ماهوافضل الطرق من الرياض الى الدوحه

لا يوجد سوى طريق واحد
من الرياض الى هجرة خريص ومنها الى الاحساء ثم الى سلوي مركز الحدود وبعدها قطر.
المسافه تفريباً500 كيلو من الرياض الى المركز القطري

تروح وترجع بالسلامه

اخوي اقرب طريق الى قطر امس خط خريص الى الاحساء بعد نقطة تفتيش الاحساء في منعطف يمين انتبة لة لوحة مكتوب عليها سلوي قطر الامارات مطار الاحساء امسك مع الخط لايمين ولا يسار خلاص خلك ماشي مع الخط هذا الى قطر طبعا راح تجيك هجر المرة الغويبة مريطبة في محطات بنزين لاتخاف الطريق مليان محطات بنزين المسافة من الاحساء الى منفذ 130 كيلو ومن منفذ سلوى الى قطر 60 كيلو الى داخل الدوحة
بعد ماتوصل الدوحة طبعا راح تبحث عن فندق الفنادق في الدوحة تحصلها على الكورنيش وفي داخل الدوحة من خمس نجوم وما دون العملة الريال القطري الف السعودي ناقص 30 ريال تحصل صرف في المحطات اقل من محلات الصرافة

الاسواق سوق واقف يعتبر من معالم دولة قطر سوق شعبي يظم القديم مع الحديث راح تجد فية عبق الماضي مع لمسات من الحاضر وفية تسوق ومتعة وانصحك انك تخصص لك زيارة خاصة

كورنيش الدوحة من معالم مدينة الدوحة في يمكنك تاجير سفينة قديمة جلبوت رحلة بحرية مع العائلة من بعد العصر الوقت المناسب وفية مطاعم وجتسكي ومقاهي انصحك بزيارتة

سوق العلي سوق شعبي تنتشر فية محلات الخياطة يمكنك تفصيل ملابس ثياب قطرية وخامات ممتازة بااسعار مناسبة

بحر سيلين هذا يبغالك يوم كامل مكان جميل وممتع تطعيس ركوب دبابات يسمونة في قطر بطبطة ههه

المولاات اشهر مركز تسوق على كورنيش الدوحة سيتي سنتر مركز تجاري مكيف فية مول وتسوق بضائع من جميع الماركات

سوق السيارات حراج السيارات في الصناعية

عندك المطاعم في مجمع المطاعم اشارة تويوتا



عندك الاسواق المجمعات
1 رويال بلازا
2 حياة بلازا
3سنتر بوينت
4 الولو هايبر ماركت
5 السوق العماني
6سوق واقف
7 سوق الذهب
8 سوق الحراج البضائع المستعملة

عندك بعد متحف الدوحة على الكورنيش انصحك بزيارتة


عندك اكوا بارك الدوحة خيال يبغالك يوم شي عدل

منتزة اسباير

مركز مشيرب لااثراء المجتمع

الحي الثقافي كتارا

في الاخر رحلة موفقة قطر دولة صغير يعني ماتضيع ابدا بس في لوحات ارشادية في الشوارع
نسيت اقول عند حديقة الحيوانات اعزك الله في الدوحة في الريان تستحق الزيارة

اي استفسار لاتتردد حاظرين لطيبين

شكرا اخي فهد

شكرا اخي ابو فارس على هده المعلومات وعلى شرحك بالتفصيل لما كنت ابحث عنه

جزاك الله خير لاعدمتك يااطيب الطيبين

حاضرين لطيبين في اي وقت رحلة موفقة بااذن الله تعالي

على فكرة خلك بدري في دخول قطر يعني خلك الظهر تكون في قطر عشان يمديك تلف لك على كم محل وترتب نفسك في فندق قريب من الخدمات واي مكان تبي تروح لة وماعرفتة عندك تكاسي وقف تكسي وقولة ابي المكان الفلاني وتعطية مقسوم اوفر للوقت هذي طريقة احفظها في اي بلد تزورة تاكد ان سواقين التكاسي موسوعة كاملة وربما لديهم معلومات تفيدك لاان اغلب البلدان لو سالت احد مايرد عليك الا ما ندر بس التكاسي هم اعرف بالبلد والاماكن اوفر لك من تلف بالسيارة وعناء البحث