تابع مستعمل على
جميع الحقوق محفوظة ©
بسم الله الرحمن الرحيم
السلام عليكم ورحمة الله وبركاته
وانا اجوب المنتديات الشعرية على الشبكة العنكبوتية وجدت هذا الشعر واعجبني واحببت ان انقله اليكم وهو من شعر زياد بن حجاب ..
كــم راح مــن عـمـري وانــا ودي اتـــوب
ولولا الهوى والنفـس كـان امـس تايـب
عشريـن عـام امنـي النـفـس يــا ايــوب
ليـن اكتشفـت انـي مـع الـوقـت شـايـب
راحــت حيـاتـي بـيــن طـالــب ومـطـلـوب
ولي خاطر(ن) لو طبت ماهوب طايب
واخـاف مـن يــوم بــه الـمـوت مكـتـوب
لا حـولــوا بـــي بـيــن عـــوج الـنـصـايـب
في منزل مظلـم عـن النـاس محجـوب
محـجـوب حـتـى عـــن نـسـيـم الهـبـايـب
وصار الكفن يايوب يغنـي عـن الثـوب
وفــارقـــت ربــعـــي والاهـــــل والــقــرايــب
مــا عــاد فيـهـا جــاه وأمــوال وسـلــوب
ولا عـــاد فـيـهـا حـــب خـشــم وطـلايــب
ولا عـاد حولـي شمـر ولا بـه حــرووب
انـــــا ومـلائــكــة الــرضـــاء والـعـقـايــب
خـدعـنــي الـتـسـويـف وأغـرتـنــي دروب
مــــن يــامــن الـدنـيــا وغــــدر الـنـوايــب
يالله يــــا فــــارج عــلــى كــــل مــكــروب
يـــا واحـــدٍ بـامــرك تــهــون الـمـصـايـب
يــا مــن تقـلـب بـيـن اصابـيـعـك قـلــوب
خلـقـتـهـا مــــن بــيــن صــلــب وتــرايـــب
يــا غـافـر لـمــن جـالــك وكـلــه ذنـــوب
عـبــدٍ ضـعـيـف وجــــاك تــايــب ونــايــب
يـا رب لـو قلبـي صـخـر عـنـدك يــذوب
يــامــن لهـيـبـتـك الـجـبــل خـــــر ذايـــــب
اتـــــوب ثـــــم اعـــــود واعـــــود واتــــــوب
مـاهــي عجـيـبـه وانــــت رب الـعـجـايـب
من المهـد ليـن اللحـد وقتـي محسـوب
مـا ضـاع شـي ومـا بقـى شــي غـايـب
يــارب مـالــي غـيــر رحـمـتـك مـطـلـوب
مـن لـي سـواك ان جـيـت يــارب تـايـب
كــم راح مــن عـمـري وانــا ودي اتـــوب
ولولا الهواء والنفس كـان امـس تايـب
والله بزمان الاول حرب مايسوون ريال يسمون اكالت الصمغ ديرتهم الحره مافيها الى شجر الطلح الي ينتج الصمغ وياكلونه من الجوع لاكن فعلا هاذا زمن العجايب
نقل رائع بارك الله فيك ..
بارك الله فيك و في نقلك
طرح جيد يذكرنا بالحياة الاخرة و ماقدمنا في الحياة الدنيا
اللهم توب علينا و اغفر لنا و ارحمنا انك انت التواب الرحيم
لله درك وشي جميل وقصيده تحكي الواقع ..
العويند
حرب تاج راسك واكلة الصمغ ماتعيب يالرخخمه الناس ايام الجوع تاكل بعضها واحمد ربك على العافيه
والقافله تسير والكلاب تنبح
وزياد بن نحيت رجال ومعروف للجميع والنحايته ماشاء الله عليهم اهل جاه وكرم ومناصا للرجال
ولكن انت مين وش حضرتك لاجل تستحقر الرجال
ولاعاد تهرج عند الرجال في المجالس ياصغير العقل خلك من خلف الكبيورد يالروبيضه
اولا حديث عن الرسول عليه الصلاة والسلام
دعوها فانها نتنه
وبعدين والله ونعم فيه حرب وكل القبايل واليوم بضل حكومة ابن سعود كلنا سعوديين وتحت راية التوحيد وعيب عليكم ذا الكلام ولله الحمد انا بستراحه عددنا اكثر من 25 وعشرين شخص ومشكلين قبايل وغير قبايل الحمدلله اكثر من احوان راااح زمن التناحر والله يرحم الملك عبدالعزيز ومساعديه الي قضوا علي ذي الامور
تحيااااااتي
قصيدة جميلة ومعبرة
ملاحظة :
كلكم لآدم وآدم من تراب
عجبتني الصوره مؤثره
الله يخليه لامه ويصلحه
ويصلح اولادنا واولاد المسلمين
بو محمد
بارك الله في كل من رد ومر على الموضوع
شاكر لكم جميعا
