جميع الحقوق محفوظة ©
السلام عليكم ورحمة الله وبركاته
والله يا اخوان ما اعرف كيف اوصف لكم الحال اللي وصلت له شوارعنا والتخطيط واللي ماسكين التخطيط بشوارعنا
خاصة بمدينة جدة طبعا كل الشوارع تكسير في تكسير ولا عمرهم صلحوا شارع والفترة الاخيرة واللي خنقوا العالم فيها بطريقة المدينة خاصة بالفرعي
قبل فتره كانوا يكسروا بطريق المدينة جهة الرصيف واللي يفصل الفرعي عن العام مقابل المستشفى المغربي للعيون
وكانت من قبل حركة السير في الفرعي من اروع مايكون سلسه وسهله واللي يحب يدخل للشارع العام يدخل بكل سهولة لان مو الكل يتجه لأخر الشارع الفرعي
الحين نتفاجا من المخطط للشارع قفل المنفذ من الشارع الفرعي لطريق المدينة والسيارات صارت محشورة بخطين فقط بشارع فرعي واحد فقط وصارت السيارات اجباري تمشي بالفرعي الين اخر الشارع ومسافته طويله جدا ومافي اي منفذ للطريق المدينة العام
اللي جاي من شارع فلسطين واللي طالع من مركز الشعلة ومركز المدينة واللي عنده معاملة بوزارة المالية اللي طالع منها او رايح ليها واللي طالعين من مصلحة الزكاه والدخل او رايحين لها واللي عنده صيانة بلكزس واللي بيروح لمستشفى مغربي واللي جايين من شارع غرناطه كلهم انحشروا في ذاك الشارع الفرعي وتلاقي نفسك تمشي واشد انواع الزحام والطريق العام على يسارك فااااااضي وربي شي يقهر واللي يقهر اكثر من كذه بعد هذه الخنقه اخر الفرعي منفذ واحد لسيارة واحدة فقط تمشي وتطلع من المنفذ !!!!!!!
طيب ياعالم لازم يكون في شوية تفكير .... انا جاي من شارع فلسطين وقاصد طريق المدينة لا ودي اروح لهذه الأماكن ولا شي ايش ذنبي تحشروني وتحشروا غيري بهالشارع الفرعي اللي نجلس فيه نص ساعه او ساعه وكل واحد لاصق في الثاني
اعملوا منفذ يطلع على طريق المدينة للعالم اللي جايه من شارع فلسطين واللي بعدين وده يروح لاي مكان يدخل للفرعي عشان يمشي الخط
المشكلة انهم كمان عملوا زحمة شديده بعدة شوارع بعد تقفيل هذا المنفذ مثل شارع عنيكش وغرناطه صاروا كلهم
مخنوقين بسبب الزحمة
الى متى ياناس ونحن نتعب وسياراتنا تخرب واعصابنا تتلف بالزحام بسبب هذه التخطيطات والتخبطات
اكبر دليل على عبقريتنا في التخطيط حال شوارعنا وخطط السير فيها
جمعت بين شدة الزحام الناتج عن اعتماد معظم المواطنين ( والوافدين ) على سياراتهم في التنقل لعدم وجود نقل عام إضافة الى سوء تخطيط سير المرور
قرب المكان الذي اسكن فيه دوار يوزع السير على اربع حارات دون اي اكنظاظ او زحام فتفتقت عبقرية المخططين الى تعديل غريب عجيب عطل المتجهين الى الجهات الاربع واجبر الجميع على السير الى نهاية الشارع الذي اتى منه ثم العودة الى التقاطع ليأخذ الاتجاه الذي يريد
طالما هذه امكانياتنا التخطيطية مالذي يمنع من الاستفادة من خبرات الجهات العالمية المتخصصة في تخطيط المدن وسير المرور
صدقت اخوي shddad ياخي عليهم عقول مدري كيف تفكر اي شي يقفلوا ويجبروا المشاه كأنهم قطيع غنم امشي من هنا وانت ساكت
اقلها المفروض يعملوا دراسه يراجعوا خرائط جوجل ومسارات الزحام كيف بتكون قبل وبعد لا بس طبطب وليس يطلع كويس
والمشكلة ياليت من قبل كان في زحمة بالخط بالعكس كان سهل والمرور فيه سلس الحين حشروا السائقين حشر واجبروهم بالمشي بالمسار الفرعي الى اخر الشارع الفرعي
وشارع الستين لايقل زحام عن طريق المدينة
نفق بكوبري بنفق ومع هذا زحام
كوبري الستين مشوه كل الجمال الحاص هل يعقل ان كل كل كل يوم زحمة قسم بالله الواحد قرف يمشي
يااخي قفل كوبري الستين والله بيكون ارقى واحسن فتخيل من مكة لين المطار ولا اشارة ومع هذازحام
اما طريق المدينة والله اذا اندعست قطة بتصير زحمة فكيف بحادث
