جميع الحقوق محفوظة ©
سلام عليكم
ان شاءالله الجيع بخير أخوي اليوم جاي من المدرسه يبكي يقول المدرس ضربه قدام الطلاب عشان شعره طويل الولد صف سادس ابتدائي ونفسيته تعبانه واللي يشوف شعره والله لاهو طويل ولاهم يحزنون مالكم بالطويله الوالد يقوله تستاهل ونا صراحه ما ني ساكت ابي اروح عند هالمدرس اتفاهم معاه انتو مشورتكم ويش التصرف السليم بحق هالمدرس لإن وقتها اخلاقي بتكون زفت .
من وجهة نظري انه من الخطأ التعدي على كلام والدك حتى ان كان المدرس غلطان
شوف الوالد وش رأيه في الموضوع وبعدها حاول تقنعه برأيك ان كان مخالف لرأيك
وان وافقك روح للمدرس وتفاهم معه (( لازم يكون بعلم والدك عشان يكون في الصورة )) ومثل ما ذكروا الاخوان انه اخوك ما يعرف بانك رحت للمدرس عشان راسه لا يكبر على مدرسيه
واذا رحت للمدرس لازم تكون اعصابك بااااااااردة لانك في صرح علمي ولازم يكون الاسلوب ملائم للمكان اللي انت فيه حتى لا تعكس صورة سلبية عن اهل البيت كانت بسبب غضب
وهذي وجهة نظري وانت ابخص بحالت اخوك ومدرسه لاننا ما ندري وش صار بينهم بالضبط
أسأل الله لك التوفيق
رايي تررررررروح تمسح في خشته الارررررض لان المدرسين في الوقت الحالي شباب عرابجه ماعندهم اخلاق ..
أوووف ماله حق المدارس انه يضربه وخصوصا انه لسى طفل رائي انك توصله رسالة انه مره ثانيه اذا اعتداء على طفل انه اخر شي راح يشوفه هو الجزم فوق راسه
رايي مع رد رقم 22
مرحبا اخواني
لا تأخذ الرأي من النت اللي كتب ما تدري هو متعلم والا طايش والا مجنون والا والا
المهم الكلام اللي انكتب على المعلم واحد يقول اكسر يده والثاني امسح بخشته والثالث اشتكي في الوزارة ويربوه ؟ والمصيبة اللي كاتب رأيه في المدرسين انهم سرابيت وحلنجية ؟
بصراحة آراء تفشل
الرسول الكريم صلى الله عليه وسلم قال كاد المعلم ان يكون رسولا
نصيحة لك ( دع قافلة التعليم تسير والكلاب تنبح )
ورح قص شعر اخوك حتى تحافظ عليه ويطلع رجال
ابوبتاااااال انا اتكلم عن الوقت الحالي واكيد اني ماراح اعم طائفة المسلمين ولاعامتهم
طبعاااااا اخووووووك من عانى من جهلهم على ابنائه هذا في المقاااااام الاول اما كلمة الكلاب ياليت تكوووون عندك الشجاعه وتقووووول من تقصد ؟
اللي على رأسه بطحاء يحسس عليها
يا أخوان يا أخوان الله يهديكم تبوني اصور لكم رأس الولد عشان تضحكون على هالمدرس وين شايف نفسه بالعسكريه مثلاً، انا مع الأخوان اللي يأيدو فكرتي وصراحه الموضوع شاغل بالي لأني متأكد ميه بالميه ان المدرس أهو الغلطان وماخذها مهزله فالطلاب ومررره قاااااهرني وصحيح مدرسين هالزمن شايفين نفسهم الواحد عشان يشرح نص الحصه تروح وحضرته يعدل شماغه .
ههههههه تعجبني ابوبتاااااال توك تكلم عن الرسوووول واحاديث هههههه كذا العرابجه حديث بعدين يخرررررربها يعني ماكذبت ..شكرا
قف للمعلم وفه التبجيلا .. كاد المعلم ان يكون رسولا
للعلم ياللي تصف غيرك بالجهل اللي قالها احمد بن مناحي بن شوقي .. وماللرسوووول عليه افضل الصلاة والتسليم دخل .. وسلامتك
رد 17
ولازم تتفاهم مع المدرس
شباب اعذروني على الطلعة الغريبة شوي بس واقع مؤسف
ياليت تعيشون معي المشهد
يهود يهدمون على المسلمين بيوتهم ويقتلونهم بأبشع أنواع الرصاص
مسلمين في العراق ينوحون من المجوس من جهة ومن امريكا من جهة ثانيه قتلوهم وعذبوهم وسجنوهم وبهذلوهم
افغانستان نفس الشيء
الصومال نفس الشيء
العالم الإسلامي كله متخربط وكل ومواضيعهم كلها دم في دم
وبعضهم يكبر موضوع انضرب ورع !
شوف يا راعي الموضوع ليس تقليلا من موضوعك ولا مشاعرك اتجاه اخوك ابدا لا والله بس مشاعر طيبة تشكر عليها
شوف اذا ما فيه مخالفات من المعلم سلوكية
فقول للورع - وترى ادري انه خوك - قول له : خلك رجال غيرك يتقطع تقطيع من المسلمين وخير يا طير اذا انضربت انضربنا وهذولا احنا قدامك ما زادنا الضرب الا خشونه وصلابة راس ومدرسين زمان كانو يعلقوننا تعليق والان نقابلهم نسلم على روسهم من فوق وندعي لهم لأننا كبرنا وعرفنا بأنهم ما ضربونا إلا من أجل مصلحتنا
كلام رجولي تزرع في نفس اخوك القوة والرجولة وفي نفس الوقت تخليه صليب راس
وسبب ثاني : وهو ومن واقع ميداني للتعليم 99% من العيال يشتكون المدرس الحريص على علمهم يستغلون عليه اي شي يقومون يشتكون على اساس يخفف عليهم الدروس أو التحريص عليها .
يا جماعة ازرعوا الثقة في العيال بشكل عام
اذا جاك يشتكي من زميله الطالب ضربه قل له ضربك وهو الغلطان اضربه . انتهى
جاك يشتكي من مدرس تقول له ليش ضريك ؟؟ يقول من اجل الشيء الفلاني ، تقول أما لو ضربك بدون سبب كان اوريك شغلي فيه أما لأنك الغلطان ما اقدر اقوله شيء .. امش صح يا ولدي يا اخوي وما احد بيقول لك شيء .....
هذي من المواقف التي يجب استغلالها لزرع القيم والمباديء
عيالنا في خطر لأن مصدر المباديء والتربية تؤخذ من التلفزيون والشارع .... يجب ترسيخ مباديء وزراعة الثقة والدفاع عن النفس وعدم الخطأ ودم السكوت على الخطأ في نفس الوقت إلا إذا كان فيه سبب....وفي نفس الوقت توقير كبير السن والمعلم وكذلك إمام المسجد والناس اللي تتمنى اخوك او ولدك يكون مثله ...
وفقك الله يا صاحب الموضوع حبيت افيدك في الموضوع ولك مطلق الحرية في اختيار الموقف الصحيح .
كانك رجال وتقول أنا ولد أبوي
صبح بكرا عند باب المدرسه وإذا دخل فصل أخوك أدخل عليه
وتوط بحظنه ودعس رجلك بوجهه ولاتوقف إلى عند باب المدير
وقله كانكم مابريتوا مدرسينكم حنا نريبكم لكم
وخل أخوك يشوف ماهوا بكرا يطلع أرخمه كلاً يضربه ( ويقول المسامح كريم)
أبو بتال خلك على جنب أنت وأمثالك...
>>كل أعضاء مستعمل ناس متعلمه ومايحقر الرجال إلى أرداهم تجي تقول كلاب أخييه عليك ...
>>لاكن مايحس بالنار إلى كاويها<<<وبكرا تجي تقول ضربوا ولدي ونشوف وش تسوي
مع إحترامي لنا نحسن الظن في المدرس ووو إلخ ...
خلاص رجل حكومه موظف حكومه رجل أمن مدرس ووو >> عنده حق أنت المخطي
غير صحيح كلنا لنا عقول ولنا إحترامنا كبشر والنظام يحمي كل الأطراف والحق مايضيع
لاكن طيبتنا الزايده خلت من له حق السلطه يتوطا بخشش ويعقد نفسياتنا مثل ماقاعد يسوي هذا المدرس ....
مع المنع من ولاة الأمر ووزارة التعليم لذلك و إحترام ولاة الأمر التي يسيرون ونسير معهم على هذي القافله
والكلاب الي تنبح بالرضوخ لضرب وووو السكوت ....هم ناس مريضه يبيله يشرب بايسن :)))
( لاتصدق وتروح بكراء تسوي كلامي >> كلم المدير وراح يطلب المدرس وينادي أخوك وخله يعتذر أو أطلب رفعها لوزارة التعليم لأخذ حقك وهذا أقل حقوقك )
وبالتوفيق
باين عليك متحمس شوي أخوي ترى المسألة بسيطة جداً
احلق لأخوك وأنتهى الأمر
خذها مني يا الغالي
انصحك تكسب المدرس عشان يساعد اخوك بالدراسه
وصدقني لو المدرس حط الولد براسه ما راح ينجح
اسمع كلامي
خذ الدنيا بالسياسه
انا فعلا كان دمي حار بس لمن عرفت الدنيا على اصولها اكلت هواء
هذي الدنيا ما ينفع معاها الا الدبلوماسيه والكلام الحلو واللباقه بالحديث
وفعلا زي كلام الاخوان لو رحت وسويت مشكلة اخوك راح يشوف نفسه على المدرس
والمدرس راح يستقعد لاخوك وهذا مستقبله وانت عارف
اجلس مع اخوك وفهمه وقوله ترا كنا زيك ياما انضربنا من المدرسين بس في الاخير طلعنا رجال ولا تشيل هم كلها سنه وتتخرج وتدخل المتوسطة وترفع راسنا
وقولة الشعر لو فيه خير ما طلع في ..... هههههه امزح معاك
بس خذها بحكمه ودبلوماسيه والله اتكلم معاك جد
احكيلك عن نفسي والله ياما تشاكلنا مع المدرسين بس الاخير انقلبت علينا لان المدرس هو الامر والناهي بالمدرسه لانها داخل سلطته
بس لمن تطلع برا المدرسه وتقابل المدرس تلاقيه زي الدجاجة وتستحي تسويله شي لان تلاقيه اسلوبهم زي العسل برا المدرس
بس داخل المدرسه لازم يفرض شخصيته على الطلاب وهذا الصح وانت عارف الطلاب ما ينعطون وجه خصوصا بالمدرسه وخصوصا بسن اخوك
انا انصحك نصيحه من اخ لاخوة خذها بحكمه واكسب الطرفين اخوك والمدرس عشان تتماشى مع الوضع
تقبل تحياتي اخوك العنزي
لازم تودي أخوك لمستشفى الصحة النفسية عشان ما ينتحر ؟؟؟؟؟؟؟
بسم الله على هالجيل , الظاهر بعد فتره التدريس بيكون بالبيت والبلايستيشن بيد الولد ولازم المدرس يجيب معه بطاطس وعصير للولد عشان ما يزعل .
طبعاً إذا كان المدرس دايم يضرب الولد هذي حالة خاصة و لكن مره واحده أكيد فيه سبب .
وأنا أقترح على الوزارة إنها تغير مسماها إلى وزارة التعليم , أما التربية فقد فشلت أيما فشل بالإحتفاظ بهذا اللقب
تحياتي
الشعر تطويله عيب وتشبه بالحريم والمدرس صح ولعن الله المتشبهين ولاتجعله صيدا ونظرة الصيع عليه لان شعره طويل ورحم الله عمر بن الخطاب كان يحلق رأس الامرد!!!! وخلك فطين!!!
بأختصار يالغلا ما راح تكون احرص على اخوك من والدك اطال الله بعمره
ولذلك خليك على راي الوالد ولا تندم .
عموري انا صراحه قرايت ردود ترفع الظغط واغلبهم مدرسين اكيد بيوقفون في صف المدرس رح له وتفاهم معه واساله عن سبب الضرب اذا تفاهم معك واقنعك قله لاعد يعيدها واذا شفته ينافخ توط في بطنه وهذا افضل حل
خم المدرس برقبته وخل اخوك يصكه كم كف قدام الطلاب --> عشان اخوك يصير شجيع ولاعاد يخاف من احد
