من يوجد لديه حل ارجو الدخول

اما من يدك تكون وسخة يوم تحطها في الجيب

او من طرف الباب يوم تركب السيارة

لا ياطيب مو من يدي اما طرف الباب سويت له تنظيف وتلميع وكل شي لكن للاسف للحين اعاني من المشكلة

صارت معي من فتره
السبب( المكان اللي تشبك فيه حزام الامان)
تتحرك المفاتيح داخل المخبأ الجانبي مع اهتزاز السيارة فتحتك معاه فينتج السواد الذي تراه.

المشكلة الي يطلع فيه البقعة ماهي من جهة الي نشبك فيه الحزام للاسف الجهة الثانية الي لم الباب

امكن الديكورات حقت الباب وسخه من تحت او الكرسي نفسه ... لما تركب السيارة حط حاجز على الباب والكرسي مثلاً سجادة او شي وشوف
عشان تغسل السيارة وتريح بالك .. :)

هذه من الميدالية حقت المفاتيح تمسح اللون بالثوب .
الحل اما انك تجيب ميدالية ما تصدي او ما يتغير لونها او انك تشوف الميدالية الجلدي

هاذي الله يعافيك من جوانب الكرسي الي تجلس علية وخصوصا اذا كان لون الكرسي اسود وبلاستيك ... وحلها استخدم صابون فانش ( انقع وفرك مكان البقع وبعدين حطها بالغسالة وكثر صابون ) والنتيجة انشاالله بتعجبك

يالربع الموتر جديد ما فيه شي ولا فيه ميدالية ريموت قسم الله احس باحراج شديد بسبب الحركة هذي

عندي نفس المشكلة وما لقيت لها حل

السيارة جديدة وكل شيء نظيف والسيارة مخمل واللون الداخلي بيج

المفاتيح في جيبك تحك في جنب الكرسي حق مكتبك في العمل



............

ونا نفس المشكله وما لقيت الحل لمعت السياره بالكامل فكيت الكرسي وغسلته ولا عرفت العله كل ثيابي كذا

السلام عليكم ورحمة الله وبركاته
اخوي انت وزنك زايد ، الأماكن الي تجلس فيها غير نظيفة او تروح لها، حاول يكون معك دايم سجادة خاصة لك
فقط لكي تغطي المكان الي تجلس فيه وسلامة الجميع.

وش دخل الوزن بالموضوع ؟ بعدين وش شايفنا بزران نجلس في اماكن مو نظيفة الله يسامحك بس
ياليت ما رديت علينا

شوف انا كان عندي نفس المشكله نفس الي بالثوب تجي على الجيب فا شف انت أي جيب يجي بالجيب اليمن ولا اليسار ولا كلهم ..عموما أتذكر هذي المشكله قبل 12سنه كانت معي وكانت السبب من السياره لما اجلس يكون من حق الحزام يحك بجيبي اضن فا يطلع الي تشوفها زي الوساخه الي بالثوب اغلب ضني من قفل الحزام الي يمين الكرسي
انا كان عندي كذا وطفشتني لدرجه ماعرفت من وين لكن لما غيرت السياره راحت المشكله
..شف انت الجيب الي فيه المشكله ولاتحط فيه ولا شي اتركه فاضي وشف النتيجه ادا ماتوصخ اعرف ان المشكله من الأغراض الي تحطها فيه تحتك بشي معين تنتج عنه الاوساخ
والله ياخوي انا كانت المشكله هذي معي ولا عرفت لها حل الا لين بعت السياره واختفت مني المشكله واضن سيارتي كابرس او فورد على ماضن انت وش سيارتك فورد اوكابرس ؟؟؟
او حط تلبيسه للكراسي يمكن تختفي بس المشكله من السياره هذي 100% لو تقدر تغير النوع اذا ماعليك أقساط غير السياره لان الأمريكي يجي فيه هالمشكله

الجيب الي يتسخ الايسر يعني مو على قفل الحزام، كنت اعاني منها من مدة طويلة في سيارتي القديمة واشتريت الان سيارة جديدة ونفس المشكلة علما بأن الجيب الايسر تقريبا دائما فاضي ما حط فيه شي

صدقت
ياليت ما رديت كان احسن لي ولك سامحني وبس وانا اسف

ايوالله قال ليتك مارديت هاذا فتان يهوش