مفتاح خزنة ( تجوري ) الوالد ضاع كيف الطريقة ساااعدوني ارجوكم

روح بلغ الشرطه يجيك عسكري يعاين الموقع ويعطيك ورقه على ان الخزنه لك بمواصفاتها واسمها وحجمها بعدين الله يعينك تشيلها في سياره وتروح لمخارط الحديد واغلبهم بيقول لك ما نقدر...
بس بتلاقي باذن الله
لف الصناعيات كلها سواء القديمه او الروضه او اي صناعيه والله ييسر لك امرك
وبعدين اشتري ام فرار احسن لك

هذا ما يجعلني متردد في شراء خزنه

لكن هذه حجمها كبير على ما يبدو

اي الخزنات افضل واسهل في حال فقدان المفتاح هناك خزنات برقم سري بالاضافه الى المفتاح بحيث اذا فقدت الرقم السري او المفتاح تستطيع استبدال اي منهما لفتحها .

لكن ايهما افضل و اخف من حيث الحجم للمستندات فقط .

وين في الرياض غير محلات ساكو و اكسترا حيث لديهم انواع غير مناسبه ومحدوده .

خذها للدفاع المدني يفكونها لك

عليك بالوكالة اللي اشتريت منها ممكن يصدر مفتاح جديد من المصنع

هل كسر القفل سهر اذا كذلك اكسره وريح نفسك

او ابحث عن زميل او من خلال المعارف بالتأكيد يعرفون احد لديه محل مفاتيح يحضر ويفتح الخزنه

عزيزي ماجد خذ العلم مني

قبل فترة
قريبة ضاع مفتاح الخزنة اللي عندنا بالعمل

رحنا لمحل المفاتيح وأنصحك بالشايقي وأعطيناك نوع وكل المعلومات المكتوبة على الخزنة

وكتبوا خطاب للشرطة فيه كل المعلومات وسلمت له

طبعا هو جاء ومعاه مفتاح يدخل في فتحة المفتاح لكن غير مقصوص

ومعاه مبرد ومقام يحرك المفتاح ويسمع الأصوات ويطلعه ويبرده حسب الصوت طبعا هنا تجي الخبرة

وبعد ربع ساعة فتح لنا الخزنة

وبالتوفيق

يا خوي روح لمحلات تاجير معدات البناء وخذ لك صاروخ واقطع ابو مفاصل الخزنه واشتر بدالها وحدة جديدة
ترى الخزناة اسعارها رخيصة قيمة تصليح مفتاح جديد بقيمة خزنه جديده

^^^^

المفاصل الخارجية للحركة فقط عند الفتح أما القفل الرئيسي في الداخل عبارة عن مجموعة من الاعمدة تعشق في الجدار الداخلي والوصول لها بالصاروخ مستحيل

حياكم الله .... كل من أصحاب الردود أعلاه مصيبون فيما قالوا .... ولي رأي آخر.

إذهب لصاحب تصليح مفاتيح وقل له لدي خزنة ، وأثبت له ما بداخلها من أثباتات تثبت أنها لك ، وسيذهب معك فوراً ... قد يأخذ 300 أو 400 ريال ، وإذا بعيد عن المديمة ربما 500 ريال ... الإشكالية فقط أن تثبت أنها لك وأعتقد ما دامت في منزلك فإن هذا المسألة ليست بالعسيرة .... وفقك الله

الخزنة هذه يأتي معاها اربع مفاتيح ابحث عنها قد تجدها عند الوالد فقد يكون احتفظ بها في مكان

الله يجزاكم خير ويرحم والديكم

ماقصرتو اما بخصوص فتح الخزنه بصاروخ او مخرطه فهذه مستحيله
واما الاسبير مافية الى 2 وضاعت من الشايب الله يطول بعمره

شكل مافية الى الشايقي

الله يعينك اللين تلاقي حرامي خزن .. :)
يفكها لك ويريحك

مالك الا الشايقي .. بس اعمل الاجراءات الحكومية اول مثل خطاب الشرطة عشان يعرف انها لك
رسمي

وش درانا انك صادق ؟؟
يمكن تبي تفتح تجوري ابوك بدون علمه ؟؟
معليش بس شاب الراس من قصص مثل هذي الي ذبح ابوه والي ذبح امه الله يكفينا الشر الجسل الحالي لا ثقه فيه بصراحه ؟؟ راح جيل 1300

طالما ان كل الحلول اللى ذكرها الاعضاء عن طريق الشرطه ..مافيه مشكله اخوي نجدي هم يتثبتون من أكيد

اقرب محل اثاث منزلي يقدر يساعدك بوجود والدك طبعا

حصل لي نفس الموقف منذ سنة , ارسلت لشركة المصنعة الرقم النسلسلي للخزنة وطلبت مفاتيح جديدة وخلال اسبوع وصلت المفاتيح عن ظريق DHL
يجب ارفاق فاتورة الشراء من الوكيل مع الظلب

الله يجزاكم خير
بخصوص الي يقول اني بسرق
لا يوجد اي اجراء باخذه الى بورقه من الشرطة وبامر والدي الله يطول بعمره

الله يجزاكم خير