هل لديكم تجارب تجارية .. اشتغلت ونجحت او فشلت

بالعكس ماانت فاشل بس لو تخلي تجارتك على شي واحد لين تطور وتجمع راس مال طيب وتتوسع في نفس النشاط الاي ترتح فيه بس نصيحه انحش عن السيارت صح فيها مكسب بس فيه غش مااقول انت منهم لاوالله بس انا اشتغلت فتره معهم وشفت اكثرهم يحلف بالله وهو غير صادق كرهتها بس التجاره بشكل عام طيبه وربي يوفقك انا سويت مشروعين اول مشروع خسر قبل افتح المحل ههههه بس دفعة اجار وديكور وخسر قبل افتحه ربي ماكتب له النجاح والحمدالله والثاني نجح والحمدالله بس قال انا الاي خسرته كنت اصرف منه وادفع روتب العمال منه يوم جاء بعد فتره زاد الايجار لان العماره اشترها واحد ثاني وسلمها رعي مكتب وقام زاد الايجار علينا كلنا زياده عاليه بعدها كنسلت والحمدالله على كل حال

شكراً لك على الرد .. والله يعوضنا واياك يارب ..

بخصوص السيارات .. بصراحة فعلاً السوق مليان غش ولكن الواحد يعمل بما يرضي الله
وبالتأكيد انه مكسبه قليل .. ولكن قليل حلال خيراً من كثير حرام ...

انا اشوف شغل السيارات افضل بزنس لي .. لانه مايربطني بوقت معين بالاضافة إلى انه لا يعتبر قديم .. بل كل فوله ولها كيال ..
ولكن مايعيبه بالوقت الحاضر .. هو اصرار البائع على البيع بسعر عالي جداً اعلى من قيمة السيارة .. والمشتري نفس الموضوع يرغب بالشراء بأقل من سعر السوق بكثير .. لذلك البيعة تكون غير مجدية .. (( بالنسبة للي يبي يشتغل بما يرضي الله ))

واما الاستقرار على نشاط واحد .. ف فكرت كثيراً في الملابس النسائية حيث ربحها كان عالي
وبضاعتها ماشية كثير .. ومطلوبة ولكن حاجز التواصل مع الطرف الاخر هو اللي منعني من الاستمرار واشركت زوجتي في البيع للتفاهم مع الزبونات .. ولكن برضوا كان في حواجز كثير ..

انا استخلصت مشكلتي في عدة نقاط .. اضعها للفائدة حتى لا يقع غيري فيها :

- استحي من الناس في طلب حقي .. وتعبي .. ودائماً لا اتفق مع الزبون .. واللي يجي منه حياه الله ..
- اقدر ظروف الناس .. لدرجة اني ممكن ابيعله بخسارة .. عشان نفسه فيه وماعنده :)
- لا ادور رأس المال .. حيث اني اخلط فلوس التجارة مع فلوسي ومصاريفي .. ف يختلط علي المكسب .. وهذه اهم نقطة عرفت انها كانت سبب كبير في خسارتي .
- ابذل مجهود خرافي احياناً بدون فائدة .. وهنا المشكلة في تقسيم الوقت .. واستثمار الوقت المناسب .. وهنا ربما تكون مشكلة بعض الشئ .

الله يوفقك ويسر امرك صدقت خلط الفلوس التحاره مع المصروف غلاط ارسل لي رقمك على الخاص بشتغل معك في تجارة الملابساالنسائيه وعندي تصريف لها بسرع وقت بحكم الموقع الاي موحود عندي ماودي اوضح اكثر بتليفون اعطيك بالتفصيل وشكرا

ماشاء الله تبارك الله
المفروش انت على ذالتجارات هذي تكون تاجر كبير بس شكله الحظ معوكس معك
طبعا انا اشتغلت بالاسم وبصراحه ودتني فوق بسرعه وبسرعه نزلتني تحت ههههه
بس العبره الي يملك راس المال القوي
واحسن تجارة هي تجارة الملابس الاكسسوارات النسائيه فيه ذهب

ههههههههه حلوة .. ياليت والله

المشكلة عاد اني ما اتوب هههههههههههههههه ولا ودي اتوب شكلي خخخ

رأس المال هو اللي يوقف حاجز امام تحقيق الاحلام
خاصة لما يكون راس المال على القد .. مايمديك تكمل خاصة انه التجارة عندنا يبغالها صبر
وخاصة لما تدخل سوق مسيطر عليه جنسية معينة .. ف لازم يكون عندك طولة بال
وبالاضافة إلى راس مال عشان يساندك ...

فتره جاء معي 50 الف وانا ماافهم وكل مااقول لأحد وش رايك قال وش يسويلك هذا المبلغ صدق احباط اذا مااحد يعطيك وجه وانت ماتفهم