جميع الحقوق محفوظة ©
السلام عليكم ورحمة الله
أسعد الله أوقاتكم بكل خير
أخوني الإعزاء
بإذن الله راح أطلع لدولة قطر وحاب أستفسر
هل الدخول يستلزم جواز سفر ؟
رغم وجود جواز سفر عندي منتهي + مخالفات ساهر
وزوجتي لا تملك جواز سفر
وهل فيه أماكن سياحية للي بيقضي 10 أيام
وهل هي رخيصه أو مثل دبي ؟
بالعربي هل تستاهل العنوه أو لا
أتمنى الرد من الأخوان اللي زاروا قطر ولهم في السياحة معرفه
شاكر ومقدر
لا ما تستحق التعب
حرر شديد ومافيها الا سوق واقف وحر جدا فيه كنه البطحا عندنا اما الاماكن الثانيه السياحيه مافيها جديد تبي تصير الحالك الديره فاضيه مافيها احد ههههه
^
بيض الله وجهك
ضروري أسافر مختنق ههههههههه
ولا أقدر أطلع من دول الخليج
عمان أو الإمارات ؟
يا شيخ اي دولة !
وما يحتاج جواز ورقة من عمدة الحي تكفي هههههههه
ولا اقولك موافقة من ولي الامر ما تستاهل ترى
ما يمديك تصفي الطبلون الا وانت خاتمها ههههه
تعرف احد هناك روح ماتعرف تعال لسدير نفس الشي
ابو عمور سديراوي وما قلتلنا
مقيم باقامه ولي كفيل ههههههههههههههههه
من عجائب قطر عندي سايق هندي كان سواق بمعنى الكلمه لكن سربوت
المهم ترحل من هنا بقضايا الان هو مالك فندق بقطر كيف مدري
انا ذهبت براً لقطر ودخلت ببطاقة الاحوال
لكن موضوع المخالفات ماعندي فكرة عنه هل يلزم التسديد او لا
اي شخص يحمل بطاقه هويه مستقله ذكر او انثى يمكنه التنقل بها بين دول الخليج والا يتطلب جواز سفر .
قطر حلوه بس حقها من 2 الى 5 ايام
عايدي ببطاقه الاحوال لك والمخالفات ماعندك مشكله فيها
وطبعاً الزوجه لازم يكون معاها بطاقه احوال او جواز سفر
لان كرت العايله مايفيدك
