مطعم هرفي واستغفال عقولنا

كلامك صحيح
نحن نرفض الاستغفال

والله صادق

ياخي ما فيها مشكله ازود 5 ريال بس يكبر الساندوتش

اما يقولي بيبسي وبطاطس ما ابي حجم كبير \

والوجبه بـ18 ويحسبها بـ21 من كيفه اخليه يرجع البيبسي والبطاطس ويعطيني عادي

هذا ياحبيبي محاسبين الشركة يقسموا رواتب السعوديين على الوجبات وانا اذا علمت انها رواتب لأبناء بلدي احاسب بدون تردد .... الله يوفقهم

في أمريكا الدولة تحارب البطالة بحيث تظهر بيانات بطالة اسبوعية تؤثر على صناع القرار بالسالب والايجاب
واخر مشاريعهم يحق لك مزاولة أي نشاط تجاري بامريكا من أي جنسية كنت بشرط نسبة الموظفين الامريكان بالشركة أعلى من 15% وطبعاً برواتب ممتازه

انت لاحظ انه اي وجبه تطلبها يضيف لها قيمة الجبن بدون ما تطلب انت

المتداول اخوي ما اتوقع ذلك واذا كان صحيح يستاهلون

اشكركم جميعا على التفاعل

وحتى دكتور كيف يسوي نفس الحركة ، وبعض محلات الكوفي شوب ..

هرفي صار لي تسمم بسببه قبل كدا وغير كدا كلامك مئه في المئة صحيح فرع شارع الستين جده

انا متاكد من هذا الشي في فرع طريق الخرج
ولو قلت ابي الصغير يقول لا ما في الا الحجم الكبير
نصب واستغفال
واللي يقول الزيادة للسعوديين
يا اخي الشركة تكسب ملايين وما تحتاج الريال بس قول ما في قوانين

شكرا لكم جميعا

فعلا صارت لي ثلاث مرات وزفيت العامل

حركه غريبه منهم

صار موقف غريب على هرفي هذا ....كنت قبل سنه رايح زياره للكويت وفي استراحه العيال متجمعين واحد جالس يسولف يقول رحت انا واحد لسعوديه لدمام ويقول عزمني خويي طبعا خويه الي جاي هو وياه من الكويت .على مطعم قال قبلت العزيمه يقول رحنا لهرفي . طلبنا قال مافيه الا حجم كبير يقول انا ماشرب ببسي كثير قلت اوكيه معا انه مطعم معروف وسمعته في السعوديه كبيره مفروض يامن جميع الاحجام او يعطيك كبير بنفس سعر الي تطلبه سواء صغير ولا وسط المهم يقول فتحت الساندويش كليت الا والله الدجاج ما نجح يقول قمت قلت للكاشير هذي مانجحت وش دعوه تحطون لنا دجاج مو مطبوخ عدل ....قال الكاشير مالي شغل طيب رجعها وعطني فلوسي قال مقدر قلت طيب جيب لي وجده ناجحه قال مقدر ....يقول عصبت ورفعت صوتي بلمطعم كله وش دعوه تاكلونا غصب شي موناجح و....ووو ..المهم ما خلاهم كلم البلديه واتصل على مدير الشركه وجاب البلديه وعطاهم الوجبه وكتبو تقرير شكوى ويقول والله ان المدرى يتصلون علي من كل مكان من الرياض ومن جده يترجوني امشي حق البلديه ويقول قدمت الشكوى ومشيت للكويت .....وخذى فلوس الوجبه غصب عنهم

يقول المراد ان مطعم هرفي في السعوديه ما ينتكل منه وبس ....

جودة هرفي تأثرت الفترة الاخيرة ويلاحظ حتى انواع اللحوم والساندويش دون المستوى .

اما بخصوص الحجم الكبير فحصل معي في فرع الاحساء والزمت الموظف اني مارح ادفع الا حق بيبسي صغير وقال لايوجد الا اكواب كبيرة قلت له لاتعبيه كامل . واضطر في الاخير يطلع اكواب حجم صغير . كذب عيني عينك بس اتوقع ضغوط من الادارة تلقى كلهم اجانب ويشبون في هالسعوديين مساكين والشكوى لله .