قصه واقعية منقوله

بدووون مقدمات هذي قصتي .. اطرحها بين ايديكم فمن اعتبر فلنفسه ومن اعرض سيلقى نفس المصير اللذي انا الأن اعاني منه وذقت بسببه المر والعلقم😭😭😭

بدايتآ انا الأن اكتب لكم وانا فالمستشفى وشااارفت على الجنون يارب إن ترحمني يارب
كان لي بنات عم اربع وعلاقتي فيهم جدا بسيطه وهم ساكنين جنب بيتنا ودااايم امي وابوي يمدحون ويثنون على التوأم نوف وسعاد اللي هم الكبار من بنات عمي مرت الايام وانا اسمع واشوف الكل يميل لهم ويحبهم وانا لم احس بأي اهميه وهالشي خلاني احقد على نوف وسعاد كثييير وصرت احاول اشوه صورتهم بأي طريقه ولكن لااااأحد يلتفت لي كبرنا دخلنا الثنويه سوى فصرت ارى معلماتي يكرمون نوف ويبتسمون لها ويسولفون معها ويصفوني انا وسعاد طبعآ سعاد ماعندها مشكله لانها اختها لكن انا وبتفكيري القبيح الدنيء كنت اراها اكبر مشكله وازداد كرهي لنوف واختها بعد ايام تقدم لخطبتي ولد جارنا وكان ولد مهذب ودين وافق ابوي وتمت الملكه وملكنا وصار يكلمني ويجيب لي هدايا غاليه وصرت اتباهى قدام صديقاتي وحاولت بأسلوب اني اجذبهم حولي أما بنات عمي فكنت ارمي عليهم كلمات مثل السهام بالأخص نوف فيوم جاتني فكره شيطانيه اني احاول استلطف سعاد وامثل لها دور الندمانه حتى اكسبها وفعلآ بدأت انفذ مشروعي الخبيث على سعاد فيوم حصلت مشكله بين سعاد ونوف فرحت فرح شديييد ورحت بدل ماأحلها بينهم قلت لاا هذي فرصتي اثبت نفسي للكل اني طيبه وحبوبه ولكن للأسف قلبي ماكانت فيه مثقال ذره من الطيب كله حقد وخبث وبديت اعبي راس سعاد على نوف لحد ماتمكنت منها وكرهتها بأختها وقتها وصارت سعاد تقعد معي بالساعات بينما اختها تجلس وحدها وكنت لما اشوف نوف حزينه احس بلذه انتصار عجيبه وماكنت اكتفي بهالشي لا كنت ادس السم فالعسل كنت امسك زميلاتي واتضاهر قدامهم اني حانه على نوف لكن هي اللي تكرهني وماتبي تجلس معي وانها تحرض الكل فالعايله علي ودموعي على خدي عشان استعطفهم فكانو ينظرون لها باشمئزاز الكل اصبح يكرهها ويستنفر منها
وانا طايره فوق السحاب من الفرحه على الحال اللي هي فيه فالمدرسه
أما فالبيت كان كل شغلي الشاغل كيف اخلي الكل يفقد الثقه فيها بديت اشتغل على الصامت وانشر كلام على اسانها بين العيله من تحت لتحت ونجحت خطتي وصارت نوف بنظر كل العايله نوف الكاذبه المنافقه الحسود .. كل هذا يصير وانا في اشد فرحه للانتصار اللي انجزته على هالانسانه
بديت أحكي لزوج المستقبل قصص كذب وافتراء على بنت عمي نوف حتى صار يقول لي اقسم بالله مااعرفها بس من كلامك احسها كرييهه ومقيته هالنوف الله يعين اهلها عليها ..صارت مثل العلكه بفمي لاازم احش فيها او اذكرها بسوء سويت منها فااكهه لكل مجلس اجلس فيه وكل هذا طبعآ بشويه فصاحه لسان ودموع تماسيح من عيوني البريئه أمام الكل
بديت أتململ فقلت لااازم اسويلها شي بعمرها ماتنساه جعلت منها عدوتي اللدوده وكل هذا وهي ماتدري اني السبب ورى مشاكلها هي كانت تلمحلي بس كنت انكر وبشويه دموع اطلع منها زي الشعره من العجين وتبقى هي مثيره المشاكل وانا البريئه المهم ذاك اليوم اجتمعت مع اهلها وقمت بشطارتي جمعت خواتها على اساس عندي سر وبديت اتكلم عن ولد جيرانا اللي ملك علي وهم مبسوطين وكنت انتضر دخلت نوف ع احر من الجمر لمى دخلت سكت على طول وهي حست اني ماابغاها تقعد معنا لان عندي اسرار وخواتها كانو جدا ساذجات ويطاوعوني فيها فبدو يتململون منها ويرمون عليها كلمات عشان تزعل وتطلع واكمل لهم باقي اسراري وصرت فعلا اجيهم فالاسبوع كم مره واجلس اكذب عليهم واصطنع الاهميه للسر اللي بقوله لهم حتى كسبتهم
وبديت انفرهم من نوف وافقدها هيبتها واحترام خواتها لها وهي لاااحول ولاقوه تشوف كل شي لكن ساكته ماتنطق بكلمه ولاتدافع عن نفسها بعدها بايام
حصل بيني وبين زوج المستقبل شويه خصام ولا حسيت به الا يطلق بالثلاث على سبب تااافه وراح جاب ورقتي ورماها ع الباب انا انهرت صحيح ولكن كانت صدمتي وانهياري الاكبر لمى سمعت انه تقدم لنوف وهي واهلها وافقو وتم الزواج بسرعه
غير متوقعه حسيت رجولي ماتشيلني كيف يتزوجها وانا شوهت صورتها بعيونه لكن للاسف الرجال يضهرون عكس مايبطنون وكان يسأل عنها من وراي واتضح له إني كاذبه في كل كلمه قلتها في نوف لكن ظل ساكت وماحب يجرحني
ازداد كرهي لنوف وصرت اقول لسعاد وخواتها ترى جاني خبر ان نوف تغار على زوجها منك ومن خواتك وفعلا شبت بينهم المشاكل وانا اتفرج واظحك
وفي يوم كنت مجبوره ادخل مسجد السوق دخلت وسمعت محاضره عن الموت وعن حرمه اذيه المسلم
بديت افكر وافكر انا شقدمت لنفسي لو مت فجأه وش اللي بيدخلني الجنه اول مادا فبالي نوف قلت لازم اصلح علاقتي معها بس مو لازم اعتذر على طول بطقها سوالف وظحك معها وفعلآ رحت بيتهم وصرت اسولف معها وهي في نفسها ادري مستغربه من الوجه الثاني اللي فجأه طلع لها ولكنها كانت تتحاشاني تخاف اني اوقعها فالمشاكل كالعاده واطلع منها برييييئه وهي الضالمه
قعدت على هالموال اسبوع ادق عليها واسولف واروح بيتها هي كانت ترحب بي وتبتسم وتتكلم معي بحذر لكن انا عارفه انه في شي بخاطرها علي لكن كنت اتجاهل واقول الايام كفيله انها تنسيها
وتناسيت ان الكلمه الجارحه مثل المسمار فالخشب حتى وانا ازلنا المسمار يبقى مكانه متأثر
مرت الايام وسمعت بخبر صاعق نوف ماتت وهي ماسكه المصحف
بكيت كثير لاني بديت افهمها ولاني شفت فيها شخصيه رائعه الحقد والحسد كان طامس عيوني عنها وبعد 4 ايام من دفنها حلمت فيها لابسه فستان اخضر وكانت تبتسم ولما شافتني شاحت ببصرها عني وقالت هذي هي اللي اذتني يارب انت الحكم بينا ورددتها صحيت من نومي مثل المجنونه ودقيت على المفسر ناصر السنه وقعد يبكي حتى بكيت انا وعلمته باللي سويته فيها ولكن تجاهلت الاعتذار منها ولاكنت اعترف باي شي هي تقوله لاني كنت اغتنم طيبه قلبها وتلعثمها بالكلام واقول للي حولي هي لو صادقه ماتلعثمت اخخ اخخ احس والله اني ندمت عدد شعر راسي قلي الشيخ كان الاولى ان تعتذرين منها لكن فات الفوت روحي لأهلها واعترفي بكل افعالك ضد المرحومه لعلها تصفح عنك وفعلا رحت بيت عمي واعترفت بكل شي قامو سعاد وخواتها ظربوني وشتموني وطردوني من بيتهم ورحت لامي وابوي واعترفت لهم بظلمي لهالانسانه وسامحوني وبعدها بيومين حلمت في نوف واقف تناظرني بزعل وانا اصرخ واقولها سامحيني قولي انك سامحتيني قالت فات وقت الاعتذار انا الان اطلبك حسناتك وحسيت بلفحات حااره من خلفي وسمعت صوت عظيم من خلفي يقول الظلم ظلمات يوم القيامه الظلم ظلمات يوم القيامه شهقت شهقه ولاحسيت بنفسي الا بالمستشفى وصحيت وامي تقرا قران على راسي وتقول انها كانت تبي تصحيني وانا اصرخ لحد ماشهقت واغمى علي وجابوني المستشفى والله اكتب ودموعي على خدي انا دمرت نفسي بكبريائي وغروري وقلبي الاسود استكثرت الاعتذار في حق هالانسانه وشوفو عزة نفسي وين ودتني اطلبكم واستحلفكم بالله ان لاتظلمون احد واللي ظلمتوهم ولو مثقال ذره روحو اعتذرو منهم الان قبل يفوت الفوت ترى حتى وان ظحكو لكم ورحبو فيكم ببيوتهم فقلوبهم يبقى حزن وغصه من اللي سويتوه في حقهم والله ماذكرت قصتي إلا عشان تداركون انفسكم فمن زحزح عن النار فقد فاز فوزآ عضيما والله الدنيا ماتستاهل تحقدون وتتكبرون
الله يخليكم خلو قصتي تنتقل في قروباتكم .... الله يخليكم لاتوقف وادعوا لي بالجنه والله اني صرت في هم مايعلمه الا الله سبحانه
( منقوول )