| جميع الحقوق محفوظة © |

مساعدة ارجوكم لدي مشكلة في العمل

السلام عليكم ورحمة الله وبركاته

اخواني انا موظف اعمل في احدى الشركات ولديها وكاله اجنبية بمسمى مسئول حسابات .. والمدير المباشر اجنبي حقير وقليلة فيه كلمة حقير ومدير الفرع اجنبي من نفس جنسيته وفي الفترة الاخيرة صاير يسانده ضدي بما اني الوحيد السعودي في القسم.

المشكله:
المدير المباشر من اول ايامه الي داوم فيها قام يتفلسف وعرفنا انه ماعنده سالفه في العمل ويبغى يغطي على نفسه بحيث انه يقلص عدد الموظفين باكبر قدر ممكن وقال بالحرف الواحد : انامخول من الادارة العليا اني امشي اي واحد منكون وبدون ما ارجع لحدا.
وبالفعل طير اثنين من الموظفين و وصل عدد الموظفين ثلاث ولا هو قادر يمسك علي ممسك وفي الفترة الاخيرة قام يتلفض بالفاض نابية على انه يمزح معاي وصاير يستفزني بشكل واضح وكنت عارف هدفه هو الاستفزاز.
يوم الثلاثاء الماضي قام يسالني عن العمل بطريقه نفاخ وحسيت اني بافقد اعصابي وقلت له خلاص اقطع الحديث الان وبعدها رفع صوته عشان يسمعه المدير العام وانا ساكت.
وتفاجأت بان مدير الفرع يوم الاربعاء - أمس - بانه اعطاني خطاب انذار بثلاث امور دفعه وحده وكلها ظلم في ظلم.
اولا :عدم اللباقه في ردي مع العملاء. وهذا ليس لديهم اي دليل ضدي ولو سالو العملاء لوجدوا العكس
ثانيا :التقصير والاهمال في العمل . وهذا غير موجود والدليل جميع الملفات تشهد بذلك.
ثالثا : عدم احترامك للمدير المباشر . طيب في حالة اذا هو اشتكاني بشي غير موجود تصدقونه على طول؟ وليش ماسمعتوا من الطرفين لانه هو اللي بدأ بالغلط.

انا غلطت واستلمت الانذار والمفروض اني ارفضه تماما.


طلبي منكم يا اخوان
هل اتقدم بشكوى تظلم ضدهم لمكتب العمل وهيئة الاستثمار مباشرة ؟
او اشتكي للادارة العليا في الشركة علما بان الادارة اجنبية 100%؟
وهل تعتقدون بان هذا سيؤثر علي مستقبلا في العمل؟

واخيرا لو تشوفون ان الشكوى ضدهم لمكتب العمل الله يجزاكم بالخير ساعدون في صياغة خطاب لتقديم الشكوى


وجزاكم الله خيرالجزاء

الردود (18)
الكل: 18
1.
14:17:41 2012.07.26 [مكة]
اولا كل وانت عزيزي بخير من وجهة نظري الشخصيه تخوفك وخضوعك لعدم فقدك للوظيفه فهذا قرار خاطي لانهم ومن واقع ماذكرت متبعين الخطى النظاميه في استبعادك عن العمل ليكن تصرفهم نظامي على الاقل شكلاً لذا اتمنى شرح المشكله للجهه العليا في الشركه ( الاجنبيه ميه في الميه) موضحا انك طالب للحق وانك باسلوب غير مباشر سوف تصعد الموضوع للجهات الاعلى في حال عدم التعاون والتعاطف معك وانك تعتذر بأن ستتجاوزهم لاحقاق الحق ورفع الظلم وما يقوم به مديرك المباشر من استفزاز صريح ووفقك الله اخوي لما يحبه ويرضاه وابعد عن من كان به شر
2.
14:31:27 2012.07.26 [مكة]
ليش توقع عالانذار وتستلمه اصلا لو ما وقعت كان يبل مويته ويشربها ما منه فايدة مالك الا مكتب العمل قدم شكوى وحاول ترفق اي شي يوقف بصفك
3.
16:41:51 2012.07.26 [مكة]
1. بقلم: محمد557 وانت بخير وصحه وسلامة اكيد ياخي باخاف على وظيفتي وخصوصا اني مسئول عن بيتن تقريبا وبالذات في هذة الايام الي ما ينلقى فيها وظايف واكيد كلامك سليم مية بالمية انهم يتبعون النظام ولكن باشياء كاذبة وهذا اللي قاهرني بالموظوع والله ظلم نصيحتك بعين الاعتبار وبنشوف باقي الردود شاكر مرورك ونصيحتك 2. بقلم: a96a والله وقعت عليه وانا ما ادري وش اسوي ولا حتى احد تكلم ومن الصدمة ماعدت ادري وش اسوي واللي غابني ان مدير الفرع زهم على المدير المباشر ويقوله لازم تشوف انا سلمته الانذار الله يعطيك العافية وبانتظار المزي من الردود والاقتراحات
4.
17:13:27 2012.07.26 [مكة]
للأسف يا صاحبي . ما فيه مجال للمساعده . لانه ما في نظام يحميك , يعني لا يوجد حتى مواد نظام اساسية تحدد علاقة الفرد بالفرد في كل مؤسسه . عندك وزارة العمل , اذا تبغى تقدم شكوى , والله يعينك بيجيك ضغط وسكر , وبيطلعون عينك , 3 او 4 سنوات , واخر شئ كلها تمشىي بواسطات . المشكله اللي يحكم في المشكله ورعان . كلهم ما تجاوزوا الثلاثين من العمر . حاول انك تمشي معهم , وتسلك لهم , قدر الامكان . لين الله يفرجها .
5.
17:15:29 2012.07.26 [مكة]

(تم الحذف بواسطة الإدارة)

6.
17:16:31 2012.07.26 [مكة]

(تم الحذف بواسطة الإدارة)

7.
عضو قديم رقم 303336
17:17:55 2012.07.26 [مكة]
اللي باين لي في الموضوع أن مشكلتك الرئيسية هو مدير المباشر متفرعن وشايف نفسة وياليت تقولي وش جنسيتة وعلى العموم أن الله لا يحب الظالمين والرزاق هو الله سبحانه ولا تخاف ولا تحزن دامك على حق هذا أولاً . ثانياً أخوي الطريقة اللي أتبعتها مع هذا الحقير خاطئة جدا عطيتة فرصة يشوف نفسة عزيزي أنا أعرف شخص شغال في شركة نفط وكانوا مدراء الإدارات زي ربعك مابين أجانب وسعوديين أتباع للأجانب وكانوا مسيطرين على الوضع وهذا الشخص اللي أقول لك علية ما يعرف يامة أرحمين بزوطة لف ودران حركات مدراء لك عمل عندي خذة ولا تفتح فمك فوالله كان لما يحصل له موقف مع واحد من المدراء ويرفع ضغطه كان يروح ويدخل عليه المكتب ويسكر الباب ويقله كلام جامد من هل الكلام كان يهدده تهديد مباشر حياتك مرتبطة بوجودي هنا أروح تروح روحك معي أنا رجل أكد على أشخاص ماني جاي العب ومن حقي أحافظ على باب رزقي ووالله أنهم جميعاً معاه زي الألف وترقى وصار مدير وبيني وبينك هو شديد وصادق هذي للمعلومية. ثالثا اللي باين أن هما ناوينك على يد مديرك المباشر لذلك دام الطيبة والخنوع والتهرب من المواجهة ما جابت نتيجة فأنا أشوف أنك تسوي سوات خوينا روح للحيوان مباشرة وسكر الباب وعطه الكلام اللي يجمد على الشارب وقله أنا اذا خرجت من هنا ظلماً طبعاً تراك رايح لأهلك في تابوت أنا كنت أهادنك وداريك وشكلك من اناس اللي ما تجي بالإحترم والتقدير وهذا طبعاً بدون مايكون هناك شهود أو تسجيل والقصد من هذا كله أنه عساه يخاف ويكف شرة عنك حسبنا الله ونعم الوكيل . رابعاً بالنسبة للشكوى يومها طويل وبستطاعتهم يفلتون منها وردد يا لليل مطولك على بال ربعنا يفزعون ويجيبون حقك . الله يوفقك ويفتح لك أبواب فضله وأخواننا المسلمين جميعاً.
8.
عضو قديم رقم 193459
13:36:34 2012.07.27 [مكة]
7. بقلم: دهام10 هاها .. ذكرتني بموضوع ضابط متعجرم على الافراد .. مهما بذلوا من جهد أو تضحيات يزدريهم وينافخ عليهم ويقلل من شأنهم .. واحيانا يشتمهم والله يقول لهم (انتوا بقر) اخيرا دخل عليه واحد من نفس الافراد بايعها على الآخر .. وشال الكرسي عند الباب ورماه علضابط .. واعطاه كلمتين في العضل .. بعدها تغيرت اموره وراحت الغطرسة اللي فيه وصار سنع مع زملاءه العسكريين من الأفراد خاصة مع هذا الفرد .. المقصد قعلا فيه ناس لا تقدر ولاتحترم ولا يجيبها الا الاجبار والعين الحمراء .. طبعا بعد استنفاذ كافة الوسائل الحميمية والدبلوماسية والودية والالفية والحبية ..... إلخ . حكاية شكاوي وارفع تظلم ولى امرها في هذا الزمن صراحة .. تحس ان دوائر الدولة اصبحت متلخبطة ماتدري هو كيان من عصابات أو كلا يخاف أو كلا يشك أو استهتار .. الحاصل تبطي حتى يجيك حقك وفي الاخير يمكن مايجيك وتطلع غلطان .. صاحب الموضوع .. عموما الاخوة العرب معاهم بامكانك بقليل من الروية والحكمة والفطنة والمسايسة والفراسة ان تغير مساره ولا يستدعي الامر اي وجل او توجل ... والله اعلم .
9.
14:00:35 2012.07.27 [مكة]
تحيه طيبه الحل الوحيد اذا بينك وبين الموظفين السابقين اتصال ارفعها اعلاميين الى موقع على النت وكاله اخبار المجتمع السعودي لهم ارقام اتصال تواصل معهم والله يكتب اللي فيه خير
10.
14:10:37 2012.07.27 [مكة]
كل عام وإنت بخير يانايف وتقبل الله منا ومنكم ومن سائر المسلمين خالص الطاعات . *** مشكلتك قريبه جداً من مشكلة نسيبي في إحدى المدن. . . كيف ؟ *** الرجل يعمل في شركه كبيره في البلد ونص موظفينها هنود والنصف الاخر سودانيين - المدير الاقليمي الهندي كان يآذيه وينرفزه ويخصم عليه بالدقيقه - ماتحمّل الرجال راح لمكتب العمل ومن قسم الى قسم ومن مدير الى مدير وأخيراً تقابل مع أكبر راس في المكتب وشرح له موضوعه وصار المدير يقله ياولدي تحمّل هذي الشركه كبيره في البلد ولانقدر نسوي لك شي مرّت الأيام واكتشف أن المدير هذا معاه بزنس مع مديره الاقليمي ! ! ! - المهم ذيبان ماسكت إتصل على هيئة مكافحة الفساد وشرح لهم الموضوع كامل الدنيا بعدها قامت ولاقعدت تم إحالة مدير مكتب العمل للتحقيق وتم إغلاق حميع مكاتب الشركه في المنطقه الاقليميه إضافةً الى ترقية نسيبي + زياده في راتبه بمقدار 40% + تم اكتشاف مخالفات ضخمه واستحقاقات للدوله لم تدفعها الشركه . *** أنصحك أولاً خليك شرس معاهم ولاتجعلهم يتمادوا عليك ( باللي في رجلك أعزك الله ) ورزقك مكتوب لك في هذه الوظيفه أو في غيرها . *** بعدين على قولك امشي بالنظام وأتحداه يقدر يآذيك . *** إذا بلغت الحمى لديك مبلغها فاذهب لمكتب العمل وقدم الشكوى للمحقق وحاول تأخذ أي سند أو ورقه رسميه تثبت شكواك ومراجعتك . *** إن أحسست أنه لافائده اشتكي مكتب العمل لهيئة مكافحة الفساد . . . وفقك الله وخارجك منهم ( خلك شديد معهم والرزاق حي مايموت وهم يموتون ) .
11.
عضو قديم رقم 279713
14:12:58 2012.07.27 [مكة]
مر جنوب جده مثلا غليل ودور لأعتل ثنين ودفهم بمية ريال واشر لهم على هذا اللي فاقع كبدك وخلهم يفقعون وجهه ويقولون له المره الجايه موت واذا قابلته في العمل بعدها قله المره الجايه موت بيعرف انهم من طرفك ولا عاد يقدر يسوي شي احس انه فقع كبدي وما له الا كذا
12.
عضو قديم رقم 307152
17:29:44 2012.07.27 [مكة]
اخي الكريم شركتنا كانت نفس الشي مع المعقب لكن هددهم بالخدمه المدنيه ومكتب العمل وحقوق الانسان والشكاوي وانه مظلوم ووووووالخ باخير باسو رجله عشان يرضي عليهم وعطوه سياره بعد
13.
18:05:32 2012.07.27 [مكة]
فيه ماده في نظام العمل تقول يحق لك التوقف عن العمل دون إخطار جهة عملك مع وجوب إخطار مكتب العمل . في حالة تعرضك لإهانه أو تحرش أو مضايقه أو تكليف بغير مهامك . وهالكلب صلح معاك كل هالأشياء ياصديقي أرجوك لا تخضع وخلك رجل أنت صاحب حق وهذا نجس كالباقون مافيهم خير ولا عرفان اليهود أنظف منهم بمراحل لاتظعف وأنت صاحب الحق والنظام معك والإنذار خله يبله ويشرب مويته مايفيده نهائياً
14.
عضو قديم رقم 287248
00:35:17 2012.07.28 [مكة]
اقول امسكه في مواقف السيارات وادخل معه في السياره بدون محد يشوفك واقلب الموضوع سامري معه وهدده انه لوقل ادبه او ضلمك او تسبب لك في خسارة وظيفتك انك سوف ( باح ) وهو ومن معه ولا عندك شيء تخسره بعد وظيفتك والله يصير مثل القط اللي داعسه رقبته سيارة عطه العين الحمرا وخلك دايم عيونك تناظره بحده وتشوف الطيب ما ينفع مع ها لحبربش
15.
00:48:03 2012.07.28 [مكة]
اشتك عليه بكتاب مرتب ويفضل انك تمسك عليه ممسك مثل شهود من الموظفين ( وهذا مستبعد لان محد يشهد عليه من الخوف ) او انك تحاول كدليل ملموس ان تسجل كل كلام او اهانه يوجهها لك بدون سبب مقنع ولاتستعمل القوه ابدا.. ابدا .. والرزق على الله والمكتوب لك بيصير مهما سويت . موفق خير
16.
12:23:08 2012.07.28 [مكة]
جزاكم الله خير الجزاء وشاكر ردودكم انا اليوم داومت والوضع اوكي وان شاء الله بروح لمكتب العمل اقدم شكوى سواء اليوم او بكرة وباذن الله تعالى ربي ينصرني عليهم ولكن هل ترون بانني اتقدم للشركة بخطاب تظلم او انني اتقدم بالشكوى مباشرة لاني سمعت من اكثر من شخص بان مكتب العمل بيقول روح حلها ودي معهم وارجع لنا وبيمرمطني معاهم وباخذ وقت طويل وارجوكم ساعدوني في صياغة خطاب لتقديم الشكوى لمكتب العمل
17.
عضو قديم رقم 182200
13:05:30 2012.07.28 [مكة]
لازم الاول تتقدم للادارة العليا و تشرح الوضع بالتفصيل و بعدها نشوف رد و تصرف الادارة العليا و لكل حدث حديث
18.
11:49:47 2012.07.29 [مكة]
اولا اشكر كل من شارك في موضوعي والحقيقه افدتوني كثير جزاكم الله الجنة وبحسب النصائح اللي جاتني قدمت خطاب للادارة في الشركة وانتظر النتيجة اليوم وفي حالة انني لم اجد اي نتيجة راح اتقدم لمكتب العمل وبعده هيئة الاستثمار وبعدة وزارة التجارة واخيرا انا عارف اني باجلس بالبيت..... (: اسال الله الستر والعافية
أضف رداً
نقاشات مشابهة