شوف انا بقولك ,
انا يمكن اتقاضى عن هذي الاشكال في الشوارع وما اعطيهم وجه ولا ارد عليهم
لكن اللي في الدوائر والمؤسسات الحكوميه ما اسكت عنهم نهائيا
ما عمري دخلت مؤسسه حكوميه او وزاره او جامعه وووالخ ,, الا اشوف هالنوعيات بس ما اتركهم
بقولك قصص صارت لي :
قبل 10سنه في مكتب العمل : قدمت اوراقي وبعدها باسبوعين رجعت اشوف وش طلع لي من وظيفه :
رد علي الموظف : ما حصلنا لك وظيفه ,
رديت عليه ليش , ( قالي اللي يسمعك الحين عندك دكتوراه ) .. < طبعا وصلت عندي هههههه
قمت اصارخ وقلت له تستهبل ,, قالي ( بطاقتك عندي والحين بجيب لك الدوريه لانك تتهجم علي بدائره حكوميه ) < يبي ياخذها ذريعه
دخلت على مدير مكتب العمل , ووقف معاي ولعن خير الموظف وعطاني بطاقتي ومشيت
حادثه اخرى في مستشفى الدمام المركزي : كنت استفسر عن عياده في الاستقبال
واللي هناك ( 4 ) بنات , كررت السؤال كذا مره , اخر شي ردت علي وحده منهم بدون نفس وقالت الدور الثاني
رديت عليها ( تكلمي بنفس ماني داخل بيتك , وراتبك اللي تستلميه هذا عشان تخدمينا مو عشان تطلعين خياس اخلاقك علينا ) ,,
الحادثه الثالثه : عسكري من المتعينين الجدد , وتعرفون هياط العساكر الجدد في نقاط التفتيش
ضرب على كبوت السياره , وبدا يصارخ يقولي استمارة سيارتك منتهيه ورخصتك منتهيه , قلت له طيب هات المخالفات بدون صراخ
قالي وقف على جنب , قلت له ( معاملتك الوسخه ذي بوصلها لوزير الداخليه ) , وفعلا مشيت ورحت لمدير المرور في الشرقيه وعطيته الشكوى , والمدير حاول يجيبها براسي بس شددت اني اوصل البرقيه لوزير الداخليه و قلت له ان وقفتني الحين او سجنتني عندي نسخه ثانيه من الشكوى بيرسلها اخوي وانا في السجن < ( اطلق سراحي وحتى المخالفات اللي علي حذفها )
كثير تمر علي هالمشاكل , بس والله ما اسكت عليها , لان اذا سكت على الظلم في مؤسسات الدوله , ثق تماما ان الظلم بلاحقك حتى وانت في بيتك
لان مؤسسات الدوله العسكريه او المدنيه كلها مرتبطه بالشارع والمجتمع , واذا صار فيها خلل , الضحيه انا وانت
شوف الامارات , الان يعطون جوائز للموظف المثالي في الوزارات الحكوميه وترقيات وزيادة رواتب وووالخ
احنا للاسف , ما نشوف هاالجوائز والحوافز الا في الشركات الخاصه الربحيه
* لا تسكت عن الظلم
واذا اردت ان تصلح مجتمعا فابدأ بنفسك