر لا اله الا الله والله أكبر الله أكبر ولله الحمد

اللهم صلي وسلم على محمد وعلى آله وصحبه أجمعين ,,


أخوي لو سيارتك ديزل أقولك نم وانت قرير العين ومرتاح لأن الديزل عكس البنزين تماما إذا وقفت تلج المحرك والمكيف , لدرجة أن المكينه تكربن من البروده أما البنزين فما أنصحك بتاتا لأنه يحتمي إلا اذا كنت ماشي مع الخط أتمنى اننا افدناك بالتوفيق لك ,

ومن العايدين الفايزين إن شاء الله

للاسف كلامكم كله غلط
راسلت امريكي خبره 30 سنه في شركة جنرال موتورز تقني
وحاصا ع 30 شهادة اكاديميه في مجال السيارات مع درجة الماستر
وقال مافي مشكله ابدا لان اغلب السيارات في المصانع شغاله 24 ساعه لمدة 7 ايامم وماتطفى ابدا

شكرا على محاولاتكم الفاشله

ياخي وش مزعلك دام انك مثقف وعندك علم ليه تسأل
كل واحد عطاك الى عنده تقول محاولات فاشله لو اني مكانك ماعد انام الا بسياره عناد فينا حتى اذا رحت البيت نام بسيارتك
والله مو بسيط انت دام راسلت امريكي خبير خله ينفعك

عموما خطر عليك وتلف لسياره هذي الزبده

وأنت بكيفك

أقسم بالله قبل فترة قريبة توفي جارنا بسبب هذي الحركه على طريق الرياض الدمام

نام في سيارته ونوعها دادسون نيسان > وتسلل غاز سام ثم أحترقت السياره بالكامل

وهو بداخلها رحمة الله عليه

والله العظيم لوقفت على قضيه اخلاقيه شاب وفتاه في خلوه محرمه على احدى شواطي المملكه وهم اموات في جيب تايوتا بسبب الغاز الى ذكروه الاخوان
اسأل الله ان يغفر لهم ويسامحهم

ماتوقعت ردك كذا (( 10)) ؟؟!

ياخي حبينا ننصحك هذا جزانا يعني

ياأسفا على الوقت الي ضيعته وانا اكتبلك ردي

انكنك مقتنع نم بالسياره الله لايردك يالنفسيه !

السيارات اللي تكون شغاله 24 ساعه في المصانع سيارات جديده وفي اماكن مخصصه للتجارب و مراقبه يعني اقل شي يحصل للسياره يقدرون يتفادونه

بالنسبه لقضية فتح الكبوت تراها خطيره جدا خصوصا إذا كانت هناك رياح شديده يمكن تحذفلك شي داخل الكبوت اوراق او اشياء مرميه على الطريق

والله ياصاحب الموضوع بعد ردك العاشر أنك بزر وجاهل

استغفرالله بس

شكرا على محاولاتكم الفاشله !!!!!!!!!!!!!!!!!!!!!!!!!!!!!!!!!!!!!!

بنص الجبهه عليها سحبه

ياصبر الارض عليك ياصاحب الموضوع طيب ليه تسأل من الاساس

الحمدلله قرأت ردك رقم 10 قبل لا اشارك

اسأل الله العلي العظيم أن يرزقك من واسع فضله ويسكنك قصور الدنيا والاخره , انا مع الشباب باأن الوقوف بالسيارة وهي تعمل قد يضر بالسيارة والله يعطيك خيرها ويكفيك شرها

وجهة نظري انك ماتنام كذا الا في حالة انك مظطر وانتبه تنام وانت مقفل النوافذ للاخر ... لأنها خطيره

المكيف فريون وغاز وماتدري وش يصير وانت نايم لازم تخلي النوافذ مفتوحه لتبديل الهواء

وبالنسبة للامريكي اللي استشرته اتوقع ماقلت له عن درجة الحرارة اللي عندنا هههههه

وبالتوفيق