جميع الحقوق محفوظة ©
السلام عليكم
انا بفضل الله اموري وعقدت والحمد لله باقي نحدد موعد للزواج
اول شي ليش انا اخذت زوجة مو سعودية
بسبب حالتي رفضتني كل سعودية تقريبا او اهاليهم يرفضوني
عشان اني معاق
اول شي وبعد الخطوبة
دورت في النت ولقيت الطلابات والشروط وكانت اظن انها صعبة علي
لدرجة اني ابحث واروح واجي وانا لسا مابديت في الاجرات بس اساله
قررت يوم اكتب الي لازم اسوية
وبلفعل كتبت وش الخطوات والاروارق المطلوبة مني ومن خطيبتي
رحت اول شي وزارة الداخلية قالو لي لا روح الامارة
ورحت الامارة قالو الحين مقفلين طلبات الزواج
واكلم واحد قال رح لوزارة الداخلية علي طول
واروح واقم اورقاي واورق خطيبتي وقبلوها وجلست حول اسبوعين
وراجعتهم قالو تقاريرك قديمة نبي مسهد من التاهيل المهني
واجيب لهم مشهد
وانتظرت 10 ايام الا هي راحت للامارة
ورحت للامارة بعد مارحت لهم با10 ايام
وقالو ماوصل عندنا شي
وارجعهم بعد اسبوع
قال لي الموظف وصلت بس لسا مافرزتها
رديت عليه قلت معاملتي ابي تخلصونها اليوم ولا بطلع لمديرك
قال رح سو الي تبي
واروح عند مساعد المدير وكان شخص محترم جدا واتصل علئ الموظف ذا وقال الان تخلصة
واروح عند ذاك الموظف الا هو جالس يدور قلت ادور معك قال لا وصورته وهو يدور
المهم خلصت معاملتي من عندة ويوديها لمديرة ووقعها ونزلت بسرعه للصادر
وخلصت من الامارة
واروح بعد اسبوع للمحكمة
عشان اراجع
وصلت المعاملة للمحكمة بس اعطوني خطاب فحص لي ولخطيبتي
وكان الي مكتوب في الخطاب يخوف
بسبب قرار مجلس الوزراء رقم 156 في تاريخ14/9/1418 ان الي بيتزوج غير سعودي او واخد بيتزوج غير سعودية لازم تكون خالية من الامراض
تماما ولاتكون حاملة لااي مرض
حتي لو انت راضي مايزوجنك لازم تكون سليمة
رحنا فحصنا في الشميسي وبعدها قالو روحو افحصو عن مرض الدرن في مستشفئ صحارئ
والحمد لله بعد اسبوعين من القلق طلعت النتايج سليمة
رحت المحكمة امس وعقدت والحمد لله
هاذي قصتي بتختصار
امورك سهله يعني الزوجه الاجنبيه هنا او من مواليد المملكه سهله
الله لايوريك لو كانت خارج المملكه كان تشوف التعقيد هنا وهناك قمة المصخره
على البركة واسأل الله لك التوفيق
الله يوفقك ويبارك لكم
اسال الله عز وجل في هذه الايام المباركه ان يرزقك الحياة السعيده والذرية الصالحه وان يعوضك الله صبرك بزوجة صالحه وابناء يبرونك
اهلا
على البركة و الله يتمم على خير
اللهم بارك لهما وعليهما وجمع بينهما بخير
ورزقهم الذريه الطيبه انك سمع الدعاء
الف مبروك
امر اصدار الزواج سهل لأنك حالة استثنائية ولكن للشخص السليم للأسف معقدة
اذكر عقد نكاحي لونه كحلي . مدري اذا غيروه الحين
لا تنسي تسوي تصديق له بالأحوال . تراه مهم وحاول تحتفظ بنسخة من موافقة الزواج
متقبلا تحتاجه في اضافة الأبناء ( عانيت الأمرين في كل مرة اسجل مولود جديد )
بالتوفيق ومبروك مقدما
بنت البلد مافي افضل منها نصيحة من اخوك عشان ماتندم بعدين
الف مبروك ولا يهمونك اللى يقولون تندم شوف من اسمائهم
جزاكم الله خير
بس يااخوي
حزين الرياض
وش بندم عليه
بنت قبلت بوضعي وبضروفي وقبلت فيني لشخصي مو عطف او طمع او تدور شي هاذي احطها علئ راسي
ولو تعرف الطلبات الي حطها في العقد لاتعرف اني مابتندم ابد
اما بنات البلد محد قبل فيني
والحين لو ينعرض علي بنات المملكة كلها ماوافقت
كل شيء قسمة ونصيب
والقناعة كنز لايفنى
جعلك الله قرة عين لها
وجعلها قرة عين لك
الف مبروك
ألف مبروك والله يتمم امورك على خير
لا تنسى تعزمنا (:
بارك الله لكما وبارك عليكما وجمع بينكما في خير
امين يارب
ابكتني قصتك لاكن في النهاية الفرح اغمرني اتمنى لك سعادة طويلة
الله يسعدك يارب
ابشرك الحين دخلت دوامة جديدة عشان اضفتها لكرت العائلة
المعاق في اي دولة يقدر يتزوج ويلاقي بنت تاخذه
الا هنا يفحط ومحد يقبله
ماشالله عليك معاق وعندك همة عزيمة ماهي موجودة في الهيوس اللي متبطحين في بيوتهم
حتى الاكل يبون من يزغطهم له اياه في شدوقهم
بارك الله لك وبارك عليك وجمع بينكما في خير .
بارك لله لكما وبارك عليكما وجمع بينكما على خير
الله يجزاكم خير يارب
