| جميع الحقوق محفوظة © |

قريبا .. تطبيق نظام اغلاق المحلات الساعه 9 بدل 12

يقال والعهده على الراوي

انهم بيطبقون نظام اغلاق جميع المحلات التجاريه والاسواق الساعه 9 بدلا من الساعه 12

باستثاء بعض الهايبرات اي البقالات الكبار والصيدليات والمحطات المرخص لها فقط

هل انت مع او ضد تطبيق القرار وماهي الايجابيات والسلبيات لذالك ؟

الردود (36)
الكل: 36
21 36
21.
22:36:07 2014.03.15 [مكة]
المشكلة في الصيف والحر الشديد الناس تقضي لزومها في المساء وصلاة العشاء تكون وقتهاحوالي الساعة 8 ونصف حسب توقت الرياض كذلك يصادف عطلة المدارس , اعتقد في هذا القرار الناس راح تسافر خارج البلد خاصة في عطلة الصيف للتسوق في المولات الضخمة والتنزة في المطاعم وملاههي الاطفال وقضا حاجاتهم , و تستفيد تلك الدول من سياحتهم والزيادة في دخلها , ويكون لها تاثير على السياحة الداخلية , هذا النضام يطبق في البلاد الاوربية وهم يفضلون الخروج والتسوق في النهار وعطلة نهاية الاسبوع والسبب يرجع الى برودة الاجوأ عندهم وكثرة الامطار طول السنة , بعكس بلادنا , الناس تفضل المساء في الخروج وتستقر في منازلها في النهار من لهيب الصيف الحار ,,, والله المستعان
22.
23:23:52 2014.03.15 [مكة]
طيب ورمضان النشاط ليلي لأغلب المسلمين
23.
23:31:40 2014.03.15 [مكة]
راح اعمل دراسة مضار القرار وطرق تجنب مضاره وحلوله مع ابقاء الساعة التاسعة لو حب الوزير يكلمني الخاص موجود
24.
عضو قديم رقم 194440
23:39:57 2014.03.15 [مكة]
23. بقلم: مفجر9 لا تستقبل رسائل خاصه من الوزير , خله يكلمك على العام عشان الكل يستفيد :)
25.
23:40:56 2014.03.15 [مكة]
على فكره ترى القرار من الداخليه واعتقد ان الهدف الاساسي منه ضبط الامن وتمكين المراءه من العمل في جو شبه امن يعني بعد تسعه بتبدا التفتيشات
26.
عضو قديم رقم 194440
00:50:46 2014.03.16 [مكة]
أخر رد رقم (25) بقلم: massiri77 يا غالي الامن عندنا 0% , واللي تشوفه من امن ترا ماهو من الدوله هذا بقايا ( اخلاق المواطنين ) , ابشرك السرقات اكثرها تحصل في وضح النهار الامن عندنا يجتهد في حاله وحده بس ( القتل ) لان عارفين لو بماطلون في هذه القضيه بتصير البلد قاتل ومقتول وبيوصل القتل حتى للدوله اما ( المضاربات , السرقات , ووالخ ) هذي ما يعطوها اهتمام وبقولك حاجه وبتذكر كلامي اذا ما سووا اصلاحات , والله الجرايم بتزيد اكثر , لو يسكرون المحلات الساعه 6 مو 9 وثق تماما ان هالنظام وغيره مطلعينه لمصالح شخصيه كـ ( احتكار المبيعات والارباح للشركات الكبرى مثل بنده ) وانت تعرف من صاحبها , وما عليك من الاسماء اللي في الواجهه عليك من الصاحب الاصلي او الشريك بنسبة 50% ( بالاسم ) فقط وليس بالمال انا انسرقت سيراتي وشقتي اكثر من مره , واذا رحت قسم الشرطه ياخي كل العساكر يسلكون لك فقط يفتحون لك ملف وهو العسكري يضحك وكانه يقولك ( هذا وجهي اذا رجع لك حقك ) من كثر الجرائم بطاله + فقر + عنوسه + زنا + فساد اداري + ميزانيات تذهب لجيوبهم + ميزانيات تذهب للخارج وووووالخ بلد مثلنا المفروض بثرواته تقل فيه نسبة الجريمه لكن ماحنا شايفين من هالثروات شي , لا امن وامان ولا معيشه كريمه احنا الشعب الوحيد اللي ما ذاق نعمة البترول , محسودين على شي مو محصلين ثمرته والقهر لو جاك مقيم وشاف حالتك الصعبه وسالك ( انت سعودي ) المسكين ما يدري انه افضل منا
27.
عضو قديم رقم 344943
01:22:59 2014.03.16 [مكة]
طيب نحسبها صح يا صاحب القرار"أتوقع احد أعضاء مجلس الشورى الموقرين" : -موظفي القطاع الخاص ما يطلعون من الدوام قبل 4:30 العصر .. - مع زحمة السير توصل البيت 5:30 تتغدى وتصلي المغرب 6:30 - تريح لك ساعة عالاقل بعد ماتروح طاقتك بالدوام تكون الساعة عندها 7:30 - تصلي العشا وعندها تكون الساعة 8:00 م - تطلع تحاول تخلص لك شغلة او مشتريات واحسب زحمة السير ساعة ، عندها تكون الساعة 9:00 !!!😳 وشلون يعني توصل وتلاقيهم مقفلين مثلا ..!!!!!!!! طبعا صاحب القرار مخدوم ببيته من الصباح كل شي يوصل لحد عنده بالبيت ولا يدري أصلا عن معاناة الموظف من الطبقة الكادحة .. لذلك ضضضضضضضد القرار وبشششششده
28.
03:30:30 2014.03.17 [مكة]
اشكر كل من تفاعل مع موضوعي ومانقول غير الله يعين على القرارات المتخبطه
29.
عضو قديم رقم 359790
03:33:36 2014.03.17 [مكة]
يا زين رمضاان مايقفلو الا الفجر واللي بعد الفجر للفاطرين .. (:
30.
11:18:04 2014.03.17 [مكة]
ردرقم 26 حسستني انك فقير ومو لاقي تاكل يا اخي رب العالمين يقول في كتابه العزيز (واما بنعمة ربك فحدث ) تقول مافي امن اقولك والله الامن اللي انت عايش فيه العالم تدور عليه ودول كثيرة حاسدينك عليه يا اخي احمد ربك متى ما تبغى تصلي تصلي محد يمنعك ما عندك تفجيرات في البلد زي الدول الاخرى والحمدلله اتحداك يوم نمت وانت جيعان عندك انترنت عند احدث الجوالات الذكية عندك حكومة تحاول بشتى الطرق انها توقف مع المواطن لله في خلقه شؤوون
31.
عضو قديم رقم 194440
11:33:52 2014.03.17 [مكة]
30. بقلم: النهدي11 اقول : مباحث يالحبيب ؟ قول الحكومه هي اللي رزقتنا بعد ؟ ترا عادي تسوونها يالمباحث , ثاني شي المملكه اخذت المرتبه 6 عالميا في انحدار مستوى الامن بسبب التفجيرات واذا ما عمرك انسرقت او انقتل عليك قريب او اعتدي عليك , لا تجي تتبجح وتمدح في حكومتك قال ايش امن وبعدها يقلب على النت و جوالات ذكيه شدخل الامن في الانترنت والاجهزه الذكيه ؟ ثاني شي انت تعلم بالغيب يوم تقول اني انام شبعان ؟ ياما مرت علي ايام نمت على الجوع , ومو كل من دخل الانترنت صار غني , الشبكه عليها عشر اشتراكات والدفع 20 ريال واكثر السعوديين كذا اذا تشوف نفسك مرتاح لا تظلم الشعب كله وتقول مرتاح 70% من الشعب ساكن اجار نسبة الرواتب متدنيه ارتفاع مستوى الجريمه ( كثروا الاباء اللي يسرقون حليب من الصيدليات لعيالهم ) لا تطالع نفسك وطالع غيرك , واذا انت مرتاح على قولك وتنام مرتاح فكر في جارك و في هالشعب المسكين ميزانية السعوديه يالحبيب قادره على صخ مليونين ريال في حساب كل سعودي ( كل شهر ) مو كل سنه كل ( شهر ) يعني راتبك ابو خمسه الاف هذا المفروض تتصدق به على البلدان الاخرى مو تطلع الملاايين للبلدان الاخرى ويعطونك الخمسة الاف اذا ما تعرف في السياسه لا تتكلم بعنجهيه وتسوي فيها ابو العريف
32.
11:55:13 2014.03.17 [مكة]
معا و بقووووووة
33.
02:30:09 2014.03.18 [مكة]
مع القرار خلوووو الناس تنام البياع يبي يرتاح مع عياله وزوجته بدري يطلع وعياله نيام ويرجع وعاليه نيام ... حرام والله قرارررر ممتازززز
34.
عضو قديم رقم 213166
18:32:26 2014.03.18 [مكة]
لاتطلعون من الموضوع مع أوضد. فقط اما أنا : مع وشكرا
35.
عضو قديم رقم 213166
18:36:09 2014.03.18 [مكة]
وللمعلوميه فيه دول متقدمه طبقت هذا النظام من عشرات السنين. مثل سنغافوره بعد الساعه 9. البلد خاويه على عروشها. ولاكن قبل ان تطلع الشمس وجميع المحلات 100%. شغاله.
36.
23:53:23 2014.03.18 [مكة]
قالوها الاخوان المشاركين قبلي القرار خدمه للهوامير ومحاوله للقضاء على صغار المشتثمرين والاخطر ان فيه تآكل للطبقه المتوسطه من المواطنيين هذا هو مسلسل تكريس الرأس ماليه كما حدث سابقا بمسألة سعودة المؤسسات وتصحيح اوضاع العماله الوافده والمسلسل لن يتوقف ولكن ما أردت ان انوه له هو كلمة الحق التي يراد بها باطل وهي : اوربا يقفلون من الساعه 7 وامريكا كذلك والدوله الفلانيه جميع هذه الدول بلدان بارده لو بقيت المحلات بعد هذا الوقت يكون خساره عليها حيث لن يأتيها زبائن أما بلدنا فذات جو معتدل وحار والوقت المثالي للجو هو المساء
أضف رداً
نقاشات مشابهة