قررت اتوقف عن التدخين - مين يشاركني التجربة

حياكم حبايب قلبي . التدخين اصبح من الماضي ومع اني استخدمت العلاج أسبوعين فقط . صحيح تكثر الاحلام ولم الاحظ اثار اخرى ولله الحمد

لانفع للشيشه حسب اعتقادي والله اعلم لكنه مناسب جدا للمدخنين

61
البكت يكفي لاسبوعين طبعا اول ثلاثة ايام بالنهار نص حبه وباقي الايام نهار وليل حتى انقضاء الاسبوعين .

لكن في الاسبوع الاول هل توقفت نهائيا عن التدخين ام قللت التدخين ..
الشئ الاهم ..
بعد ما خلصت الاسبوعين يعني انتهى العلاج الاول او الكورس الاول هل عادت لك مشاعر التدخين وحنين العوده .. له

انا استخدمه الان منذ ثلاثة ايام لكن لم اشعر الا بالصداع اسفل الراس من الخلف لكن العلاج يبعدك عن كل زقاره واخرى ربما فتره اطول واليوم الثاني تزيد المده وهكذا ..

الله يقويك واهم مافي موضعك ترك الدخان , العزيمة ثم العزيمة ثم الا صرار بعدم العودة هو مربط الفرس , والمثل يقول العزيمة والاصرار تهد الجبال اذا رغبت فكيف لو كان دخان , والله المستعان ,

انا توقفت ولله الحمد والطريقه هو قرائة مواضيع اضرار التدخين من ضمن محتوياته
مبيد للحشرات ومواد كيميائيه خطيره

64
يا رجال غيروا الصوره على البكت وكذلك لا فائده فالمدمن يرى انه يشاهد منظر طبيعي خلاب

تجربتي في ترك التدخين فشلت فيها

عندما قمت بتركه فجاه بعد مرور 24 ساعه انظر ماذا حصل لي

مااسمع زين راسي احسه ثقيل
احس اني مرتفع فووق اشوف الناس الي جنبي ولا شي
عصبي ايه اهاوش
وتهاوشت مع ابي واخواني وقلت يالربع انا مبطل دخان خلكم حولي
قالوا ازعجتنا تهاوشنا وتضربنا فكنا شرك ارجع للدخان
وفعلا ذهبت واشتري بكت وبعد اول زقاره رجع مخي مكانه
يعني قبل وهو مرتفع يمكن اتسبب في جريمة قتل شخص دون شعور
انا ادخن باليوم 40 زقاره
ومادري حسيت اني احشش ما ادخن
واسف ع الاطاله

مايحتاج علاجات اهم شي ابعد عن اصدقائك المدخنين شهرين او ثلاثه بعدين تكره الدخان بس الثلاثه شهور تبي تصير عصبي عشان كذا انقطع عن الكل مجربه

شامبكس ناجحة جدا والعلاجات المساعدة شي ضروريمن واقع تجربة اهم شي استخدام الكورس كامل 3 اشهر اصلا اسبوعين وراح تبطل ان شاء الله بدون اي اعراض جانبيه

للرفع وتذكير من فاته تجربة ترك الدخان ...

الموضوع ابسط مماتخيلون

مجرد دواء + عزيمه + ضبط النفس بالاتكال على الله والتضرع له سبحانه

محد مشاركك

أنا أشاركك برفع الموضوع والدعاء لأخواني المسلمين

والله ياجماعة ان المدخن يمر بالسيب وتظل رائحة الدخان النتتنة في المكان

الله يوفقك يارب وكل مسلم ومسلمة ابتلو بالتدخين

جزاك الله خير

الاراده ، تصنع المستحيل ، !!
الاراده ، منتهى القوه ، قرار شُجاع جداً
/ اهنيك !👌

بالتوفيق للجميع
بفضل من الله ثم استخدام الشامبكس توقفت عن التدخين من 6 شهور وعقبال السنه الاولى وجميع سنين العمر ان شاء الله بدون تدخين .. تحياتي

انا استخدمت اول كورس شريط واحد اسبوعين وتوقفت عشرين يوم ورجعت
هل يلزم اكمل الثلاثة شهور

اولاً اسأل الله التوفيق لي ولجميع المسلمين بترك هذا الدخان وان يكفينا شره ويعطينا خيره ،،،
والحقيقه ان خيره كله وهم ولو انه يوجد القليل من الفائده فيه والله اعلم

راح اشارككم تجربتي اللي اعتقد انها فريده من نوعها لأني جاست سنتين وانا احاول ابطل وبمساعدات خارجيه وداخليه و و و ،،، لكن لم افلح الا عندما اتبعت طريقاً واحداً صحيحاً

طبعاً بطلت الدخان خلال ذالسنتين ، وكانت تبطيله غير مكتمله ،،، دايماً يشوبها شوائب واسمحوالي اوضح لكم السبب ليش انها غير مكتمله ،،،
احيان ابطل التدخين ، وانجح من ناحيه وافشل من ناحيه اخرى ،،، يعن لابد ان نقيم الوضع اولاً قبل التبطيل ونعرف الى اي مدى تمكن فينا الدخان

فيه ناس تمكن الدخان من بدنهم بس ، وهذول في اعتقادي انهم باذن الله سالمين ،،، لان الجسم يحتاج نيكوتين ، فالشخص فقط يريد نيكوتين اكثر لاغير ،،،
التبطيل مع ذالنوع التخطيط له بسيط فهو مجرد انسحاب تدريجي وتحكم وظبط النفس ... تماماً كالاكل او اي شهوه اخرى يريدها الجسم ،،، ولكن من الظروري ان تضع خطه تدرس نفسك فيها وتحاو ما تصير الطريقه آليه اكثر من انها استجابه لرودة فعل،،،

القسم الاخر هو من تمكن التدخين من تفكيره ،،، هذا تلقاه اذا واجه ظغوطات ذهنيه يقوم يدخن ،،، مثل مثلاً مذاكره او عمل او او او

هذا يتبع نفس الطريقه اللي قبل ولكن يلزمه يوافق وينظم بين الاحتياج الجسدي والذهني ... هنا ورطه شوي

الورطه صدق اذا تمكن التدخين من جسمك وتفكيرك ومشاعرك ،،، المشاعر يعني اذا زعل الشخص قام ودخن اذا فرح دخن اذا شبع دخن ماصارت ؟؟؟
السبب الحقيقي من رأيي من ان التدخين يتمكن من المشاعر هو ان الشخص يبغى يقنع نفسه انه (يستطيع) فعل شي ،،، يعني اذا شبع يروح يدخن ولا يعوره صدره ،،، ويحس المدخن ان الجسم والله مليان ويقدر يواجه التدخين بينما الحقيقه مره جداً الا وهي ان معظم الدم يكون في منطقة الامعاء والمعده عشان يهظم ،،، ولهذا السبب ما يحس المدخن بالدخان في صدره بينما الصدر ينحرق اكثر واكثر عشان ما فيه دم،،،
هنا التبطيل يكون اصعب واصعب واصعب لان المدخن يواجه ثلاث محاور تدفعه للتدخين ،،،

ولكن الله عز وجل قال (إن مع العسر يسراً)

عاد انت هل راح تلتفت يمين وتطالع اليسر ولا بتطالع يسار وتبحلق في العسر ... مع العسر فيه يسر

انا تمكن فيني التدخين من ذالثلاث محاور ،،، وما كنت ادرك ذالشي الا يوم بطلت ...
المهم كنت ابطل التدخين جسدياً ،،، تلقاني خلاص ما ابغى دخان ،،، بس اذا زعلت تلاقيني ادور الدخان...
واحيان ابطل الدخان عاطفياً وجسدياً
لكن ذهنياً لا ... اذا جيت ابغى اذاكر مثلاً او اشتغل تلاقيني ابغى دخان ...

المهم اني تلعوزت مع ذالثلاث جوانب

لين اهتديت للحل النهائي اللي وخرهم كلهم
الا وهو شهر رمضان الكريم ،،،
طبعاً بالتوكل على الله عز وجل وعقد النيه الصالحه واقناع النفس ان الدخان هذا هو شيء دخيل وقتي ولابد ان يكون له نهايه ...

جا رمضان وانا كل يوم اقول هذا اخر بكت
الييين جت ليلة واحد السحور وسبحان الله الساعه ثنعش الليل خلص البكت على دخلة الساعه وحده الليل رمضان المبارك ،،، قلت في نفسي يا سلام هذي فاتحة خير ... واتوكل على الله واصلي ركعتين شكر لله اني عشت لرمضان اخر ... وادعي الله الخير
وخلص رمضان بفضل الله ما طلب جسمي ولا ذهني ولا تفكيري نفخه واحده ...
وهذي تجربتي اسأل الله لي ولسائر المسلمين الهداية والتوفيق والصلاح ...

سبحان الله للرفع لمن فاتته التجربة . ولله الحمد الان لي سنة لم ولن ادخن .

لايفوتكم شباب الدواء اسمه شامبكس 178 ريال نصيحه التجربة ماراح تضر

شامبكس غني عن التعريف فهو فعال بشكل مذهل حقيقة.

انا

أقولك
ولكل مدخن

أجزم
وأعظزم على ترك التدخين مطلقا
استعن بالله وأسأل ربك العون والتوفقيق

ستتغير حياتك اخلاقك صحتك وهي الأهم

ستجد الفرق الشاسع في صحتك وفي حياتك الزوجية
والجنسية خاصة .



الله يوفقط
وكل من أراد الاقلاع


.