تابع مستعمل على
جميع الحقوق محفوظة ©
السلام عليكم
بداية احمد الله على كل حال وليس كلامي اعتراض او شكوى ولكن طلب حلول
احبابي اخوكم رب اسرة وعندي اجار واطفال ومدارس ووو
مشكلتي الراتب اقل من المصاريف طبعا الاساسية
راس المال صفر
مديون
دوام شركة الى الساعة 5 العصر صعب اعمل عمل اضافي لان وراي اسره وطلبات ووو
معي ثانوي ولو طلعت من وظيفتي ماراح القى راتب الا مثلها واقل
كل شهر اتسلف اقل شي الف ريال ومافيه صديق ولا قريب الا تسلفت منه لدرجة ان بعضهم صار مايرد على اتصالاتي
عندي سكر واكتئاب بسبب هذي الضغوط الي اعيشها من سنين
اخواني الي عنده فكرة او مشورة لايبخل فيها لان الابواب تسكرت بوجهي واملي بالله كبير والحمد لله
ظن فيه مساعدات سنويه من الضمان الاجتماعي لبعض ذوي الدخل المحدود
لو تسأل وتتاكد .الله يفرجها عليك وعلى كل مسلم
جزاكم الله خير جميعا وجميع ماذكر بالحسبان والله يفرج همنا وهمكم وهم كل مسلم
وبخصوص العمل الاضافي غير ممكن لان عملي الاساسي طويل جدا ومرهق والبيت والاولاد لهم حق من متابعة دراسة وغيرها والحمد لله على كل حال
وبخصوص الاخ الي يسأل نعم انا سعودي واسكن في الرياض
اخواني الي عنده فكرة او مشورة يطرحها مشكورا
يا أخي اشتغل من بعد المغرب عن طريق النت والله لو بس تسوق للتجار في المنتديات انه يجيك دخل وانا اعرف ناس بالطريقة هذى وصدقني النت فيه شغل وراح ينفتح لك ابواب في التجارة انت جرب مو خسران شيء كلنا نداوم شركات ولو ضغطت على نفسك راح تلاقي
السلام عليكم ..
اولي : ياليت تكتب ماهلاتك العلمية بشكل ادق .
ثانيا : ممكن نعرف القطاع الي تشتغل فيه وايش هي الخبرات مهما كانت .
ثالثا : في حال انك لا تجيد اللغة الانجليزية فصيحة مني لك لاااااازم تتعلمها ولو بشكل بسيط .فهي ترفع من معدل راتبك فوق الـ 40% .
اعرف واحد توظف عشان اللغة فقط . راتبه فوق الـ 12 الف ريال
الله يوفقك ويسهل امرك .
