السلام عليكم ورحمة الله وبركاته
قبل يومين , رحت ادارة الاحوال المدنيه بالاحساء ..
قابلت موظف الاستعلامات , موظف حقير , يصرخ على الناس , ويتكلم وكانه تشحذ منه , وانا الامر الناهي
المهم جا دوري , و قالي اوراقك ناقصه , مشيت وانا فاتح قوقل بعنوان ( ايميل الشكاوى لادارة الاحوال المدنيه )
تطلع لي ايميل لوكيل وزارة الداخليه لشؤون الاحوال المدنيه
ارسلت له الرساله وشرحت له حقارة هذا الموظف
والحمدلله ساعتين فقط وجاني رد ( اكتب لنا بياناتك ) ..
ارسلت له اسمي ورقمي ..
اليوم رحت الاحوال المدنيه عشان اقدم الطلب من جديد
> الموظف يخدم المراجعين وهو ( واقف ) بدل ما كان جالس , ويتكلم بهدوء
هههههه انا اراقبه من بعيد , ووده انه يرجع زي قبل ويهايط بس احس انه مربوط ..
المهم يا اخوان هذا الموضوع ماهو للتشفي من الموظف فقط ,
الهدف من الموضوع ان لا تكون سلبياً وتترك الفساد , الفساد بيرجع لك اذا انت ما تحركت
( اذا اردت ان تصلح مجتمعاً فابدأ بنفسك )
فعلاً لو كل واحد منا قدم شكوى على الموظف الغير مهني راح تكون في نتائج واضحة ولكن بعضنا للأسف يالله يالله يخلص شغله ويبي الفكة