السلام عليكم ورحمة الله وبركاته هذا أخونا في الله / النـــــافع ( غازي بن عقل الظويفري ) انتقل إلى رحمة الله النافع يعمل موظف في شركة أرمكو / الظهران و أكبر أبناءه مصعب " 0500515505 " الحقيقة لم أقرأ مواضيع له من قبل ولكن خبر وفاته دلني على مواضيعه وأنا أرفعها رجاء أن أكسب و يكسب أجرها فإلى المواضع والخواطر : 1- وين فلوسك يامرزوق؟ والله مدري وين يروح راتبك؟ والله مدري وشلون ماتدري؟ والله مدري اجل بس عايش كذا ودايم مزنوق وتتسلف المئة والميتين والسيارة قرنبع والايجار متقطع والحالة متنتفه؟....ياخوي ماعندك احساس انت؟! احساس ...وشلون احساس...يعني؟! ايييه قصدك احساس يعني احساس؟؟ طبعا عندي .....واحساسي الان انك ماراح ترفض تسلفني خمسمئة ابي اسدد واحد من الربع ناشبا بحلقي هههههه...يابن الحلال...مايصير.....هو ينشب بحلقك......وتنشب بحلقي انا....! لا والله الا هو اللي ناشب بحلقي ....وجابي لي الصمرقع..وكل ماشافني قال سددني.... ياخوي انت شاب ...وتستلم اربعة الاف ريال ....وماتدري وين تروح فلوسك؟ عاد لو هي مبينة عليك....ماقلنا شي.... ياقوم.......يهالراتب .....يابن الحلال والله مدري وين تروح....لكن اكيد انها في لزوم.... مرة ارسل للوالدة ومرة لاخواني ...ومرة يجيني ضيوف....واكثرها يروح تسديدات للجوال وللبقالة ولراع المطعم......ودخان وبنزين....ولا تنسى الحلاق والمغسلة ....هه....خبرك وانت ماشي..... طيب وماعندك نية تتغير...وتفكر في المستقبل..؟ لا....ماعندي... وارجوك.....لا تعقدني....اتركني بحالي......وش فيه المستقبل....يعني؟...... فقير مات غني مات.....يارجل..