سلام عليكم
ان شاءالله الجيع بخير أخوي اليوم جاي من المدرسه يبكي يقول المدرس ضربه قدام الطلاب عشان شعره طويل الولد صف سادس ابتدائي ونفسيته تعبانه واللي يشوف شعره والله لاهو طويل ولاهم يحزنون مالكم بالطويله الوالد يقوله تستاهل ونا صراحه ما ني ساكت ابي اروح عند هالمدرس اتفاهم معاه انتو مشورتكم ويش التصرف السليم بحق هالمدرس لإن وقتها اخلاقي بتكون زفت .
مو من حقه يمد يده عليه ، فيه شي اسمه سلوك ومواظبه
ولابد تطلب منه يعتذر لاخوك امام زملائه اقل شي يرجع له ثقته
أسأل أخوك كيف المدرس معاه في غير هذه القصة
هل المدرس يشتمه على الرايحة والجاية
هل المدرس مستثنيه من المشاركة أوالتحفيز
إذا كان المدرس بس عنده وجهة نظر في الشعر وما عنده خلاف في أمور اخرى
فأنصح أخوك إنه بكرة يبادر بالسلام على الاستاذ وينسى الموضوع
وإذا بغيت تروح المدرسة أخوك لا يدري عنك تراه بيشتغلكم بعدها شكاوي هذا غير إنه نظرته للمدرسين راح تكون ندية ويحط راسه براسهم ,,,,,
اخوي ابسط شي ترفع فيه شكوى والوزاره تقوم بدورها
بس قبل كل شي تأكد اخوك وش سوى ترى المدرس مايضربه الا على حق وانا خوك ...
والله شوري من شورك ابوك
والسبب بسيط جدا وهو اننا زمان يمسكوننا ويضربوننا على اتفه الاسباب وكل ما رحنا لابواننا قالوا قلعتكم وهذانا صرنا رجال ..
ومثل ما قال اخوي راح يستمر كذا شغله لا راح يحل واجبات وراح يشاغب واذا عاقبوه راح يكلمكم
مشكورين يا أخوان على النصايح
4. بقلم: a7wal
الله يجزاك خير حنا ماقلنا شي بس يضرب الولد قدام الطلاب عشان شعر ليه وين حنا عايشين في شي اسمه ولي أمر، الطلاب أمانه عندهم مب لعبه .
من حقك تتفاهم معة وكمان الطلاب شهود علية ارفع علية دعوة الي مدير المدرسة وادا ماتجوب الي الوزارة وخلهم يربوة
ياما انخبطنا وانسيبنا والله لا يعيد ايام الطفوله في المدرسة ايام الفلسطينيين والمصاريه
لا يا أخي ما أنصحك تتفاهم مع مع المدرس بالطريقة اللي بالك
مهما يكن هذا معلم ولابد نحفظ له مكانته بين الطلاب وهو بمثابة والد لهم ..
لابد إنك تحسن الظن به أولاً فربما الأمر ليس كما شرح لكم أبنكم .. ثم ربما أن هذا عادة عند المدرس فيكون هنا قد ظهر عدم وجود دوافع آخرى .. وإن كنا لا نتفق مع المعلم بضرب الطالب أمام الطلاب لهذا السبب، فقد كان يمكن التصرف معه بصورة مختلفة وبعقاب مناسب ..
لذلك يجب أن تضع نصب عينيك مسألة مهمة وهي أن لا تجعل غضبك لكون المعلم ضرب أبنكم فقط ..
حاول الجلوس مع المعلم على انفراد واسمع رائه بالموضوع فعلك تسمع مستجدات أخفاها، مثل أنه قد يكون الابن تمادى بكلمة سيئة او لا مبالاة أغضب المعلم مما أثر على مكانته أمام الطلاب .. فإن كنا نبحث على عدم إهدار ثقة الطالب بنفسه فحرصنا على ثقة المعلم ومكانته من باب أولى ..
هدي أعصابك يا غالي واجعل افتراضك المبدئي أن المعلم مربي وقصد خير وفي اسوأ الظروف أخطأ بالتصرف هذا إن لم يكن هناك موجب للضرب أصلاً، أي بمعنى قد يكون الابن يستحق الضرب لردة فعله ..
والله اصولها
لان تخبر كثروا السرابيت واكيد المدرس خايف عليه منهم
اخوي نصيحتي ..
الولد لازم يشوف الظلم بحياته و يتعود عليه .. بكره يكبر و يشتغل بشركة و الا بحكومة و الا يفتح له تجاره .. و قتها يكون عنده مناعه ..
الله يعين هالمدرسين الغلابه
ياما انضربنا وياما وياما والحمد لله نفسياتنا مثل اللوز
وللعلم فقط اشد واحد كان يضربني لا زلت ازولره لليوم بمصر واشكره من كل قلبي علمني صح ووصلت ولله الحمد لمستوى ممتاز بارادة الله ثم هالمصري
والله يوفقه ويسعده
وودي تتاكد قبل كل شيء وادا اردت تتفاهم معاه من حقك بس تاكد اول
اكسر يدين المدرس حتى لايتجرأ على ضرب الطلاب بدون سبب مقنع
للأسف بعض المدرسين يتسلون في ضرب الاطفال
ومثل ماقلت الولد تغيرت نفسيته الله يكون في عونك
تحياتي
ممنوع الضرب في المدارس لاي سبب كان
وهذا القرار من الوزارة
ياخي الكريم اعترض على كلمه انت كتبتها في الموضوع تقول نفسيته تعبانه علشان ضربه قدام الطلاب !!! ياخي ما فيها شي لو ضرب المعلم الطالب امام الطلاب ما راح يضربه ضرب مبرح ضربه لسبب شعره طويل عادي يا اخي الكريم اقسم بالله اني مني معلم بس كنت يوم من الايام طالب وانضربت و ما ضرني شي , اخوي بعض المرات الضرب يكون لتقويم السلوك , ولا ضربه علشان شي شخصي بينه وبين اخوك , بعدين لما تروح انت وعلى قولتك تتفاهم مع المدرس "مع اني احس انك مندفع بقوه " راح يقل احترام الطالب للمدرس , انا اقدر اقول لك من حقك تروح تتفاهم مع المدرس وتقول ليه ليش ضربت الولد بس بشرط ما تبين للطالب الي هو اخوك انك راح تسوي له شي وبالعكس المفروض انك تخلي اخوك يحلق ,ياخي على ايامنا ما نستلم كتب قبل ما نحلق شعورنا الطويله كل ترم بالعكس اخوك راح يصير رجال والشده للرجال والصلابه للرجال وارجع اكرر المدرس ما ضرب اخوك الا لسبب ,اخر شي بقوله ياخي بالنسبه لانه ضربه قدام الطلاب والله كنا ننضرب قدام الطلاب ونضحك سواء المضروب او الطلاب الي في الفصل وكل نتذكر ذيك الايام نضحك عليها ذكريات فيها اكشن
اخر شي لا تزعل مني والله ما اقول الكلمه هذي الا من محبه ولا استنقاص , اخوك اليوم صغير وبكره يكبر يصير رجال باذن الله , المفروض الامور هذي البسيطه ما تأثر على نفسيته المفروض البيت وليس المدرسه اكرر البيت الي هم الاسره وانت اخوه واقرب له من امه وابوه واخواته بحكم الاخوه الحواجز بينها اقل , والدليل انه شكا لك انت , المفروض تقوي شخصيته وتعالج هذا الموضوع تقول له انت رجال والامور هذي بسيطه والرجل والذكر مهيأ لتحمل المواقف الصعبه , وتقول له تعيش وتاكل غيرها من باب المزح , وتوعده انك تكلم المدرس بكل هدوء وتعرف المشكله , اكرر الاشياء هذي بسيطه جدا , لو انه بنت وانضربت قدام الطالبات هنا اقول لك الموضوع غير , لان البنت حساسه وما تتحمل هذي الامور , اما الولد بالعكس الفطره خلته يتحمل الي اكبر من كذا , اتمنى ردي الغير مرتب يكون له قبول عندك , ومع احترامي الشديد لبعض الردود الي تاخذ الامور بتسرع ومن باب انه استنقص من اخوك او من عائلتكم !!!!! بالتوفيق يا الغالي
الله المستعان من متى طلع هاالجيل الغريب الا بعد مافتحت الوزاره المجال لكل من هب ودب يشتكي على المدرس او المدرسه كل ماعاقبو الطلاب على قلة ادب من الطالب او عدم اتمام وجباته او على عدم الأنضباط باالفصل وغيرها وغيرها الكثير وين تبون تصير المدارس والمدرسين مربين اجيال وحنا قاعدين نقوي طلبتهم عليهم ويكون الطالب كاالأستاذ والأستاذ كطالب انعكست الأيه وكلن اخذ مكان الأخر ولم يعد يتبقى منها الا ان الطالب متلقي لدروس والأستاذ مدرس لدروس الله المستعان انظرو كيف الجيل بهذا الزمان كيف خرج وفرقه عن الجيل السابق فرق شاسع قديما كان يتخرج من هذي المدارس رجال بكل ماتعنيه الكلمه حتى الداشر فيهم رجل يعرف الخطاء من الصح والأن لانرى الا جيل كله نعومه ودلع ولو تلمسه بصبعك قعد يبكي له ساعه من زود الدلع وهذا من غير ابوه الي راح يقوم الدنيا ويقعدها عالم تغيرت وصارت لاتفرق بين الخطاء والصح زين يااخ عموري ليش ماتقول ان الأستاذ انذر اخوك كم مره انه يحلق شعره وطنش الأستاذ ولا كنه يسمعه بهاالحاله وش تبيه يسوي يحب خشمه عشان يحلق شعره انا اجزم بل انا واثق تمام الثقه ان شعر اخيك طويل بما يكفي ان لايكون متناسب مع شكل الطالب المثالي اكثر الطلبه عند ماترى شعورهم لاتفرق بينه وبين البنت الا من البس اخي هد من روعك واضن انك صغير باالسن والدليل اسمك عموري ومتهور وان ذهبت للمدرسه ستكون الحجه عليك انت واخوك اخ صغير السن ومتهور ومتهجم على اداره المدرسه والمدرسين واخ مدلل وغير مصغي لكلام المدرس دع لأبوك الأمر لأني ارى انه انسان فاهم وعاقل يزن الأمور بحكمه ولا يزال ابوك حي يرزق وهو المسئول الأول عن اخيك ولست انت ولم يوكلك عليه هداك الله دع لأبيك التربيه فهو اعلم الم تكن تعلم هذي كلمة حق وقلتها ولن اجاملك قبلتها ام لم تقبله هذي الحقيقه وهذا مايحصل في زماننا هذا
يا اخى من علمنى حرفا صرت له عبدا
اذهب الى المدرس واسال عنة وقابلة مقابلة خاصة واستمع الية بالتفصيل
فان كان عندة حق اشكره وخلية ياخد بالة من اخيك
وان كان الموضوع لا يستاهل اسحب نفسك بهدؤ بدون شكر
وان احسست انه ظلم اخوك اذهب للادارة التعليميه واشكى لهم
حتى لا يكررها مع غير اخيك
مع ثقتى ان المدرس عنده حق مائة بالمائة ان شاء اللة
وابقى قولنا ايش السالفة
المعلم الذي يلجأ للضرب متخلف
اذكر معلم درسني ثلاث سنوات ، والله ما اذكر شفته يحمل عصا في يده
لكنه صاحب شخصيه متزنه وله هيبته عند الطلاب ، اما الي يضرب طالب عشان شعره اعتقد انه متخلف وفاشل ، كان يقدر يمسك الولد على جنب ويفهمه ويطلب منه بكل ادب.
اما اسلوب الضرب فانا لا اؤيده .
والاخوان الي يتكلمون عن زمان ، ترا الاحول تغيرت ، يا اخوان زمان المعلم يؤدبك في المدرسه وخارج المدرسه ولكن الآن الوضع اختلف .
انا اعتبر الضرب سلوك غير حضاري واعتبره تخلف .
واسف على الاطاله
شوف ياخوي ممكن اخوك على حق بس لو اخذت حقه الحين تأكد انه بيستغل نقطه قوتك في مواجهه المدرسين يعني بكره بتلاقيه لايحترم مدرس ولايحل واجب هذا اذا مارفع يده على المدرس او شتمه يعني مستواه بالنازل خلي خوف في نفسه من المعلمين خلي خوف في نفسه من المعلمين عشان اذا قالوا له ذاكر يذاكر وتأدب يتأدب واذا كان ولابد ممكن تروح المدرسه بدون مايدري اخوك انك رحت وتعرف السبب لاتندفع وتروح وانت متأكد ان اخوك على حق يمكن الاستاذ على حق او انه يوم قاله الاستاذ احلق رد بدون احترام خله
والله ياخوي الاستاذ له مكانه في تربيه المراهق اذا استغنيت عنها ضريت اخوك مانفعته
ياناس لا أحـد يـسـتـعـجل يمكن الورع مسوي لي كـدش ولو أن أبنك او أخوك حاط كدشـة وش حيكون موقفك منه والله ياشيخ يبطي بساعة البـلا والله ياناس لشب فيها بعد ما أصب عليها بنزيـن 95 سريع الاشتعال والله يصلح الحـال ...
الله يرضى على تعليم زمان "
تعليم + عصا = رجال .
تعليم هذا الزمن "
الكثير من المعلمين ما يعرف يكتب املاء " ولاهو حافظ جدوا الضرب ؟