ما خاب من استشار، طفلي خايف اسويله ختان

الختان الان أسهل منه مافيه ولاهو زي اول
اذا بالرياض عندك مستشفى دله

شكرا اخي بس اقرب مكان لي القصيم

اللهم اغفر للمسلمين والمسلمات والمؤمنين والمؤمنات الاحياء منهم والاموات

أبو محمد الله يخلي لك ولدك ويبارك فيه ...
وده الختان مثله مثل عيال خلق الله ...
لو بكى شوي مافيه مشكلة ...
لا تكون حساس بزيادة وانتبه من تدليع الولد بكرة يكبر ولا عاد يعطيك وجه ولا يفيدك بشيء كأنه مو موجود أو يطلع دلوعة الله يحميه ...
للفائدة الولد المدلل لما يخرج للمجتمع مافي أحد عنده استعداد يدلعه مثل بالبيت راح يكون على حالتين :
يا يكون عدائي فوضوي أو يكون انطوائي وكل الحالتين مو زينة .

السلام عليكم ورحمة الله وبركاته
الحمد لله تعالى الذي رزقكم ونساله عز وجل ان يقر عينكم ووالدته به وبصلاحه وان يرزقه بركما

اخي الكريم ، لا الومكم في تصرفكم ، ولربما لو كُنْتُمْ تعلمون ما في التبكير بالختان لما تأخرتم ، حيث ان المولود في أيامه الاولى يكون جهازه العصبي غير مكتمل النمو فلا يشعر بألم كثير اضافة الى قلة حركته

عموما تقدم الطب كثيراً وأصبح بالليزر والحلقة ..... ودون نزيف

لو كُنْتُمْ في جدة لرشحت لكم احد البارعون في هذا المجال

ولكن اذا كان لديكم فرع للحبيب الطبي فحتما ستجد فيه مبتغاك ، وسيقدر الطبيب الحالة وما المناسب لها ( حلقة ، ليزر ، مشرط )
والأفضل ان يكون تخصص جراحة وإياك ان تطهره لدى طبيب عام او شعبي

ولربما لو رآه متخوفا .... لاجرى له عملية الختان تحت تخدير كامل .
وموفقين ان شاء الله والله يتمم لكم على خير

من ثالث يوم

مازال عمره صغير وسيجتاز الموقف
المهم ان لا تظهر له انت وامه رهبة الموقف وسهل عليه الامر فبالنهايه هو.لا يعلم ماذا تعني كلمة عمليه لكن يستشعر من وجوهكم الالم من عدمه
لكن استعجل قبل مايكبر بزياده وقبل اجراء العمليه استخير والله سيختار لك كل الخير

حاول يعطونه مخدر وتوكل على الله وسوها بكره ولا بعده

بارك الله بكم وشكرا لكم

اللهم اغفر وارحم المسلمين والمسلمات

اخوي انا مثلك اول ماجاني ولد كنت كل ماابي اوديه اخاف عليه حتى كبر شوي مو مثلك على تقريبأ 6 اشهر ويوم اشوفه يصيح كان يتخيل لي اني امسك الدكتور وعطيه سبلكس اندرتيكر
لكن الحمدلله الامور طيبه روح للحبيب يزبطون لك الموضوع وابعد عن مستشفى الولاده والاطفال في بريدة قالو لي يتنوم ورحت للوطني ونفس الكلام وبعدها طلعت للرياض وسويته عند دكتور شايب ومشهور في مستشفى الجافل على الدايري والله يصلحه لك ويخليه

شكرا اخي الخلاص يعني في بريدة مافي مستوصف

والله مااثق فيهم كلهم لكن شوف الحبيب اذا عنده جراح سوي عنده مافيه الله يعينك والله مافيهم ثقه مستشفيات بريدة ولو يقولك ينومون طفل عمره 6 اشهر يعني تخدير كامل من العاقل الي يسويها والله سويتها في الرياض وولدي صاحي ومااخذ عشرين دقيقه وعطاني الولد وقال اجلس نص ساعه وتعال اشيك عليه وجيته وتمام الحمدلله كتب لي الادويه ومشيت والحمدلله الامور طيبه تبي نصيحتي انحش عن بريدة الا اذا الحبيب فيه جراح عاد والله مدري وانت استخير اول والله بيدلك ان شاءالله

اللهم ارحمنا تحت الارض وفوق الارض ويوم العرض

احد زملائي من منطقة عسير عمره الان في بحر ال35 سنة يقول لم يعملو لي الختان الا بعمر ال11 سنة في مستوصف حكومي بتخدير موضعي 3 ايام والأمور تمام التمام .
طبعا لهم معتقد انها من أسباب الشجاعه وكذا .
الشاهد الله يخليكم له ويرزقكم بره لكن كل ماعجلتو به كان افضل ، عندنا فالخرج دكتور شايب وقديم يعمل في مستوصف خاص وهو مستوصف التعاون اسم الدكتور سعيد طلبه طبيب عام ، مشهود له بالبراعه.

فيه مستوصف بحي النسيم اسمه مستوصف الكرامه بالرياض دكتور مصري اسمه عمار له خبره طويله جدا

يارب سترك وعفوك

السلام عليكم اخواني رحت المستشفى الحكومي قالولي لزم فحص وتحليل واجراء الختان في غرفة العمليات تحت التخدير العام
وانا محتار للي اعرفه الختان لا يحتاج الى كل هذا التعقيد وغير دفع مصاريف زيادة قيمة العملية + قيمة منامة بالمستشفى الله يكون بالعون وعون جميع المسلمين
نصيحتكم اخواني

لازم تسوي له ختان الان . . . وش مأخرك للحين ..

معليش ... تحمل شوي .. لوانك مختنه وهو صغير ماكان حس فيها
لان الجلد طري جداً وكلها دمعتين وتنتهي ..

الان اعتقد لازم تنويم وتخدير كامل عشان لا يتحرك عليهم وهم يقطعوا الجلدة ف يجيبوا العيد
لذلك انا انصحك توجهه اليوم للمستشفى ولا تتاخر ..
وديتها تنويم 24 ساعة بس ...

هلا ابو محمد حرصك الزياد شكله يبي يجيب لك طااامه ليه تخدير عام حرام عليك اطبائنا بعضهم سباكين يمكن يدخل لي الاكسجين بدل القصبة الهوائية يدخله بالمري وبشوف بطنه يرتفغ وينزل يحسبه صح ثم بعدها لاغير الوفاه لاسمح الله
انا مختن 3 بحمد الله زي الحلاوة والافضل وهو صغير عشان مايكون فيه صدمه لانه وهو صغير ينساه سوه عادي بس بدون تخدير نهائى ترا سهل اعرف واحد يختن من 20 سنه ختن حوالي 600 الف طفل ولا مره جاه شي وبسيط ترا
بس تكفا لاتسوي له تخدير عام لانه يعرض حياته للخطر ومالله حادك