| جميع الحقوق محفوظة © |

هديتي لكم ،،!

هذه القصيدة الرائعه
اهديها إلى كل واحد زعل من أحد
أو آخذ بخاطره في يوم من الأيام على أخوه أو أخته أوقريبه أو رفيقه أو زميله ،
قصيدة رائعة إفهمها ولا تنتظر لين يقال ..
صلوا على فلان أوفلانه بعدين تقول ذاك الوقت ،، أبروح أسلم عليه في
المغسله أو أبروح أصلي عليه ..
رح له في حياته واحتسب الأجر عند الله تعالى
(ومن عفا وأصلح فأجره على الله )
.........................

نزعل ونتكبّر وحنا من الطين .
والكل منا صدّ لا أقبل خويّه .

نفخر نقول إنا على الصد قاوين .
وهـيّ علينا في الحقيقـة قـويه .

ننسى نهايتنا وعلى وين ماشين .
وننسى الزمان اللي جمعنا سويه .

المشكلة ماهي بـ حاجة لـ تخمين .
ولاهي بعد يا ناس صعبـة القضيـه .

دق الرقم كيفك هلا فيك وأهليـن .
أنـا الخوي اللـي مزعّــل خويــــه .

قلّه تغيب وصـورتك داخل العين .
ويبقــى لـ حبك في خفوقي بقيه .

أخوان حنا لو يجي بيننا . شيــن .
ومانفتـرق دام المحبـة . نديــــه .

خلك قـوي . لاتحتكرك الشياطين .
قبل الفوات وقبل وقت المنيــه .

كلّم اخوك بـ طيب الهرج . واللين .
وأعرف جميل الهرج يمسح رديـه .

هذي هي الدنيا من الحين لـ الحين .
لابد بين الناس تحصـل خطيــه .

ومن لايقدّر غلطـة أحبابه الحيــن .
يقـرأ حـروفي ويعتبرها هــديه .

باكر تمر سنين وسنين وسنيـن .
والـكل . يرحـل في الدروب المديـه .

صدقني تندم وأذكر حـروفنا زين .
تندم على خلك إذا غاب ضيّــه .

دنيا غريبـة وأكثر الناس ماشين .
وكم صــاحبٍ والله دفنته بـ يديـه


قال الله تعالى :(فمن عفا وأصلح
فأجره على الله )

الردود
نقاشات مشابهة
الكل: 2
1.
07:25:11 2013.12.08 [مكة]
هذي هي الدنيا من الحين لـ الحين . لابد بين الناس تحصـل خطيــه . ومن لايقدّر غلطـة أحبابه الحيــن . يقـرأ حـروفي ويعتبرها هــديه . باكر تمر سنين وسنين وسنيـن . والـكل . يرحـل في الدروب المديـه . رائعه جدا
2.
07:30:46 2013.12.08 [مكة]
صح لسانك اخوي مسامح