قصـاصين الأثـر وفراستهم مع الجرائم ؟؟

سبحان الله

بس قصاص الاثر انسان ماهو دايم يصيب ممكن يغلط في بعض الاحيان ومايقدر يكتشف الجريمة

هذولا يستعينون بالقرين
يعني يستخدمون الجن

نعم نعم

وحتى سمعت انه لو يمشي احد بسيراميك يدري هذا المري انه ذكر

ويعرف اذا هو درس بأمريكا ولا بكندا وحتى بعضهم يعرف المعجون اللي استخدمه

قبل خروجه هل هو سنسوداين ولا بايسن

اللي يعرفون هذي ماهمهم الخطى ولا شيء هذيك تسمى فراسه

أما اللي تقولون هذي لها علاقة بالقرين والجان

يعني القرين اللي معه مو مضبوط ويعلمه بأشياء ما شافها او بعيده عنه ويخطي أحيانا

يعني مره كنت مع ولد جيرانا فيه أشياء غير طبيعية تصنيف و تداخل افكار يعني وضعه

مو طبيعي المهم دايم يقول اني اقدر و أقدر

وأنا دايم اطقها بوجه أقول ياالله ما عندك الا الخراط ومكثر من بوكيمون وتأثرت

المهم تحداني وجلسنا بالبرحه

واسكت مدة خمس دقايق ثم والله العظيم وصف البيت من الداخل وصف غير دقيق مره

ثم قلت اكثر ثم وصف لي أمي !!! ثم بديت اتصبب عرق قلت اكثر

أنا بغرفتي وش البس إذا قفلت الباب قميص ولا سروال وفنيلة و الكلب الله يكفينا شره

قالي تلبس فقط ..... بدون !!!

وانهبلت المهم اني ترجيته كيف تعرف كيف قعدت يمكن ساعة او ساعتين وما تركته

قالي إذا تبين ما عرف عنك شيء إقرأ المعوذات ثلاث مرات وأية الكرسي و بسم الله الذي لا يضر مع اسمه .... وأعوذ بكلمات الله التامات ....

كلها على ثلاث مرات

والوقت عن ظهور النور صباحا وعند غياب الشمس مساء

وبكذا يتشفر البث اللي يجي منك يعني ينقطع البث

فترى الدعوى كلها قرين وجان

ههههه متبوتق لاتتحدي الجن مره ثانيه

أعوذ بالله من الشيطان الرجيم

أنا تحديت الجحلوط السلتوح البزر ولد جيراننا فقط

أما اللي تقول عنهم بسلامتهم الله يوفقهم ويرزقهم بشعبان وطلاح تحبها قلوبهم

ياربي يسلمهم وأعوذ بالله منهم تذكرت قش الشغالة اللي بالحوش وهي تمحضه !!!!

طيب انا سمعت ناس مشايخ يساعدون الناس بفك السحر مالهم بالسحر لكن عندهم اخويا اسلمو على يدينهم ويساعدونهم لوجه الله بعد ما اسلمو؟!!
يسمونه مخاوي
وين فراسه
معنى الفراسه شي اكبر من كذا مو واحد مخاوي يعرف عنك حاجات المفروض ما يعرفها يعرفونها من خلال قرينك
بفراستهم ذي يخربون بيوت يلعن ابوها من فراسه الله جعل بيننا وبين الجن حجاب وهؤلاء تعدو على حدود الله
اذا الله ستر الانسان ويقوم المخاوي بفراسته باخذ امور لا يعلم احد عنها من البشر من خلال قرين الشخص المعني فهم متعدين على حق البشريه يا اخي هذولا لازم يوضع لهم حد
يعني يعرف كل شي من اثرك وش تفسرها انت

سبحان الله

من البيئه الصحراويه استمدو ابناء الباديه قص الاثر ولا تتدخل فيه سحر ولا غيره وهي فراسه يملكها الرجل الذكي مثلا الصقاريين في كل الخليج يعرفون اثر طائر الحبارى اذا كان في الليل او الفجر او بعد طلوع الشمس ومن اثرها يعرفون حجمها
اغلب اهل الابل يملكون قص الاثر من جميع القبائل خاصة المواقع الرمليه لوضوح الاثر

تقفي الاثر هو فراسه وذكاء وموهبه من الله سبحانه وتعالى
بالاضافة انه علم له قواعد
نذكر قصة الرسول صلى الله عليه وسلم عندما كان وابو بكر الصديق في الغار فاقتفى اثرهم كفار قريش والله سبحانه وتعالى نصرهم وانتهى اثرهم عند الغار والقصه بعدها معروفه

مين قال سحر ليس سحر تقفي الاثر موجود والدليل كفار قريش لما تعقبوا الرسول صلي الله عليه وسلم وصاحبه الصديق رضي الله عنه كما سبقنا اخي النورس 2006

جزاكم الله خير

وشاكر مروركم واضافتكم الكريمة

كل عام وانت بألف خير اخوي حزين الرياض واسأل الله ان يتقبل منا ومنكم الصيام والقيام . .