قاعدوني وتورطت تكفون نصايحكم

وعليكم السلام ورحمة الله وبركاته

الله يعطيك العافية ويقويك يارب
والله يعطيك خير التقاعد ويكفيك شره يارب ...


بخصوص المبلغ اللي معك .. الافضل استثماره في شي تفهم فيه انت .. وتشتغل عليه بنفسك عشان لا تجلس في البيت بدون شغلة ولا مشغلة ..
فالافضل لك تشتغل بنفسك ..
وان امكن ممكن تفتح بقالة تاخذ وقتك وتنشغل فيها ..


وابعد عن مكيفات العيال كل شوي تطفي المكيفات واللمبات عليهم ههههههههه
امزح معاك

هههههههههههههههههه
شوف الدينا حلوه خاصه لو ماقدرت لها تقدر تاجرها

الدينا ما تخسر فيها حتى اذا ما نجح المشروع تاجرها او تجيب سواق جرب تاكسي بين المدن او المطار ( انحش من التاسكي الداخلي ابو 10 ريال ) جرب محلات تصليح اجهزه كهربائيه سيارات او اجهزه و و و.؟

الله يدبرنا واياك لما فيه خير وخيره

افهم الاسهم وادخلها
ممكن ال150 تصير 500
وممكن تصير 100

لا وانا اخوك
انتبه من الاسهم من ينصحك بالاسهم وانت رجل لا تملك الا هذا المال فقط
ولا لديك اي معرفة بسوق الاسهم او خبرة في قراءة القوائم المالية ومعرفة بطرق المضاربة اليومية هو عدو لك

انا اشوف سعودين مطلعين دنات
ويشتغلون عليها في حراج بن قاسم
من نقل اثاث ومكيفات وتلفزيونات
والله معينين خيرررر


لكن نصيحتي لك لا تشتري جديد وشوف لك مستعمل
لئن الشغله هذي جديده عليك
ولا تكبر لقمتك وتغص فيها
اشتري مستعمل نظيف

وابداء فيها وباذن الله تعين خير

السلام عليكم

أول شي احمد لله لانك ما انت في ورطه ولا هم يحزنون

أنا اتمنى اتقاعد اليوم قبل بكره

المهم اذا راتبك مجزي ممتاز تقدر تتفنن وتخلي حياتك مرتبه

مبلغ 150 تقدر تسوي فيه كذا مشروع

الدينا ابتعد عنها ما تصلح لك دامك تقول ما احب اعقب واراجع ووجع راس

الدينا متعبه ومرهقه ولي اقارب يشتغلون فيها شباب واكثرهم تركوها

ألآم ظهر ومؤخره وكسل وخمول ..الخ

150 ما هو شرط تزجها في مشروع

جرب افتح لك محل سوا مغلسة او نشاط تحبه

لا تستعجل صدقني المشاريع في بلدنا صعبه وأغلبها خسرانه

شف لك أي محل في مول كشكات من هذا القبيل

أو أختصرها وطلع لك تاكسي ب40 الف وكل ما فضيت كده

أو طلع فان وأجره أو باص وكد عليه طلاب

الله يوفقك ياخوي ويسهل أمورك ويرزقك من واسع فضله.

ونصيحتي لك ابتعد ثم ابتعد ثم ابتعد عن الأسهم فهي مهلكة للمال ولا يربح منها إلا القليل.

ومثل ما قال أخوي النرجس إذا فيك شدة اشتر لك فان نظيف مكيف وقم بتوصيل طالبات أو معلمات للمدارس القريبة من سكنك وميزة هذه الشغلة أنها لا تستهلك منك إلا وقت قليل وهو وقت ذروة الصباح والظهر فقط وباقي اليوم السيارة موقفة عند الباب.

ولكن يشترط أن تتأكد أن هناك حاجة لتوصيل الطالبات والمعلمات في منطقتك وإذا تأكدت من ذلك عليك أن تضع ملصقات للدعاية لك عند المدارس القريبة من سكنك وخاصة مع بداية العام الدراسي القادم.

وهذا اجتهاد ورأي شخصي مني وليس لي خبرة في مثل هذه الأمور ولكن استخر واستشر قبل الإقدام على أي عمل وابتعد عن المخاطرة برأس مالك.

والله يوفقك ..

وسيط2007
الله يجزاك خير , شغلة البقاله فكره حلوه وخاصه فيه حي بجنبنا يعتبر جديد
ويمكن احصل موقع .. اما شغلة المكيفات طف هذا وشغل هذا هههه حدث ولا حرج

الخلاص ..
ابو نواف1 .. بارك الله فيكم زي ما تفضلتم الدينا شغلتها خفيفه وتحت اليد وداخل المدينه
اما سالفة التاكسي بين المدن أشوفها متعبه لي وتبي واحد مايمل من المشاوير الطويله

مستشار0 : اللهم اااامين وجزاك الله خير

M1900M : شغلة الآسهم مخاطره ولا أفهم فيها وممكن تصعدني فوق ويمكن توطيني

Iam_Legend : مشكور على النصيحه وزي ما تفضلت الدينات فيها خير وراح اشوف
الشغل على الطبيعه ومافيه شي بدون ضريبه لابد من التعب والصبر وربي يجيب الخير

النرجس : أبشرك راتب التقاعد ان شاءالله يكفي بالمقاس وبدون زياده ولا علي ديون
والحمدلله اما مسألة التعب مافيه تعب وخاصه ان الشغله داخل المدينه وبقية الشغلات
التي ذكرتها تبيلها تروي وتفكير والله يجيب مافيه خير .

الراية : اللهم اامين وجزاك الله خير على الدعوه الطيبه .. الاسهم فيها مخاطره ولا فكرة
فيها ومسألة الفانات أشوف الناس هابين فيها ولكن فيها حسد ومضايقه وخاصه ان ابناء
جلدتنا يشتري خمسة فانات ويقوم بتأجيرها على الآجانب اللهم لاحسد ولكن له ضرر
على ابن البلد مو بس الفانات كثير من الاشغال ,, اكيد الاستخاره اولا واخيرا
لاهنت .

تبي النصيحه لالا
حط جوالك خاص وارسلك على شخص او قابلني اروح معاك اشوف لك بها عقار يدخل لك اقل شيء 200 ريال افضل لك نصيحه لوجه الله

وجه نظري افتح بقاله وداوم فيها انت ومعك عامل بحدود 60 الف .. وشف لك يمني يفتح اك مغسله ويعطيك 3000 شهريا