| جميع الحقوق محفوظة © |

نحن بالسعوديه ويجب مراعاة ديننا وعاداتنا

السلام عليكم ورحمة الله وبركاته ....

الاعضاء الكرام ..... تحية طيبه للجميع

ما رأيكم في الموضوع و م الحل ؟

لي فترة ما طلعت بالاهل مطعم او كافيه ومع الوقت الاخير شهدت مدينة الرياض مطاعم كثيره وعالمية ومقاهي كثيره ايضا و هي جديده علينا و لا نعرف من اصحابها و ديانتهم و اهدافهم و سياستهم ولكن يعلم الله اني في غيض شديد كل مارحت لمطعم او مكافيه لايوجد به ساتر ولا حتى شبه ساتر !!
طيب كيف الاهل يتعشون او يتقهوون او يشربون حتى ماء !!
وانا في دولتي وفي مدينتي الاسلاميه 100 %
يا انهم يتحجبون عشان ياكلون ! (عاد عندنا بهالوقت الحيا زايد والناس محد يناظر )
يا انك تطلع !
مصيبه والله معناها اهلي لايمكن يتعشون في مكان هاديء ويغيرون روتين الحياة (منيب قايل مره كل شهر) لو مره في ال 6 شهور ؟ وين نروح ؟ وليش النظام بهالشكل اقسام العوائل مفتوحه وبعضها سواتر شفافه ! والمقاهي طبعا مفتوحه وعامه !

انا مدري بس اشوف انه قهر وغلط وفشيله لك ولاولادك يوم تدخل لمطعم وتحصله بالشكل هذا تصفق وجهك الدهشه وكأنك خارج المملكه الحبيبه :(

ارجو التعليق ومراعاة اسلوبك فهو مرئاة لتربية والديك

الردود
نقاشات مشابهة
الكل: 14
1.
عضو قديم رقم 316738
10:14:32 2013.04.21 [مكة]
عندنا سوق في جدة اسمه الاندلس اغلب الجلسات العائلية فيها سواتر مثلجة رحت الاسبوع هذا ليه فترة ما رحته قلت بتعشي فيه حصلتهم بدلو السواتر المثلجة بقزاز شفاف عادي وايضاً تم وضع جلسات للشباب بجوار جلسات العوائل اغلب المطاعم بدت تنتهج نفس النهج هذا
2.
10:17:44 2013.04.21 [مكة]
حرب على الحجاب والالتزام مكان ما يناسبني أقاطعه وأبحث عن غيره حتى لو آخذ الأكل سفري
3.
11:34:27 2013.04.21 [مكة]
اخي لسنا مجبورين على الذهاب لتلك المطاعم او القهاوي وخاصه التي لا توفر للعائله خصوصيتها
4.
11:40:41 2013.04.21 [مكة]
حسبنى الله ونعم والوكيل
5.
عضو قديم رقم 92248
20:54:46 2013.04.21 [مكة]
نعم لسنا مجبورين على الذهاب لتلك المطاعم او القهاوي وخاصه التي لا توفر للعائله خصوصيتها مع العلم ان محافضة الطائف هي الافضل فيها مطاعم ومحلات خاصه با العوائل منظمه ومرتبه وساتره تاكل وانت وعيالك مرتاحين ... حسب ما رايت واعرفه .... سبحان الله الرياض العاصمه اصبحت تنكره من الذي نسمعه فيها من احداث ومشاكل ومصائب عكس المناطق النائيه نسال الله العافيه ...
6.
عضو قديم رقم 227898
21:29:10 2013.04.21 [مكة]
ياولد الدنيا مدحدره والمملكه اللي انت خابرها لم تعد هي المملكه ما اقول الا الله يرحم بحالنا وحسبي الله ونعم الوكيل
7.
21:41:21 2013.04.21 [مكة]
كل ما نراه مشروع غربي يطبقه اللبرالين بمباركة الجامية اللهم يارب احفظ بلاد التوحيد وحفظ خادم الحرمين من كل شر وابعد عنه اللبرالين والجامية الخونة وقرب له علماء السنة الربانيين الناصحين وكل من يريد خير للبلد واهله
8.
عضو قديم رقم 234857
23:00:48 2013.04.21 [مكة]
للأسف المنطقة الشرفية كذلك !! أكبر مجمعين فيها ( مجمع الظهران - الراشد ) كان بها سواتر في قسم المطاعم للعوائل .. والآن تمت إزالتها !! بأمر مين !! ولماذا ..؟
9.
عضو قديم رقم 311024
23:07:43 2013.04.21 [مكة]
يازين اكل البيت وجلسة العائلة على صحن واحد هههههههههههه
10.
23:34:46 2013.04.21 [مكة]
يا اخي فيه ماك وفي كنتاكي وفي هارديز وفي مطاعم هندية كثيرة فيها سواتر يعني لازم تدخل مطعم مافيه ساتر الله يستر علينا
11.
عضو قديم رقم 213166
23:41:46 2013.04.21 [مكة]
بر ابو صبيح وفجوجها للغانمين وساع. البلد صارت في.ايدي العائدون من الغرب بعد ان اتموا دراساتهم هناك وتطبعوا بطباع الغرب والتغير واضح وملموس وقد وقعت اتفاقيه بين السعوديه وامريكا قبل خمس سنوات بتطبيع السعوديين من خلال ارسال الشباب إلى جامعات امريكيه واوربيه وفتح المجال ودخل فيه غالبيه الشعب السعودي. ( من الجنسين ) من اوسع ابوابه. وها نحن نجني ثمارها.
12.
00:31:28 2013.04.22 [مكة]
السلام عليكم اشكر الجميع انا والله مثلكم ودي بالجلسه بالبيت والاكل سفري ارتاح مع الاهل بالبيت بس تعرفون الاهل لازم يخالطون الناس ويسمعون منهم وودهم مثل الناس والشي الثاني كثير من المطاعم على قول اخونا كانت سواتر والحين شالوها،، واحد يقول لي اتصل على الجهه المسؤله وسو شكوى او الهيئه .
13.
عضو قديم رقم 163660
01:01:01 2013.04.22 [مكة]
ماعمري دخلت مطعم بالرياض وكان مكشوف. اما تكون فيه ستاره او باب الا اذا كان قصدك بمطاعم المجمعات المكشوفه .. عموما ربعنا تدريجيا ينزاح عنهم مفهوم العيب حتى يظهرن بالشوارع بلا عباءة وهذه انتظرها خلال العشر سنوات الماضيه. نسال الله ان لا ياتي هذا اليوم.
14.
21:02:39 2013.04.28 [مكة]
يا زين شواية الخلييج اخذ حبة واروح للبيت وانا وام عيالي وحمودي حبيبي وتوتتي ناكل براحتنا ولا احد يشوفنا الا احنا اللي نشوف التلفزيون هههههههههههههههه