كيف تتعامل مع الشخص او الموظف النفسيه في قطاع حكومي

تبي الصراحه كل ربعنا نفسيات ،، نفوسهم في خشوهم لا وليتهم حكوميين بعد ،، موظفين قطاع خاص ذاك اليوم في مستوصف بمخرج تسعه اكلم الاستقبال وينفخ علي يقول اصبر اخلص الي في يدي ،، سكت قلت ابروح لمركز ثاني انتم ما تعرفون تتعاملون مع المراجعين ؟!؟؟ قال بالطقاق هههههه النفوس شينه والجلود مروحه والبنوك والشركات الاتصالات وووو المصيبه موظفي الحكومه كنك ذابح ولده هههههههه خلك من ذولي أئمه المساجد بعد بعضهم نفسيات تقل مغصوب على الصلاة

شوف انا بقولك , انا يمكن اتقاضى عن هذي الاشكال في الشوارع وما اعطيهم وجه ولا ارد عليهم لكن اللي في الدوائر والمؤسسات الحكوميه ما اسكت عنهم نهائيا ما عمري دخلت مؤسسه حكوميه او وزاره او جامعه وووالخ ,, الا اشوف هالنوعيات بس ما اتركهم بقولك قصص صارت لي : قبل 10سنه في مكتب العمل : قدمت اوراقي وبعدها باسبوعين رجعت اشوف وش طلع لي من وظيفه : رد علي الموظف : ما حصلنا لك وظيفه , رديت عليه ليش , ( قالي اللي يسمعك الحين عندك دكتوراه ) .. < طبعا وصلت عندي هههههه قمت اصارخ وقلت له تستهبل ,, قالي ( بطاقتك عندي والحين بجيب لك الدوريه لانك تتهجم علي بدائره حكوميه ) < يبي ياخذها ذريعه دخلت على مدير مكتب العمل , ووقف معاي ولعن خير الموظف وعطاني بطاقتي ومشيت حادثه اخرى في مستشفى الدمام المركزي : كنت استفسر عن عياده في الاستقبال واللي هناك ( 4 ) بنات , كررت السؤال كذا مره , اخر شي ردت علي وحده منهم بدون نفس وقالت الدور الثاني رديت عليها ( تكلمي بنفس ماني داخل بيتك , وراتبك اللي تستلميه هذا عشان تخدمينا مو عشان تطلعين خياس اخلاقك علينا ) ,, الحادثه الثالثه : عسكري من المتعينين الجدد , وتعرفون هياط العساكر الجدد في نقاط التفتيش ضرب على كبوت السياره , وبدا يصارخ يقولي استمارة سيارتك منتهيه ورخصتك منتهيه , قلت له طيب هات المخالفات بدون صراخ قالي وقف على جنب , قلت له ( معاملتك الوسخه ذي بوصلها لوزير الداخليه ) , وفعلا مشيت ورحت لمدير المرور في الشرقيه وعطيته الشكوى , والمدير حاول يجيبها براسي بس شددت اني اوصل البرقيه لوزير الداخليه و قلت له ان وقفتني الحين او سجنتني عندي نسخه ثانيه من الشكوى بيرسلها اخوي وانا في السجن < ( اطلق سراحي وحتى المخالفات اللي علي حذفها ) كثير تمر علي هالمشاكل , بس والله ما اسكت عليها , لان اذا سكت على الظلم في مؤسسات الدوله , ثق تماما ان الظلم بلاحقك حتى وانت في بيتك لان مؤسسات الدوله العسكريه او المدنيه كلها مرتبطه بالشارع والمجتمع , واذا صار فيها خلل , الضحيه انا وانت شوف الامارات , الان يعطون جوائز للموظف المثالي في الوزارات الحكوميه وترقيات وزيادة رواتب وووالخ احنا للاسف , ما نشوف هاالجوائز والحوافز الا في الشركات الخاصه الربحيه * لا تسكت عن الظلم واذا اردت ان تصلح مجتمعا فابدأ بنفسك

كلامك درر يا axax

مبدأ من أمن العقوبة اساء الادب .. بالاضافة إلى إنشغال بعض المدراء في التضبيط لانفسهم في المراتب والفلوس خلاهم يتجاهلون ما يفعله موظفينهم ... لذلك وجبت الخصخصة .. وجعلها دولة مؤسسات .. والان في اغلب الدوائر بدأت الدولة في الخصخصة .. حيث تمتلك الدولة اكثر من 51% من اسهم الشركة او المؤسسة الحكومية وتسليم البقية للتشغيل من القطاع الخاص ف تستفيد الدولة بالتخلي عن هموم ومشاكل هذه المؤسسة وبنفس الوقت تكون المتحكمة فيها بشكل كامل ... طبعاً بإستثاء بعض الادارات الحكومية التي لا يمكن خصخصتها ابداً وهنا بقي الدورات العملية + العقوبة .. ف على الدولة منح موظفينها دورات في التعامل مع الجمهور وكذلك حثهم على ذلك بالتوجيهات الدائمة ومراقبة الادارة لاداء الموظفين وتفعيل العقوبات مباشرة ... وذلك بالتفاعل مع شكاوى العملاء ( المراجعين ) غير كذا ف مكانك سر ..

axax تعاملك جدا بطل انا نفس الشي الي درجه اصحابي يقولوا انت تحب المشاكل قلت بالعكس المخطي خله يتادب وصارت معاي كثير وانا رجل لا اقبل الغلط وخصوصا من حقين الخطوط السعودية الو اي دائرة حكومة من اصغر موظف الي اكبر من وظف فكل كبير فوقه كبير

axax تعاملك جدا بطل انا نفس الشي الي درجه اصحابي يقولوا انت تحب المشاكل قلت بالعكس المخطي خله يتادب وصارت معاي كثير وانا رجل لا اقبل الغلط وخصوصا من حقين الخطوط السعودية الو اي دائرة حكومة من اصغر موظف الي اكبر من وظف فكل كبير فوقه كبير وكل مدير فوقه مدير ولو وصلت الوزير ايش يعني الموضوع جدا بسيط بس يربعنا يمكن مو عارفين احيانا انك ممكن توصل موضوعك لاي وزير او حتى للملك خلال اربع وعشرين ساعه وذلك من خلال البرقية الهاتفيه ما تكلف الواحد خمسين ريال ويجيك الرد اتمنى من اي سعودي انو ما يسكت ابد على غلط خلوووهم يتادبون انا وانت نعرف ناخذ حقنا بس فيه ضعوف لا حول لهم ولا قوة

الواسطه تدق خشومهم دق

جدا" طريقتك جيدة axax ولاكن حاول انك تكون تشرح للناس الخطاء من دون تجريح ليعدل من تصرفة حيال الناس لانك اذا ما جرحتة ممكن يقبل منك النصيحة وانا مجرب هذا تعرفت على رجل في جدة كداد يقولي ياهم يبهذلونهم المرور هناك وبعضهم اخلاقة سيئة ولاكن الرجل يتعامل معهم بالمثل وامورة تمام ماشية ولاكن كل وقتة مشاكل شي محزن والله ولاكن يا اخوان لا ننسى ايضا" الناس الذين يراجعون الدوائر بحكم عملي الحكومي يمر علينا شخصيات مش محترمة احيانا" صراحة واحيانا" يجيك ناس قمة في الاحترام .

الشعب كله نفسيااات يمكن عشان عدم فهم الحياه صح والبعد عن ذكر الله

طريقتي اذا لي حاجة او معاملة عند الموضف : اصبحة بلخير وكون مبتسم معة وانتقي احسن الكلام الطيب بلحديث معة و ذأ عطاني وجة و بتسم احاول اجذبة بسلوب المداعبة الخفيفة لكي يخف ضغطة وتزين نفسيتة , والحمد لله تخلص جميع اشغالي بهاذة الطريقة : كذلك المظهر الخارجي للشخص تعبر عن شخصيتة ومهم جدآ : والله المستعان :

على حسب المنطقة وطبيعة ارضها يقول المثال قديماً خل صدرك شمالي . روح واسكن بالشمال ههههههههههه امزح والله انا أنصح بوضع دورات اجبارية للترقية مدة 3 ايام عن فن التعامل مع المراجعين

ما جعلهم يتمردون الا عدم وجود نظام صارم وفوري يعطي كل ذي حق حقه. axax % 100

احد القظاة الجدد في النعيرية بزر وانا جاي من مدينة بعيدة ابي ادخل علية والعسكري واقف عند الباب قايلة القاظي لااحد يدخل علي وعندة موظف مدني خايس واحقر من الحقير قالي يااخي جاي متاخر تبي تدخل على القاظي قلت يااخي انا دخلت على وزير العدل الساعة 2 الظهر ونهاية دوام وانت يالموظفين الصغار تجي الساعة الواحدة كل واحد حاط رجلة المهم دخلت على القاظي قال مين قال انة دخلت على وزير العدل قلت انا قال اتفظل ماعندي شي لك انا عندي قظايا ظحكت بغيت ارد واأكبر الموظوع بس غمز لي شايب بجنبي بلعتها وطلعت المشكلة بغيت اكبر الموظوع وابي شهود معي بس المراجعين خايفين ان القاظي يعطل مصالحهم لان فية مراجعين لهم ساعة مادخلوا على القاظي ويوم دخلوا علية اخر الدوام قال تعالوا بكرا الان الي يبي يشتكي على قاظي وين يروح او يتجة

ثق ثقه تامه ونا أخوك انك راح تحصل على حقك بحالتين أما سو نفسك ( خلوق مع شوية غباء ) وهذي الحاله الأولى الحاله الثانيه العكس تماماً سو نفسك انتحاري يعني عادي تنضرب ويللعن خيرك وانت عايش اللحظه مع نوع من الذكاء يعني لوماقدرت او مانفذ طلبك حاول تنسحب كذا تعيش حياتك اما بتسوي نفسك عادي وعلى طبيعتك الله يعينك

* الموظف اللي يقابل الجمهور .. لازم يكون مستعد لجميع انماط العملاء .. العميل اللي يحتاجهم .. لايدخل بطلبه الا وهو مستوفي جميع المتطلبات وفوقها زيادة اجتهادات اخرى .. ويالله تمشي .. المشكلة بعضهم اذا جاك في دائرتك يبي خدمة وعرف انك عرفته ينحاش منك جتى لاتعامله بالمثل على معاملته الخايسة وهذا دليل على مرضهم النفسي . *