من هم البرمــاويـــة ؟؟؟

شكراً لكم على التوضيح والمشاركة

، ،

اخواني واخواتي في الله ،، يشهد الله اني اكتب كلماتي هذي والدموع بعيني والعبرات تسبقني

ارجوكم اقرؤها للنهاية ..

لن اطيل عليكم انا سجلت بالموقع فقط من اجل الرد على هذا الموضوع !!

ارجوكم قدروا الآمي واحزاني على ماحصل لآمتي وفي شعبي !!

انا اخوكم / ابنكم من هذي الجنسية البرماوية احمل شهادة دبلوم هندسة حساب من كلية الإتصالأت ومؤذن ومدرس حلقات لأكثر من 15 سنة !! تخرج من يدي العشرات من اخواتي السعوديين من حفظة كتاب الله .. وعمري لم اقطع رزق احد او اذي احد ولم افكر اصلآ بذلك


والله يااخواني ماضاقت صدري من الفقر ومعاناة الحياة التي نعيشها خاصة
وليس لدي بلد تعترف بي وانا مقيم في بلآد الحرمين الشريفين ،، اقامة برماوي وجواز باكستاني لآ ادري اين هي مصيري !!؟

لكن ماضاق صدري واحزنني كثيرا عندما ارى هالردود السئية والجائرة بحق شعبي المضطهد من اخوة لي كنت احسبهم بأنهم ناسي واهل عزوتي وفدوتي يشاطرونني في آلآمنا واحزننا وكيف اعداء الأمة تكالبوا علينا وكيف اصبحنا بلآ هوية ولآ ديار !!

اصبحنا للأسف سخرية وحرامية وغصة عند البعض وكأننا خلقنا ملكا !! لسنا من البشر نصيب ونخطئ !

ما احزنني فعلآ انهم اخوة لنا وسيظلون كذلك مهما اخطأو في حقي وحق شعبي البرماوي بردودهم الغير صحيحة وبالحكم بالعام على اننا شعب مفسدين وسارقين وندعي بالصلآح !!

هل هذا جزائنا لأننا لم نخلق مثلكم في بلآد شرفها بلأمن والآمان والعزة واننا خلقنا في رحم المعاناة والتخلف والجهل والفقر والإضطهاد !؟

هل هذا جزائنا لأننا ولدنا هنا في هذا والوطن ولا نملك دولة ولآ جنسية .. وطلبنا جوار بيت الله !!


ما اقول الإ سامح الله كل من اساء في حق اخوانه المسلمين وحسبي الله ونعم الوكيل ..

يقول الإمام الشافعي ( اذا لم يكن صفو الوداد طبيعة ،، فلا خير في ود تجي تكلفا (

واقول لمن حكموا على شعبي وامتي بأنهم حرامية ومفسدين وقتلة .. ارجوكم اتقوا الله فينا وللأسف هذا ما كان ينقصنا ويأذينا .. ولسنا من ملآئكة نحن بشر مثلكم !!

تكفون ردودكم هي تكمل ما كان ينقصنا في هذا الوقت بالذات ..

استغرب من البعض حكم على شعب بأكمله من اجل 20 ريال فقط .. هدى الله الجميع واشكر من كل قلبي من وقفوا معنا ولو بكلمة .. ولآ يضيع اجرهم عند الله سبحانه مثل المؤمنين في توادهم وتراحمهم كثل الجسد الواحد .. والمسلم اخو المسلم ..


اعتذر ان اخطأت بكلآمي .. والله لم اكتبه الإ لشفقة على نفسي واظهارا للحق والحق سينتصر ولو تأخر بإذن الله والفرج قريب بإذن الله !!

(لِيَمِيزَ اللَّهُ الْخَبِيثَ مِنَ الطَّيِّبِ وَيَجْعَلَ الْخَبِيثَبَعْضَهُ عَلَىٰ بَعْضٍ فَيَرْكُمَهُ جَمِيعًا فَيَجْعَلَهُ فِي جَهَنَّمَ ۚ أُولَٰئِكَ هُمُ الْخَاسِرُونَ)d


وسيعلم الذين ظلموا اي منقلب ينقلبون


اخوكم .. دمتم بحفظ الله

..
ا

اغلب الردود تذمهم
اتمنى من الحكومة تسفيرهم لبلادهم ..

هم بنقاليه عايشين في مكه واستقروا فيها وما زالو يتحدثون بلغتهم الام البنقاليه مع اللغه العربيه يكثر فيهم حفظه القران واهل العلم

انا برماوي وافتخر
بس يا اخواني مشان الواحد يروح سمعت الكل في منا الصالحين ومنا الطالحين
مو كل الناس زي بعض في منا يبغى مصلحتو بس وفي منا يبغى مصلحة الكل
اصابع ايدينا مو مثل بعض بس اذا حبيت تخليها زي بعض صعب
زي كدا يا اخواني انا اسمي سعد عايش مكة قرب الحرم وانا برماوي رافع الراس وامشي
على حفظ كتاب الله وعمري 14 بس انا دوبو دخلت الموقع وشفت اضافاتكم

وانا بقول بكل ثقتي اكثريا البرماويين منهم حافظ القران ومحب الخير
واقل منهم المصااااالح مو بس البرماويين هم اللي حافظين القران ومحب الخير
بس لا في ناس كثيرين منهم السعودين واليمنين والمصريني ومنهم ومنهم كثيرين

ترى كل القوم يحسب انو لو شافو واحد بطال يحسب كامل القوم زي بعض
اقرب مثال هم الاثيوبي شفنا واحد اثيوبي يقتل شفنا واحد اثيوبي يسرق شفنا واحد
اثيوبي بطال شفنا شفنا كثيرين صرنا نخاف من كامل القوم نقول الاثيوبين كلهم خربانين ترى لا
منهم برضو الطيبين الصالحين اسف لو قصرت عليكم

اللهم اهدي جميع الطالحين
اللهم احفظ جميع الصالحين

مع التحيات
اخوكم سعد الاركاني

كنت رايح مشوار مع صاحب ونيت فشفته يتكلم في الجوال بلغة البرماويين فسألته وين تشتغل قال لي أنا متقاعد من الحرس الوطني قلت له كيف إنت ومتقاعد من الحرس قال إيه أمي برماويه وأبوي حارثي ههههههه والله ما قدرت أمسك نفسي من الضحك قلت يا أخي كم عمرك إنت قال خمس وأربعين أستغربت صراحة

العنصرية والقبلية
اتركوها فانها منتنة .

انا عاشرت ناس منهم طيبين مره بس الناس اجناس واشكال فيهم الزين والشين

الخير يخص والشر يعم هاذا تفكير الجهال الله لايبلانا وثانياً حفظ القران حتى بعض المسيحين يحفظونه يعني الي يحفظ القران اجره عند الله ممكن نترك الناس يجتهدون لله موا للماده

معليش اخواني انا صحباتي اغلبهم برماويين مو شايفه اللي تقولو عليه واقسم بالله فيهم خير احسنن من اللي عندنا وكل وحده فف حالها ويعني هما مو خلاص ف دولتكم تتمادو عليهم لكل شئ حد مم فكرت انو يدخل اي برماوي ويقرا كلامك ايش شعورو ويشهد الله اني احب كل البرماويين واعزهم وعع راسي والله
واحترم كل واحد فيهم وكلنا خلق الله حتى السعوديين فيهم الشين وفيهم الزين والبرماوين فيهم الشين وفيهم الزين وكل الناس كذا وابغا واحد يقنعني انو مم في جرايم سعوديه!!😕
ترا والله ععيب احنا اخوان وسند لبعض

يا حليله شعبنا يخززززي العين عليه

يعني الشعب السعودي الي منزهه كامل والكامل الله
اتوقع الجنه بعد مايكون اسمها جنه لا لا
يكون اسمها المملكه العربيه السعوديه


ايش هدا الهبل
اكيد البرماوي فيه منهم الصالح و الطالح
والسعوديين كمان في منهم ناس صالحه وناس ماتختشيش

وبالنسبه للي يقولو يطلعو من بلدنا هههههه

انتو اللحين اطلعو من البحرين والمغرب وتعالو هايطو على الي ساكن بالسعوديه

هاذي مشكلة شعبنا يشوف نفسه رسول او نزل عليه الوحي ويحكم على ذا و ذا
ونسي انه هو كمان يخطي وماهو منزهه من الخطاء

اتحدا واحد سعودي يطلع اللحين ويحلف بالقران ان ماعمره اخطاء
لا طبعا كلنا خطائون
واذا على جرايم البرماويه حتى السعوديين عندهم جرائم
اخرها الي خطفو الولد وركبوه السياره
وقبلها الي اعتقو رقابهم بسبب قتل والخ
يعني جت عالبرماوي
ياليت بعد كذا تحكمو عالبعض وليس التعميم
لو بنعمم حتى احنا يالسعوديين عندنا مجرمين وعندنا ناس منحرفه وظاله صحصحو بس حسستوني اننا شعب ضامنين الجنه او بالاصح الجنه مايدخلها الى السعوديين والباقيين برا برا برا

البرماوي والهوساوي
أصلهم من نيجيريا

البرماوي شرق اسيا برما واراكان زوله غير معترف بها جمب بنجلاديش اما الهوساويه هم اصول افريقيه نيجيريه

قال الله تعالى في كتابه الكريم.
ياأيها الذين آمنوا اجتنبوا كثيرا من الظن إن بعض الظن إثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه واتقوا الله إن الله تواب الرحيم .
صدق الله العظيم

بجدد انا اوافق الأغلبيه .. كأنو السعوديين مايغلطو ابداً ولا يسوو جرايم في البلد
وزي ماقالو البعض البرما في منهم الصالح والطالح
ردود الاغلبيه منحطه ويعتبرو عنننننصريين .. انا من الناس اللي اكره العنصريه
واشوفكم تقولو اطلعو من السعوديه ويلا برااا .. ابدا انتو ماليين دبي ولندن وتركيا انتو اطلعو منها بالاول وبعد كدا قولو للبرما يخرجو من بلدنا !! ترى كلنا مخلوقين من تراب ومافي احد احسن من احد ولا في انسان مخلوق من ذهب (لافرق بين عربي ولا اعجمي الا بالتقوى )
اذا هذا اسلوبكم الله يعينكم على انفسكم يالعنصريين ! (( عجبني الكومنت رقم 51 أجمل احساس ))

ان من لا يدافع عن ارضه لن يدافع عنك
اذا نجح البوديين في طرد المسلمين من ميانمار فسوف يتم طرد المسلمين من سيرلانكا ثم من الهند وبعد ذلك الطامه الكبرى مما سيحصل للمسلمين في الصين
لقد كانت الغلطه الكبرى هي ماحصل قبل35 عاما وليس 60عندما تم استقبالهم وكانوا النواة الاولى لافراغ بورما من المسلمين وتمكين البوذيين من ارضهم وكان الاولى بهم بنقلادش بحكم اللغه والجوار

بسم الله الرحمن الرحيم.
البرماويين بشر زيهم زي أي بشر فيهم الصالح وفيهم الطالح.

انا لله وانا اليه راجعون
نسأل الله العفو والسلامة