| جميع الحقوق محفوظة © |

قصيدة عن الاستغفار

قصيدة رائعة عن الاستغفار
الحزن لامنه تمركز بالاضلاع
لا تنزعج وتضيق واستغفر الله
ترا العمر أيامه أفراح وأوجاع
لا تغرك الايام وأستغفر الله
ومن الزمن والحظ أياك ترتاع
خلك قوي الباس واستغفر الله
وابليس لامنه غدا فيك طماع
تعوذ من أبليس واستغفر الله
والنفس لا تشرى ولا هيب تنباع
النفس ماتنسام واستغفر الله
ودرب الهوى راعيه ضايع وملتاع
أياك تمشي فيه واستغفر الله
واللي خطى لاتردلّـه الصاع بالصاع
خلك وسيع الصدرواستغفر الله
بشاشتك للناس سنه بالاجماع
خلك بشوش الوجه واستغفر الله
هذي ثمان أبيات من عرض الابداع
أقراهم بتدقيق واستغفر الله..