مالحل أرجوكم ساعدوني؟ صديق لا يحب الوحدة

انت صارحه بالحقيقة حتى انا عندي واحد افديه بروحي بس صارحته وصار يعذرني

كيف

نصيحتي لك حاول تحافظ على خويك

لان الاخوياء الاوفياء هذي الايام قليل

وحاول تشرح له عن ظروفك وارتباطاتك العائليه وان وقت الفضاوه انتهى وانك شخص ارتبطت بظروف عائليه جديده ولا عاد يمديك طول الوقت تخاويه

ان كانه رجال قدرك وخف من جياته فاهلا وسهلا به صديق

وان كانه ماقدر ظروفك فمعناتها انه شخص مصلحجي ولايهمه غير بسطه نفسه ولو على مصالح الاخرين

حاولت معه وتكلمت يسكت فترة أسبوع ويرجع يدق يصيح تكفي زهقان نبي نطلع

طفشت من البيت

اعرض عليه الاشتراك بدورة تدريبية بعنوان (كيف تحافظ على علاقاتك ) وأيضاّ إعرض عليه الإلتحاق بحلقة لتحفيظ القرآن للكبار ’

ليستفيد من وقته ..

كان عندي نفس المشكله مع خوي عزيز علي زي اخوي واكثر حاولت معاه بلا فائده واحن زملاء دراسه من المتوسطه الثانوي و الجامعه وتعرفوا الواحد لم يتزوج ينشغل باولاده وحياته الله يشغلنا بطاعته المهم واجهته بكل صراحه في البدايه زعل وقلب علي وأستمر يتصل وطنشته واهملته فتره ولكن بعدين تفهم الوضع وصرنا تنقابل مره في الاسبوع لمرتين علي الاكثر جرب الصراحه ترا مريحه للكل

انشالله بجرب

شكرًا علا التفاعل

اذا كان الاستمرار علي نفس الوضع يضايقك وصبرت كل هذه السنين أتي الوقت الان للمصارحه .. لانه بالنهايه مايصح الا الصحيح
ولو كان عنده مايملي فراغه لما تعلق بك .. باختصار هو لاقيك وعارف نقاط ضعفك وانت ما تقاوم .. ياتستمر وتتحمل او تصارحه ان تفهم خير وبركه وان لم يتفهم أشتر راحه بالك . وهذا اختبار أيضاً له لتكتشف هل سيقدر ام لا

بالنهايه القرار بيدك وانت سيد الموقف

اخي هذا اسمه حب تملك واذا كان بالشده اللي تقول عليها فاعتقد ان صديقك عنده نوع من فرط الحركه
الانسان اللي مايراعي صديقه ويزعل منه اذا انشغل عنه لمجرد انه حابب يتمشى ويطلع ويتسلى هذا يكون عنده حاله قريبه من الحاله المرضيه
صارحه وطنشه بعض الاوقات ولا ترد على مكالماته اوقاتا اخرى حتى يتعود ان لك خصوصيه يجب ان لا يتعداها

بالنسبة لي .... اسحب عليه

ما عليش اخوي .. شخصيتك مو ضعيفة وبس ... الا مدمررررررة


معقولة يلعب فيك كذا


ياخوي حتى لو ايش ماكان ؟؟؟ ما توصل اصير كأني عشيقته ؟؟ اسف لهاللفظ !!!!



راجع نفسك واجلس معه ووضح له بكل صراحة انك تعبت

يايتعدل أو اتركه


وخلصنا

السلام عليكم

بقولكم ايش صار

طنشتة ويدق واعطية مشغول

واليوم الظهر رديت علية

قال ( سلام وينك عسى ماشر ادق عليك ماترد لي يومين )

قلت ( ليش انا مشغول جدا جدا )

قال ( طيب بلغني رد علي مرة ياخي واللة خفت عليك بغيت اعلن بالجريدة )

قلت ( كل ذا لو اني احد عيالك او مطلوب او مباحث علي )

قال ( بس ياخوي سحبت كذا ولا ترد ومطنش اكيد عندك مشكلة او مسافر )

قلت ( لا والله بس مشغول مرة امر فية شي تبغى شي )

قال ( نبي نجلس معاد تجي للاستراحة نبي نشوفك )

قلت ( خير اذا فظيت بحاول امركم ياللة مع السلامة )

..................

ياخوي , اسلوب خويك نفس اسلوب واحد من قرايبي بنسبة 90%

هذي النوعيه من الناس ( حركيين ) ويتعبون حتى زوجاتهم اذا كن زوجاتهم من النوع ( الهادئ )

لا تفكر انه بكلمه منك او بتصريفه راح تغيره او راح تخليه يبتعد عنك

انا اللي اشوفه في قريبي نفس اللي بصديقك ومن تصرفاته :

1- يحب العمل
2- قليل النوم
3- يحب الطلعات والكشتات
4- راتبه ما يوفره اسبوعين الا مخلص
5- دايم يتسلف
6- يطفشك من كثر نشاطه و دائما هالنوعيه تلاقيه يحب السيطره , يعني يا تروح معاي ولا ازعل وووالخ
7-يتدخل فيما لا يعنيه
8- كريم على نفسه وعياله واصدقائه لكن مبذر ولا يحسب حساب الغد


فيه اشياء كثيره جانبيه بس مابي اذكرها , لانها مو شرط تكون في الشخص , بس هذي الصفات العامه لمثل هذي الناس

بس شوف اخوي

فيه خطوط حمراء , لازم يوقف عندها خويك , وانت لازم توقفه عند حده

يعني شغلة في الطالعه والنازله ( سفر ) او عطني ( فلوس ) او نطلع من ( الدوام ) وووالخ

هذا راح يدمر نفسه ويدمرك

انا تركت واحد من اصدقائي ويقرب لي بعد , والسبب هالتصرفات

انا ما اخرب عليك اصدقائك , بس شوف له حل , لا تخليه يجي يوم ويسيطر عليك تماما

ولا وش اللي خلاه يتعلق فيك انت بالذات كذا

هذا دليل انه صار منبوذ من ناس قبلك , تركوه وتعلق فيك

رد جميل من الاخ axax

الأخ الكريم axax

شكل قريبك ذا هو صديقي

هههههههههه

والله كلامك صحيح

نفس المواصفات

الله يعينك خلك صريح معه بدون مجامله وخفف الطلعه معه تدريجياً والايام كفيله بالنسيان