كيف اضمن حقي من اجنبي طالب سلفه

ياخي ليه حنا نثق فلاأجنبي ثقة عميا؟؟؟
لو الواحد اخوه ولا جاره يبي سلف ماسلفه أما الاجنبي يضحك علينا بكلمتين

لا تعطيه ولا ريال نصيحة انا اعرف مثل هالنوعية يتسلف منك مبلغ بسيط ويرجعه لك في موعده شويشوي لين توثق بعدين يأخذ مبلغ كبير ومن غيرك مبلغ وهج لبلاده

ألعن الشيطان وخذها نصيحة الاجنبي اللي يدور معك سلف اطرده اطرده

لاتصير عبرة

ههههههههههههههاي والله ماقصرت لا مع اخوي ولا جاري ولا صديقي لكن هذا بيني وبينه شغل وكنت ادعمه بسلف عارف شغله يدخل ذهب

الله يطردك من رحمته في هذا اليوم المبارك يارب العرش العظيم
الله يسود وجهك
قل خيرا أو أصمت
جعلك تدور كسرة خبز ماتحصلها عشان تعرف كيف تتساهل بالكلام

الأمر يرجع لك في الأول والأخير ..
وحسب مادلنا عليه رسولنا الكريم ( اذا تداينتم فتكاتبوا ) أو كما ورد ( النص ماني متأكد منه )

اذا تضمن الرجال وعارف السبب اللي طالب عليه السلفة وهو سبب حقيقي و وجيه لطلب السلفة ليش لا ... ولكن اضمن حقك ب انه تكتب عليه أوراق و شيكات وشهود
اذا تعرف له مكان ثابت مايقدر يتركه لو ايش ما صار .. يكون شقى عمره مثلاً ...

او ترهن عليه جوازه لحد ما يرجع لك الفلوس ( بالرغم ان رهن الجواز ماهو هذيك الحيلة اللي تحميك منه اذا كان ناوي غدر لاقدر الله )

وفقك الله .... وفق الله الجميع


أولاً :::: القرض الحسن لوجه الله فيه أجر كبير ، خصوصاً إن كان طالب القرض يريده في عمل طيب حلال.

ثانياً::: صاحبك هذا ، فيما يريد المبلغ؟ ولك مقداره؟ وأين يعمل؟ ومن كفيله؟

ثالثاً::: حتى لو جوازه عندك أ عند كفيله إن ااد أي مقيم أن يسافر فسيسافر بتذكرة سفر من سفارة بلاده..... أنا لا اول لا تعطيه ، بل أنت لم تذكر أصلاً لماذا يريد المبلغ!!! ومن حقك أن تعرف هذا منه ..... ممكن ترهن الشروع الذي سيضع المبلغ فيه باسمك أو مناصفة معاه أو أو أو بأي صورة أو طريقة تجعلك ومالك في مأمن من تقلبات الشيطان.... نعم ، فيما يريد المبلغ؟؟

ذهبت أنا ضحية الكثير من الثقة في الناس ، ولم يردوها من سنوات طوال .... والله المستعان

انتبه منة-ترا هالمرة يجوز -يغدربك
-ولاتثق فيهم هم كذا يجونك بمبلغ بسيط ويرجعة-عسان تعطية الامان وتقول امين
-بعدين ياخذ فلوسك ودورها بعدين لاعندك سند ولاشي
-هالاجانب ماينعطون وجة-الغدر صفاتهم والخديعة
-لاتدين حد الا وانت واثق منة
-اما هالباكستانية-فكثير حصلت منهم الخيتنة
-ولاتكون طيب زياااادة-هم كذا يطمعون

بارك الله فيكم انا مو خايف ياكل فلوسي ياجماعه انا اخاف يمرمط فيني شهور واكون وقتها محتاجها وبعدين اغلب اهله على كفالتي يعني ولد اخوه عمه وعيال عمه ورجال ادل بيته واعرف عياله وماتوقع يترك البلد على شان مبلغ 100 الف هو يطلع بس من مواسم التمر فوق 472 الف ماتوقع يترك الخير الي هو فيه بس انا ماابغاه يمرمط فيني فهمتو ياجماعه ابغى لو مرمط فيني اقوله بشتكيك بالورق الفلاني ويخاف منه بس

منتب مجبر تسلفه

ياخوي جرب تكتب ورقة في المحكمة.

امسك وقعد
وافلت وطرد

ممتاز كما ذكرت في ردك رقم 8

انت كافل له جماعته ف وهو تاجر ويكسب ماشاءالله تبارك الله ...
ف كيف يحتاج مبلغ زهيد مقارنة بمكسبه اللي يعادل 300% في موسم واحد ...


طيب لضمان ما يمرمط فيك وقت السداد او وقت الحاجة له .. تشارك معه في تجارته .. رسمي واعطيه المبلغ اذا ما رجعه في وقته .. حلال عليك نصف ثروته :)

..مااعتقد يخليه يشاركه في تجارته

اول شي الله يعطيكم العافيه كلكم ماقصرتو بس يااخوان انا مانيب جاي اشرح وش بينا شغل وتجاره انا وياه انا موضوعي بسيط كيف اضمن حقي عندي محلات وبينا تجاره ولكن انا اخاف يمرمط فيني ابغاها ورقة تهديد فقط تخويف ولا ضامن بعد الله مايقدر يسرقني بس ابغى اذا جاء موعد السداد وحسيت بيمغطني فتره اهدده فيها بس هذا الموضوع وان زودها يحق لي اشكيه بس

حيك الله

إذا ورقة مكتوبة بينكم عليها أربعة أو خمسة شهود سعوديين ومن جنسيته .... وحدد المدة التي سيعيد فيها المبلغ ..... وهذه وثيقة رسمية قانونية يعتد بها في المحاكم ... وبالتوفيق

خمس سعوديين وواحد من جنسيته يارجال لو بتزوج وحده من بناته ماطلبو علي العدد هذا هههههههههههههه الله يجزاك خير

لكن هذه أموال ، ولم لا؟
نعم ، بل حتى عشرة ، ما المانع ، يا ترى لماذا؟؟


هذا الإجابة على سبب طلب هذا العدد:

هذا مات فالموت فينا في أي وقت .

وهذا مسافر لمدينة أخرى أو سافر لدولة أخرى.

وهذا لديه حالة في المستشفى ارج المدينة.

وهذا أهله في وضع طاريء وسافر ثم لم يعد.

وهذا حصل له مع كفيله مشكلة فغادر نهائياً.

وهذا حصل له حادث وهو في المستشفى من أيام أومن أسابيع أو من أشهر.

وهذا توفى أحد اقاربه فغادر حصلت له ظروف فلم يعد في الوقت المحدد واتهت مدة تأشبرة الخروج والعودة لديه وبالتالي انتهت إقامته.


كثير منا يحصل له ظروف غير متوقعة ... وهذه أموال وحقوق ... وهناك حديث معناه هو : من فرط أمر من أمور الشرع أحوجه الله إليه.

وعليك وعلى الجميع السلام والرحمة والبركات من رب العباد

افضل شي اخوي اتصل عالدليل وخذ رقم محامي وياكثرهم ، اتصل على احدهم واساله ، يعطيك الاجابه الوافيه والقانونيه لضمان حقك

.. ايمان كلام جميل في محله

نصحية لوجه الله

ان كان اجنبي ولا سعودي ولا اي جنسية

لا تعطي احد حتى لو تم المكاتبة

واللي فيه طبع التسلف يكون فيه طبع صعب السداد والمماطلة

انا تجرعت المرارة من هذي الناحية وخسرت اقرباء واصدقاء مقربين بسبب اني سلفتهم

واقبح ما الشخص اللي يجي يتسلف منك .. يجيك وكل هدوء وحزن وانه مضطر لهذا المبلغ وطبعا

الحجج والمبررات اللي يظهرها لك واسباب حاجته الماسة لهذا المبلغ - طبعا كلها كذب في كذب--
وبس ياخذ المبلغ يبدا بالظهور بالوجه الاخر

الاختفاء - ان يظهر لك ان دائما ان حاله المادي سيئ - كثرة المواعيد عن سداد الدين - ربط سداد دينك بمبلغ هو ينتظر صرفه من جهة اخرى - يعني بالعربي مقدر اسد الدين الا لما الجهة الفلانية اللي لي مبلغ عندها تقوم بسداد المبلغ ومن ثم يسد دينه له ( قمة الوقاحة )
اخر شي يهرب وما تلقى له اثر

للعلم لي صديق -كان عزيز للاسف- اخذ مني مبلغ سلفة ووعدني على نهاية الشهر يسده ومن وقتها سافر الرياض وغير جوالاته والان له سبع سنوات ماشفته وسألت عنه قريب له يقلي الرجال اموره زينة وحي يرزق

ولي قريب اخذ مني 6 الاف ريال .. تعرف كيف سدها ؟ كل شهر 150 ريال وكمان مو كل الاشهر منتظم يغيب شهرين او ثلاث ويرجع يسدني 150 ريال .. وشغال وحالته زينة وراتبه 8 الاف ريال في الشهر

خلي قروشك في جيبك ولا تصير تبوس ايادي علشان تاخذ حقك