تابع مستعمل على
جميع الحقوق محفوظة ©
صح لسانك يابو احمد
فيه شخص ثقيل دم كل ماقابل خويه يدور شيء ينتقده
وكل سوالفه كنها سوالف نسوان ..
مره يقول (نعالك مو ماركه)
ومره (قماش ثوبك صيني)
وآخر مره قاله
(قلمك رخيص مو زي قلمي ال dior)
فكتب له بقلمه [الرخيص] هذي الأبيات:
في جيبي العلوي قلم بأربعه ريال
وأخطّ به مالا يخطّه (ديورك)
هذي علومك،،، كلها عوج وهزال
اسمعني، الله لايجبّر كسورك
فرحان.. تشري ب(ألف وشويه) نعال!
تمشي بك دروب المذله ب شورك
ومفصّل ب (حول الثلاثميه) عقال!
وتحته عقل فارغ سوى من غرورك
يا تافه .. ارخ السمع للي بينقال
وتراه ماهو من دواعي سرورك
اللبس ماعمره ستر عيب رجّال
هذا انت ماتستر خَواك ب قشورك
ومادامك تقيس الأوادم بالأشكال
عندي تساوت غيبتك مع حضورك
رح خاو خاوي مثلك أشبه ب تمثال
يرضي برستيجك ويسعد شعورك
ما اتشرف بمعرفتك ولا انت ف البال
ولا عاد أشوفك عندي ولا بأزورك
مغنيني الله عنك برجالٍ ثقال
مافيهم اللي حب تمثيل دورك
أقلّهم لو شاف تقصير وإهمال
يسد نقصك ما يدوّر قصورك
صح لسانه
اخر بيت في الصميم
هذي النوعيه من البشر تبحث عن اكمال نقصها بنقد الاخرين بزعمه انه بإنتقاص الاخرين يبرز ملامح الكمال التي لم ينتبه اليها الاخرون
بالعاميه يوم شاف محد عطاه وجه على ثوبه الغالي وعقاله وقلمه فلازم ينقص من احد علشان يرد عليه ويقول الله واكبر وانت وش قلمك فهنا تجيه الفرصه لتعبئه الفراغ والنقص الي يعاني منه
الله الله رد قووي وقصيدة كفووووووو
صح لسان قايلهااا ..
ابياات ذهب ..
شرفتوا الموضوع
كلام وابيات جميلة ورائعة
وفعلا عمر الفلوس ما طلعت رجال
الناس يقدرو بطيب واصالة النفوس مو بكثرة الفلوس
في مثل يقول
ما يعيب في الناس الا اللي سرواله مشقوق
قلق بعض الاصحاب والاقارب
صح السانك
كلام في الصميم
صح لسان القائل والناقل
المشكلة انهم اصبحوا موجودين بكثرة
قلق بعض الاصحاب والاقارب
