| جميع الحقوق محفوظة © |

مطعم بيت الشواية والشباب السعودي ؟

مرة رحت قبل اسبوع لمطعم "بيت الشواية" في احد احياء الرياض.. أتعشى نص حبة شواية مع الرز.


المهم لقيت شباب سعوديين ماشالله شغالين في المطعم اللي كاشير واللي يقدم طلبات للزبائن جرسون يعني. الشغل ماهو عيب ولاهوحرام ..بالعكس شي طيب ان الواحد يكسب فلوس من عرق جبينه ولا يطق باب فلان وعلان ..

لكن ياناس حنا أغنى دولة بالنفط ماوصلنا للدرجة هذي،،أن شبابنا يشتغلون هالشغلات وحنا اغنى دولة ونصدر البترول للعالم .


ماأدري أنتم تأيدوني على كلامي ولا انا غلطان ..!! ( أرجو المشاركة؟)

الردود
نقاشات مشابهة
الكل: 43
41 43
41.
عضو قديم رقم 92248
22:23:20 2012.12.26 [مكة]
لماذا ما يكون بدل العماله اليمنيه او غيرهم من ابناء الوطن ؟ ايش المانه .؟ ولا جالسين ننتقد ونقول نحن اكبر دولة نفط ولا يجب علينا ان نعمل في اي مكان ... العمل والشغل ليس بعيب في اي مجال يرى الشخص فيه لقمة عيشه فلا يتردد ... فكونا من الاحباطات والتهويل وتكبير المواضيع الا ما له داعي ... انا اقول بدل هجولة الشباب في الشوارع وترفيع وتزيين السيارات والتبذير في شي غير مفيد ان ننظر بعين قويه مثل الصقر وياكل اللقمه الطيبه ....
42.
00:13:21 2012.12.27 [مكة]
العمل ليس عيب ونبي الله داوود كان يأكل من عمل يده انا اتعامل مع بنشري سعودي وما شاء الله تبارك الله الناس عليه زي الرز تشجيع له لا اتعامل مع الأجنبي الا في أضيق الحدود أي في الأعمال التي لا يعمل فيها أبناء الوطن وفعلا كنا نتمنى أن يجد المواطن أفضل وظيفة ولكن كل مواطن على قد مؤهله وعلى قد إستثمارة في نفسه وحسب ضروفه أعيد واكرر ليس عيب ان يعمل السعودي في أي عمل
43.
02:47:41 2012.12.27 [مكة]
انا ما ادري ليه الاعتراض على هذا العمل او اي عمل شريف ؟! عادي جدا احنا المفترض نساهم في دعم هؤلاء الشباب لاجل تكوين جيل واعي لكل الاعمال التي توجد في الدوله من صغيرها لكبيرها مشكلتنا نتكبر على الاعمال اللي نحسها صغيره ونحتقرها وفقط نهتم بالبرستيج والمكانه الاجتماعيه وكل العالم تحب تشتغل مدير ومدري مين بمسك باقي الاشغال ! ونعترض على وجود الاجنبي واحنا نعترض على العمل اللي يشتغل فيه .. طيب عشان يطلع الاجنبي من عندنا لازم شوية تنازل من الشباب خليهم يشتغلوا مهني شوي عشان يتعلموا الحياه ويبنوا حياتهم شوي شوي يعني دوله مثل مصر مثلا او الاردن او سوريا او او .. الزبال ابن البلد والخباز ابن البلد والنجار ابن البلد والتكسي ابن البلد وووووو وبالتالي البلد تكتفي من اهلها واللي يجي من بره ما يزاحم اهل البلد لان البلد مكتفيه من جميع المهن ,, ولو ان الان تغيرت الظروف مع الحروب القائمه لكن مازال ابن البلد هو القائم وهو الذي يستطيع ان يعمل اي عمل بدون الاشاره له بالدونيه واحنا مازلنا نطمح لوظيفه وحده وهي اما مدير او مساعد مدير او نوصل بيوم للاداره العليا ومن حكمة رب العالمين ان جعل جميع الانبياء يعملون بمهن عمليه مثل رعي الغنم والتجاره والنجاره وهكذا حتى يعطينا سبحانه الحكمه ان الانسان يمكن ان يكون عظيما ويحكم الارض وهو يقوم باعمال بسيطه ووالله احسن من التفحيط والصياعه والترقيم وما الى ذلك على الاقال الشاب يكسب من عرق جبينه وكافي نفسه ويتطور ويكون اسره ويمكن لو استنى عشر سنوات ما تجيه هالوظيفه اللي اسمها مدير مع تحياتي لصاحب الموضوع ,,