من تجربتك الخاصه هل استفدت من الشاي الاخضر ؟

خرطي بصراحة ما أستفدت شيء

أنا لي تجربة مع الشاي الأخضر قبل حوالي سنتين ، أخذته بهدف إنقاص الوزن والحصول على فوائده الصحية .
وجربت نوع أسمه ( توقايين ) من محلات شواهي -ولا أذكره هنا للدعاية ولكن أقول عن ما جربته فعلا - وربما هناك ماهو افضل منه -.
ولقد شعرت بفائدة كبيره في تسريع إنزال الوزن ، حيث كنت أمارس الرياضه كذلك أثناء تناوله.
عندما كنت أتناول الشاي الأخضر كنت أشعر أني أكثر صحة ونشاط وحيويه ولا ادري هل هو شعور ناتج عن تغير حقيقي أم هو امر نفسي.
أنا انوي للعوده له قريباً إن شاء الله.

للمعلومة فقط الشاى الاخضر يشرب من غير سكر اذا تريد الاستفادة منه 100%

ابوعثمان شلون تبي تستفيد وانت داق في النعمه وتاكل اكل ثلاث اشخاص ؟

أنا كنت أعاني مشاكل في الهضم وارتحت كثيراً منها بعد المداومة على شرب الشاي الأخضر مرة واحدة باليوم بعد الغداء منذ عدة سنوات وحالياً لا أستطيع الأستغناء عنه نهائياً أصبح عادة عندي .

زمان قبل أكثر من 16 سنة كنت أبي أترك الشاي العادي لأني مدمن عليه وبعض الناس نصحني بالشاي الأخضر ولقلة خبرتي به كنت أشربه في كل وقت مثل طريقة الشاي العادي فصرت أجوع كل ساعتين أروح أدور أكل وجاني هبوط وحالتي صارت حالة بسبب الإكثار منه ههههه .

أنتظم .. كاسة واحدة باليوم تكفي .

انا نزلت 10 كيلو من شاهي توقايين محلات شواهي بدون رياضه

لكن فيه اقوى منها هي القهوه الخضراء موجوده على شكل كبسولات

طيب حل صحيح ان الشاي الاخضر يخفض الكولسترول و ضغط الدم و السكر ؟

للرفع والفائده

هههههههههههه ابو عثمان الله يسعدك من وين تخس امس ضارب صحن كامل ر بالقوه شلناه من بين ليديك
جرب الزبادي قليل دسم تخس باذن الله

استاذي تبيها عن تجربة ولا كلام مرصوص بالدعايات والاعلان !؟
اذا شغل الدعايا والاعلان فأعتقد الكل يعرف وش فايدتة الشاهي الاخضر لان من تدخل السوبر ماركت تلقى انواع المنتجات له وكل واحد مسطر لك صفحة خلف الكرتون يحكيلك فيها فوايده والخ والخ ..

واذا عن تجربة فالشاهي الاخضر الفائدة الوحيدة اللي له هو مسهل لعملية الهضم بعد الاكل فقط ولا له اي دخل بتنقيص الوزن بتاتا وبالتحديد انواع الشاهي المتواجدة بالاسواق محليا عندنا اما الشاهي الصيني فنادر جدا تجد شاهي صيني اصلي هنا لان كم محل ومحل عارض له منتجات الشاهي الصيني وبالحقيقة لا صيني ولاهم يحزنون ..

وانكان السؤال عشان تخفيف الوزن انا ادلك على طريقة تدعيلي فيها بأذن الواحد الاحد لكن محتاجة صبر وقوة تحمل ..

اول اسبوع ابتعد عن جميع انواع المأكولات اللهم المأكولات البحرية فقط ولا تاكلها من مطعم لان انواع النكهات اللي توضع فيها تسبب التخمة ومنها الحرقان ومنها زيادة بالدهون وغير كذا هم يسونه بالزيت ..

فتروح الله لا يهينك سوق السمك واخذ اللي تشتهيه من سمك وروبيان على التحديد
ويكون برنامج كالتالي :
الصباح ملعقة عسل طبيعي على الريق مع كاس ماء وبعد كذا وقت التمرين ويفضل من 10 الصباح الى 1 الظهر وتتمرن بالبر بالطعوس بالتحديد الرمله الغير معتدلة ..
بداية التمرين تمارين اطالة من اجل الحمية وهي معروفة ولو ما تعرفها تقدر تكتب باليوتيوب تمارين اطالة وبتلقى الكثير وبعدها مشي سريع لمدة 15 دقيقة وبعدها تمارين اطالة مرة ثانية وبعدها هروله خفيفة طبعا لو لك فترة طويلة منقطع عن التمارين الرياضية راح تحس بأن رجلك راح تتمزق لكن تحمل وخلك على هالموال اسبوع ..

وبالنسبة للاكلات البحرية فهي تكون بعد المغرب وتاكلها حاف من غير خبز ولا رز ولا ملح ولا بهار ولا اي شي اللهم تشويها شوي وتاكلها ..

وبعد اسبوع ان شاء الله شوف وزنك كم نزل وراح تدعيلي بأذن الله ..

وقبل ما انسى ابتعد تماما عن المشروبات الغازية ومشروبات الطاقة وحتى العصيرات المتواجدة بالسوبرماركتات اللهم اثبت على الماء ولو بغيت عصير لا تاخذ الا طازج ويكون بدون سكر وبدون ثلج وسلامتك

الشاهي الاخضر يحرق الدهون والافضل شربة مر بدون سكر

انا مداوم عليه بعض المرات 5 اكواب باليوم