هل تؤيد الزواج من ثانيه ؟

هل تؤيد الزواج من ثانيه ؟

( وإن خفتم ألا تقسطوا في اليتامى فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت أيمانكم ذلك أدنى ألا تعولوا ( 3 ) )

فطرة فطر الله عليها الرجال

سواء سايروا فطرتهم أو خالفوها وكبتوها

الان دراسات تثبت أن التعدد مفيد للمرأة أيضا

أظن سبب كره النساء للتعدد هو معرفتها ببنات جنسها

فهن ( إلا ما رحم ربي ) قاسيات على بعض ولا يرحمن بعض ولا يرحمن أطفال بعض

اهلا



انا ما اايد الزواج من الثانية

مع ان الوالد ( الله يرحمه ) متزوج ثنتين

وعايشين مع بعض

والحمدلله ما في مشاكل تدكر كلها خفايف عاديه

حتى ان البعض يستغربوا ادا اقول لهم ان هدا اخوي من ابي

او رايح اوصل خالتي ( زوجة ابي ) الى مكان او شي

ايه هين من اللي ما وده يعرس بالثانيه
كلها اجابيات مافيه شي سلبي السلبي الرجل نفسه اذا ماعرف كيف يروض الثنتن بالاسلوب الهادي والاحتواء الكامل والحزم وقت الجد
والرحمه والعطف ضرورب تكون متواجده

انا كنت ما اايد الي يتزوج ثنتين بس واحد من العيال اقنعني
يقولك بعض الحريم يكونون باردين في انت عاد افهمها
اذا كانت الزوجه الاولى موفره لك كل احتياجاتك الزوجيه يكون الزوج هنا انهبل لو يفكر ياخذ ثانيه

روي عن المغيرة رضي الله عنه قوله:
( صاحب المرأة الواحدة إن مرضَتْ مرض وإن حاضتْ حاض.
وصاحب الثنتين بين جَمْرتين أيتهما أدركتْه أحرقَتْه.
وصاحب الثلاث في رُستاق يبيت كل ليلة في قرية.
وصاحب الأربع عروس في كل ليلة.)

عجوز تنصح ولدها اللي بيتزوج على زوجته..... قالت :- ياوليدي المراه الواحده استقرار وتكون روحها معلقه فيك وتغار عليك حتى لو تصير مشاكل بينكم حتى لو انك تقسى عليها راح تنساها لك مهما كبرت مشاكلكم راح تسعى لرضاك راح تنسى لك زلاتك ولو انها لمنها زعلت صارخت ولو انها شوشريه وطفوق راح ترجع وتهدا الامور بإذن الله والمشاكل لابد منها ولكن مع الزمن تندثر وعقب عيني ياوليدي ماعندك احد غير بيتك وعيالك مهما رحت لاخوانك والا خواتك راح تبقی ضيف عندهم مرتك وعيالك هم اهلك ولو تمرض تلقاهم حولك والكل يتمنى قومتك بالسلامه وفدوتك اموال الدنيا ولكن لمنك تزوجت الثانيه تفتح على نفسك باب الشقا وماتقدر تصكه راح ترخص روحك عند الثنتين وبدل ماتصير نفوسهن معلقه فيك تصير نفوسهن معلقه بالورث وكل وحده منهن ودها انك تموت قبل مايكثرون عيال الثانيه عشان ماتورث اكثر منها ومهما تظاهرن بحبك الي بقلوبهن بغضك مافيه الد من المره اذا ابغضت زوجها ولمنها اعلنت عليه العصيان مايقدر يسخرها.. والحريم ياوليدي مهن سعاده لمنهن تجمعن عندك لا والله الا شتات وحياة الشقا وعيالهن قوم على بعضهم ومهما كثرو منت فرحان فيهم وراح تعيش عمرك حروب بين الحريم وعيالهن ولقمتك تغص بحلقك كل ساعه شكوى كل يوم صراخ وحياة التعاسه هذا ظالم وهذا مظلوم وانت ارخص طرف بالعايله لو تمرض الكل يحتري الخبر ويعدد كم يطلع له. ياوليدي بيت الوحدة عماار ،، وبيت الثنتين دماار ،،،

..... بيت الوحده عمااار وبيت الثنتين دماار ...تبقیوا لخير

اصحاب الردود لمن لايؤيدون الزواج من ثانية
لو لم يكن في التعدد حكمة ورحمة ماشرعه الله سبحانه وتعالى . فاالامر مفروغ منه .

نعم وبقوة مع اني ماكنت التفت للتعدد .

اعرف ان الشغلة ماهي بالسهلة ولاكن احتفظ برايي لنفسي

المشكله مايعدد الى الي منتف ههههههههههههه وتحصله بالسجن من كثر ديونه طيب عندك خير عدد ماعندك اقضب ارضك

والمصيبه العظمى اذا تقدمت للمعدد على اساس تتزوج بنته كا ثانيه يقلك لا واللخ مانبي معدد ع اساس انت مو معدد ههههههههههه شر البليه مايوووزحك

10
نعم عندك فلوس عدد بيديك ورجليك ماعندك امسك ارضك وانثبر على الي عندك

إجابة سؤالك هي أن الزواج بالثانية تعتمد على ظروف الشخص العائلية.. هو ليش يفكر بالزواج من الثانية. الاولى صارت ما تنفع مثلاً؟ ولا يبغى ينوع؟ اذا يبغى ينوع في الزوجات و الاولى تزعل عليه يبقى ايش الفايدة.. اما في حالة الاولى ما عندها مشكلة و متفهمة الوضع . في الحالة هذي كيفك. بس الواحد لازم يفكر في المرأة برضو.. يعني موضوع زي كذا اكيد بأثر على نفسيتها و بحسسها بالنقص. و انا م احب زوجتي تحس بالنقص صراحة.. هذه وجهة نظري

وشي ثانيته نبي ال 4 ونتم تكلمون ب2 تزوجو وكثرومن الذريه الصالحه المسلمه ان شالله

و4 كمان

يالعويند انت اللحين جيب الاولى وبعدها جيب الثلاث والعشر بعد هههههههههههه طفرانين ويبون حولهم حريم هع هع
وشوي نلقاكم بموقع اسكان هههههههههههه


ترا امزح امزح ههههههههه

والله لو الله اعطاهن الحق اللي تملكه لا يحطن فوق راسك 3 عش الحياه وتمتع بلذاتها في الحلال والعلم عندك انت تملك زمام الامور انت ابخص بروحك قيم نفسك واقدم ان كان تحس انك قوي علي مجريات ومتطلبات الحياه الماديه والصحه ماشاء الله جيده اصبح ما فيه مانع العمر واحد اهم شي لا تجمع هالكديش وتقول اني تمتعت وعددت

والله انا اشوف الزواج يعتمد على المقدره الماليه وصفات الزوج هل هو من يتقي الله اذا اجتمعة الصفات والمال اشوف الموضوع بسيط جدا ويحق له الزواج من الثانيه ولكن اكان الصفات مضروبه واحتمال يهمل ويبدا نظام الجديده فا هذا اقوله انسىى الفكره وهذي فيها ظلم لو تنسى لليله او ريال من حق الاولى فانت ظلمتها شوف الي يخارجك

صراحه ناس فاضيه ماهمها الا الجنس هههههههههههههههههههههههههه

لا تسويها ، تتعب نفسيا

حسب ضروف الزوج
ويتحكم في ذلك الزوجة الأولى




.