هل السفر الى بيروت الان أمن للسعوديين ؟؟

الفتن مجتمعة في بيروت

ماذا تريد فيها

لبنان البلد الي ماتلقى أحد يزعلك فيه

1
ياخوي انا سلتك سؤال عن وضع البلد والامن فيها ...
هل سافرت لها انت لو ماسافرت مانبي رايك

2
هل سافرت الى بيروت هذي الايام هذا سؤالي الحالي
وشكرا

لا والله يا غالي ماسافرت للبنان في هذي الأيام ولاكن أعرف ناس توهم جايين منها والوضع تمام

صحيح الخليجيين قليل بس موجودين

لو تسأل في منتديات السفر والسياحة بيعطونك تفاصيل أكثر

انحش لا يبيعونك للحكومه بانك داعش بعدين تروح طعم جحوش

6
ليه هل احد من معارفك صار عليه الكلام هذا ...
ولا كلام كذا تسمعه .
اتمنى يكون خليجي سافر للبنان الفتره الحاليه يفيدني لاني الوضع غير معروف للان

دوله تحكمها حزب الله
والسورين منتشرين فيها كلهم عصابات
وحدودهم حرب
وش تتوقع يعني

لكن يا أخي
كثر من مرة حادثة خطف خليجين هناك
و أخر مرة خطف سعودي فيها
بفضل من الله هرب منهم

بعض الناس ما يصدق
رح وعلمنا وش يصير معك

توي جاي منها ياجهاد انا وعائلتي
رح ترا الامان جدا عالي بس رح بدون عائلتك
لوحدك بس
:)

روح واذا جيت سالم فلبنان فيها امان ولحقناك

واذا ماعودت بنعرف انك اسير عند قوات حزب ابليس

ههههههههههههههه


تبي العلم نصيحة لاتروح السعودي يدورونه بشمعه

خلك في السعودية وزع ابتسامات واشتر لك رز بسمتي وفلها بلا بيروت بلا مشاكل

11-12
بجد انت وياه بزران معنى الكلمه
أتمنى انك تحترم الأعضاء وتحترم المنتدى والي فيه ياخي سالتك سؤال انت وياه ماخذينها كانني من ربعك و جالس معك باستراحه ولا كاني واحد من اصدقائك... مبزره
عندي سؤال عندك له جواب بواقع تجربه اهلا وسهلا ماعندك نقطانا بسكاتك...
انا اطلب الجواب من الناس الي راحو او يعرفون احد راح غيرهم مانبي سخافات من المبزره

الأخ نجدي
ياخي رحت انت او احد من معارفك راح لاتجلس تتفلسف علينا وتقول ماصدق لين يصير كذا وكذا ..ياخي اذا مارحت او ماحد راح لك معرفه لاتقول كلام من راسك.. فيه ناس سعودين رايحين قالو لي كلام غير الي تقولونه مناطق ومناطق

اخوي جهاد لا تزعل
انا صارت لي قصه قريبه من موضوعك
رحت العام الماضي لتركيا وسكنت في تقسيم انا واطفالي وحنا راجعين المغربيه للفندق بدأت مظاهرات ميدان تقسيم
طبعا تسكرت الشوارع وتكسرت النوافذ واشتعلت كفرات في الطرق والعدد يفوق الخمسين الف وانا مضطر اتجاوزهم انا واسرتي لان الفندق فيه كل شي لنا
طبعا تعبنا نفسيا ذاك اليوم خاصة ان الليل كله وهو اصوات شرطه وتكسير وضرب وزعاق ووووو واصبحان الصبح لقينا واجهه الفندق متكسره والكنبات مقلوبه طبعا اسم الفندق مرمره
لحظتها
كيف كانت شعوري
ومعي الامانات اطفال متحمل مسئوليتهم

وعلى قولتهم من خاف سلم
والله لحظتها اتمنى يجيني احد يشيلني من الفندق بدون المرور بالهمج المتجمعين لكن للاسف مضطر اطلع بينهم مره ثانيه
واستأجرت بدي قاردات 3 وكل واحد لهف من الفلوس
ما صدقت خبر الا يوم لمست رجليني ارض الوطن
حلفت معد اروح اماكن فيها مشاكل
وكل بلد فيه بديل مهما اقنعت نفسك

طبعا البدي قارد كانو واقفين عن باب الفندق ويعرضون خدماتهم ويخوفون الناس يعني اذا ما رحنا معكم الله يعينكم تراهم همج وقبل شوي مات كذا وكذا