مدرس ضرب أخوي عشان شعره طويل

اتبع النظام هو يحاسبة

الله يعين عشان اخوك انضرب وشعره طويل تعبت نفسيته وصار موضوع العايله وصرت انت مابتسكت وتنزل موضوع في المنتدى يااااالطيف والله سالفه ياعموري اش رايك تروح تشتكي لحقوق الانسان ولا ارفع دعوة تظلم وودي اخوك سويسرا يسوي فتره استجمام ونقاهه عشان انو انضرب اقووووول الله يهديك بس لا يتعلم الا اثنان ياراغب او راهب طبعا راغبين مافيه الا قله وباقي الشي الثاني الراهب والله يالعصا تطلع رجال وانت برضك حاول توبخ اخوك لكن اذا تكرر الوضع في وقتها معاك حق

يا اخي التربية ذكرت قبل التعليم وهذا نضام ياما انضبنا من هل المدرسين وليوم اذا شفناة حبينا راسة وعلم اخوك كيفيت الانضباض والنضام وذا زاد المعلم عن الحد راجع ادارة المدرسة اتمني لكم التوفيق والنجاح

حتى لو كان شعره طويل مايمد يده جعلها للكسر

في امر من وزير التربيه بعدم لمس الطلبه لاي سبب كان

والله لا تسكت اشتكي على المدرس بالمدرسه وبعدها ارفع خطاب للتربيه والتعليم

واذا تبي تختصرها انتظر المدرس عند سياره وبرد قلبك فيه

لو فكرت يا الذيب ماكان له مصلحه من ضرب أخوك بالعكس

المصلحه كانت لاخوك نفسه

يضربه أفضل من يصير صيده للمعيدين الجحلط

وهذي سالفة حلق الشعر طبعا مرت علي بالمتوسطه والثانوية وللأسف كنت غبي وأعاند

وأطلع برا وكنت أحقد عليهم

ولاحظت فيهم انهم كلهم مطاوعه ولحاهم طويله وعليهم ملامح الصلاح

وما سوو كذا إلا خوف علينا وعلى عيال المسلمين

فأرجوك رح اشكر المدرس أنه يبي يبعد أخوك عن الشعور الطويلة و الخصل المتدلية

على الجبهه اللي ما وراه الا الامور الشينة

وترى الامور هذي تبدأ من الصغر لا تقول صغير

وانا اقول ليه طلابنا صاروا مايعين وفيهم جراءه سامجه دام فيه مثل الاخ ابومحمد صاحب الرد 44

لو انا معلم كان حلقت لخوك ولك لو جيت
هههههههه

السلام عليكم

رد على الاخ ساري -

اخوي ساري يعطيك العافيه على الاسلوب الي بصراحه ينرزف الواحد لاتزعل على كلمة نرفزه بس هذا الي شفته بردك

ثانيآ ياجماعة الخير يعني المدرسين عندنا بالسعوديه يستخدم وسيلة الضرب بالمدرسه لماذآ.؟

خوفآ على مصلحتك انا اقول هذا الكلام غير صحيح


ما اخبر بحياتي الي ينضرب غير الحيوان وتقارن الانسان بالحيوان بالضرب

حتى الحيوان ولله حرام تضرب ((ارحم من في الارض يرحمك مافي السماء))

بالنسبه لي انا كالطالب سابقآ في احد مدارس بالسعوديه كان المدرس يجلدنا جلد مبرح

كأنك يهودي قدامه وعلى ايش شئ تافه - حتى اخذ وسيلة الضرب كاتسليه يضرب الطلاب في الممرات عند عودتهم من وقت الفسحه

المهم بالكلام هو - هناك طريقه اخرى لطلاب لتربية كالدرجات تنقصها عليه وحرمان يوم من دراسه استدعاء ولي امره ...وماهنالك من طرق اخرى


وانا اقول للأخ عموري - اذا انت زعلان طريقه بسيط مثل ماتفضل احد الاعضاء برد عني سابقآ
هو الشكوى عن المدرسه ثم رفعها لمعالي التربيه وتعليم - وكل شئ بالبساطه يجيك



ويقول الرسول صلى الله عليه وسلم :"المؤمن يألف ويؤلف ولاخير فيمن لا يألف ولا يؤلف , وخير الناس أنفعهم للناس "

ابوبتال0 ههههههههههههههههههههههههههههههههه
اجل الرسول الكريم صلى الله عليه وسلم قال كاد المعلم ان يكون رسولا

بجب معالجه الموضوع بحكمه وعدم نصره الطالب على المعلم ومناقشه المعلم اذا كان مخطئ في تصرفه وبرويه وحكمه

اقول سلم على ابوك ولا تزاود على كلامه خل اخوك يحلق وتخلص المشكله
الله يازمن كنا ناكلها فلكه واذا اشتكينا للشايب راح للمدرس يقول بيض الله وجهك خذ اللحم وعطنا العظم
الا هذا الزمن غريب صار الطالب يهدد المدرس صارت العكس
والله تبغى الكلام ودي يمحطه اذا ما حلق انا اشهد انهم ذيابه ويمكن احرص على اخوك منك
حتى شيباننا ماكلين فلكه وما عندهم الا حفظ وقرائة القران وهذولا هم مخلفينا والواحد يسوى 100 رجال الله يطول باعمارهم
لا تتساهل مع اخوك اخاف يصير له شي مو طيب
اعرف مشرف والله انه شايب راسه من المدارس فيها مصايب ظهرت السنوات الاخيره تشيب الراس شي غريب الى ابعد الحدود
نصيحه لا تزاود على كلام الشايب اذا قال شي فهو كلامه منت باحرص منه عليه
ابوك خابز الدنيا خبز وفاهم
نصيحه لا تتدخل خله يتصرف هو والحل خله يحلق وبس

يالطيب اكيد المدرس الله يبيض وجهه يبي مصلحة اخوك
ود اخوك للحلاق وقله يحلق حلاقة مدرسة مثل ماسوي لولدي
والله يافيه سوالف يشيب لها الراس بحكم اخوي مرشد طلابي ومر على مدارس كثير ويسولف لنا عن القضايا الاخلاقيه
واناخوك حلق له دام العلم في الراس قبل لايصير العلم تحت ويشيب له الراس
وبيض الله وجيه مدرسيننا على تحملهم بزاريننا
وبالتوفيق

مع اني عارف ان الموضوع له اكثر من سنة لكن علشان يستفيد من الردود اخرين يبحثوا عن نفس المشكلة
طيب تطيع شوري انا معلم ثانوي واعطيك الحل اللي يخليك تحرج المعلم سوا كان غلطان او لا مع انه ماله حق يسويها قدام الطلاب لكن اعطي اخوك المسلم العذر ويمكن تصرف وكلمة طيبة تخلي المعلم يزعل في نفسه ويتاثر اكثر من خصم او تنبيه من الوزارة وهذا اكثر شي بيصير
اولا بطريقتك تاكد من اخوك هل المعلم نبه عليه قبل كذا وايش قاله ممكن يكون الولد استفزه شوية لان الابن ترا ما ينقل الحقائق كاملة وهذا الشي عن خبرة
اما خطوات الحل
خذ اخوك عند الحلاق واحلق له
وقله ياخوي ختى لو الاستاذ غلطان لازم تحترمه لانه اكبر منك سن وله الفضل في تعليمك لان زراعة المبادئ من احسن وقت لها وقت الخوف وانك تعلم اخوك يحترم الكبير افضل الف مرة من حقك وحق اخوك لانها بتستمر معاه طول عمره
قل لاخوك انا بجي بكره المدرسة استفهم من الاستاذ ليه عقابك وركز على كلمة استفهم مو اتفاهم
رح للمدرسة وقابل المدير واعطيه خبر وخلي المرشد الطلابي يكون حاضر واطلب من الاستاذ الحضور
خلك هادئ جدا وسيطر على اعصابك علشان لا تضيع حقك من يدك
وضع لالاستاذ انك سعيد جدا بتعليم ابنه وتربيته له في اي سلوك في حياته لكنك زعلان وهو زعلانانك عاقبته قدام زملائه وحالته النفسية سيئة ويبغا يترك الدراسة واطلب منه انه يطيب خاطره في الادارة ويبدي له اهتمام قدام زملائه بدل ما تطلب منه انه يعتذر قدام زملائه

صدقني ياعزيزي يمكن كلمة تقولها له تكون اكبر من عقاب وتضل ترن في اذنه طول حياته