ماهو افضل مطعم عوائل في مدينه الرياض من وجه نظرك ؟؟؟

من وجهة نظري ولا واحد

خذلك دجاجه شوايه مع رز بخاري وسلطه
وسم بالله وبدا قسم بالله اطعم وارخص
وبتدعيلي

ههههههههههه ملينا من الكبسات نبي نجد

نجدد

امزح :)

مطعم مكاني الهندي
جرب التيكا مسالا مع الخبز الي هم يصلحونه

بس حرصهم يقللون فلفل اذا ماتحب كثرته
ولا قسم بالله يعطوك اياه ناااااااااار
ذاك اليوم رحت لهم آكل. وعيوني تدمع من الحراره

ابشر بكرا بمره الظهر بس مافيه الا حار ابي عادي

اخوي انا جربت مطعم ماريز ياخي مشهورو وجلات تجنننننننن و اكلات بسم الله ماشاء الله .
..والمطعم اعتقد . شارع الملك عبدالله بالقرب من صحارى مول
........... ممتاز ........
_____________________________________________
والمطعم الثاني / فايروز جاردن خلف تمور الصالحيه على شارع الملك فهد
((((((( جنب برج العنود او اوتيل العنود ...
________________________________________

اللي ذكرته لك بالنسبه للعوائل ممتاااااااااااااااااز .. وخلي جيبك مليان شوي
لان اذكر لشخصين دفعت 150 تقريبا .. او 200 . حسب الطلب
________ تحياتي

..

انتبه وانا اخوك من مطعم ماريز

ادخل اليوتيوب واكتب فضيحه مطعم ماريز
وشف القرف الي بمطبخهم

كد رحت له ماريز ابغى غيره

ارجو التفاعل

؟؟؟؟؟؟؟؟

فيه مطعم هندي اسمه عالم البهارات
اعجبني الحقيقه
جربت مكاني
وكوبر شندني لكن فرع الحسا (:
انا افضله عليهم الحقيقه لكن يعيبه ضيق جلساته لكنها جميله(الجلسات)
مكانه خلف سامبا اللي على طريق العليا العام بعد التحليه وانت متجه جنوب
ادخل بعد سامبا
وتلقاه بعماره فندق المهيدب

تبي العلم الصح :)

روح مطعم ( لونج هورن ) على مخرج خالد بن الوليد مع طريق الدمام
طبعاً الوجبات عنده استيكات وشريم ولوبتسرز .. :)

الوجبتين المفضلة عندي لما اروح هالمطعم
استيك فلو مع ذيل اللوبستر ( ممتازة )
جمبري مع ورز - ناسي اسم الوجبه - بس ماظن في غيرها
بس جدا جدا جدا جدا جدا جدا مميز الطعم في هذه الوجبه ...
طبعاً الببسي تعبأ مجانية + سلطة مجاناً مع كل طبق رئيسي تطلبه ( عندهم ثلاث انواع سلطات عاديه ( هذه انا اطلبها ممتازة - وسيزر - وايطاليه )

هذا بصراحة من اكثر المطاعم اللي احرص اني اروحها
نظيف جداً - هادئ - تعامل اكثر من ممتاز ( ماعجبك الطلب او في تعليق منك على الطلب يغيروه على طول ) دائماً تلاقي مكان ماتضطر تجلس تنتظر وقربعة صحون وتسمع وحوش برية جنبك ههههه
اذا انت من محبي الاستيكات واللوبستر .. روح له وانت مطمن راح يعجبك .. افضل من استيك هاوس و رد لوبستر وهالمطاعم ..

المطعم الثاني اللي لازم اعدي عليه برضوا .. الفيشاوي ( وكل سنة وانت طيب ياباشا ) ومصر ام الدنيا :)
عاد اذا ادور الدسم والاكل المصرية اللذيذة اروح لهم ..
وهناك انصحك ب ( الطرب - الكفته - الموزة - فتة كوارع - رز بالخلطة مع الكبدة - الملوخية جميله عندهم ) وسعره طيب جداً بصراحة

جزيرة الهند. طريق خريص بعد مستشفى. الحبيب

الله يسعدكم

يمدحون وشال طريق الدائري الشرقي وانا مابعد جيته

مطعم الزعفران بالسليمانيه

مطعم التاج الهندي على طريق الامير مشاري بن عبدالعزيز

مطعم يامال الشام طريق العليا

مطعم النافوره بالملز

مطعم ماريز طريق الملك عبدالله مع الملك عبدالعزيز

مطعم برج الحمام بالتخصصي

يامال الشام اقل من عندي

ماريز تحسفت اني رحت له معطينه اكبر من حجمه عادي جدا

برج الحمام خرافي مره رهيب لايفوتك ورق العنب والحمص والتبوله ومحشي خروف واوصال الدجاج واوصال اللحم

مطعم أوشال على الطريق الدائري الشرقي أنصح فيه وعنده أطباق جيدة وجلسات عائلية.
المميز من مواقع تجربتي معهم هو ورق العنب والشيش طاووق الدجاج والرز البرياني والحمص.
أما غيرها فلم أجربها ماعدا مشوي ومقلي السمك وسمبوسة الدجاج فجربتها وليس فيها تميز.