عندي مشكلة بالتصرف براتبي (نصايحكم)

وانا اخوك المشكله في الكماليات الزايده والفشخره والكلام الفاضي

راتبك حلوا ومصروفك انت وزوجتك ما يتعدى 2000 في الشهر

تبقى معاك 2000 احتياط


بس عندك سوء تدبير



عود نفسك ماهو كل شي تبغاه تشتريه

ولا تشتري الا الشي الضروري



كل اسبوع اصرف 500


تكفيك اسبوع انت وحرمتك


انت زي خويي اخر الشهر يدور واحد يسلفه


واذا كفاه راتبه لاخر الشهر يعني يصرف الراتب كامل

يعتبر نفسه انجز انجاز كبير


وانا نفس راتبه واوفر والحمد لله اكثر من نصف الراتب اذا ماهو 80% من اراتب اوفره

وعليه قصد بنك 3722 هذي اخر سنه وساكن بالاجار

ومتزوج وعندي ولد وبنت وعمري 28



ماعليك من اللي يقول عنك انك بخيل خليه يقول

الناس ترى ما تنفعك


اعرف ناس تشتري اي شي

ويحاول يقنع نفسه انه ضروري وفي الحقيقه هو شي زايد



انت ماجاك اولاد ترى مصروف الاولاد كثير الله يصلحهم


حفايظ وحليب

وحليب الاطفال كل يوم بسعر والله المستعان

الله يجزاكم خير ياشباب وكثر الله من أمثالكم ويعطيكم على قد نياتكم
ماتوقعت الردود توصل لهالعدد وضعتوا لي الكثير من الطرق وراح تكسبون أجري وأجر من يشوف الموضوع ومتورط مثلي
وفعلاً انا عندي سوء تدبير للأسف وردود كثير من الأخوه أنارت الطريق أمامي بشكل ماتتصورونه
راح تصير الصدقه وكفالة اليتيم بإذن الله من اولوياتي مع نزول كل راتب
عرفت مشكلتي وبحلها من الاساس
راح اشتري ب700 ريال اغراض المطبخ
وراح أضع مبلغ 50 ريال بشكل يومي
مع الالتزام بأن أي شي ماله داعي ماأشتريه نهائياً مهما قيمته تافهه
وإن ظبطت الخطه معناته راح اصرف بالشهر 2200 ريال
التوفير 1800 ريال


دعواتكم لي

الله ينور عليك
فهم زوجتك عن التوفير
و سجل في تكافل كل راتب لك يسحبون 300 ريال لما بعد سنة يطلعلك مبلغ تسافر فيه ولا تسوي فيه اي شيء

حله بصيط جداً هل نسيت بركة الراتب في دعاء في كل شي واكثرنا ما نقوله ونا اولكم اللهم بارك لي في راتبي وعملي ، اللهم بارك في رزقي وبيتي ، وفي حاجه اهم ومجربه سو استقطاع شهري 50ريال او 100ريال اوانت واستطاعتك لأيتام وانت شخصي روح لدار الايتام وشف اليتيم صدقني تعمل عمل جبار لك ولدنياك واخرتك

^^^ رد الاخ ابوهديل44 بالاضافه الي الابتعاد عن شراء الاشياء عديم النفع مثل الفيران والسناجب والسلاحف

وتذكر (من اشتري ما لا يحتاج اليه باع ما يحتاج اليه)

كلكم ماتعرفون السبب؟؟؟؟
السبب التبذير واكل المطاعم ودخول السوبرماركات وشراء اي شئ
تصدقو ولا تسرفو

هذا ردي على احد الاخوان قبل ثلاث اسابيع .. شوفه امكن تستفيد منه يا طيب

الله يبارك لنا في اموالنا

ما أزيد عن كلام الاخوان بالصدقة والحرص

انا عملت طريقه من قبل واعترف ما كملت عليها رغم انها نفعتني
جيب ورقة بيضا حطها في المحفظة وبمجرد نزول الراتب سجل كل ربع ريال تصرفه
من اقساط او التزامات او مصاريف
اكتب المبلغ وتاريخ صرفه وفين مثلاً :

الاثنين 10/4 صرفت 60 ريال في الصيدلية
فرشاة أسنان ومعجون ودوا كحه
البقالة 80 ريال حلويات للأولاد وجبنه و و و

وهكذا
اخر الشهر وبمجرد نزول الراتب الجديد
أمسك الورقه الاولى وشوف صرفك فين ؟؟
تلاقي انك صارف اكثر من 50% ع حاجات مالها داعي او حاجات شاريها بزيادة

الشهر الثاني تلقائيا راح تلاحظ انك خفضت المصروفات ف بدل ما تشتري في البقالة ب 80 صارت 50 وهكذا
الشهر الثالث راح تلاقي نفسك اقل صرفية من الشهرين اللي قبلها لأنك بدأت تحس انك تصرف في النثريات الكماليات اكثر من اللازم

بعد 6 اشهر تلاقي نفسك ضبطت الميزانية ع صرفية محددة


جربها وماراح تخسر

أولاً : كفالة يتيم 250 ريال باستقطاع شهري واذا تبي الطريقة موجودة عندي
ثانيًا : اسحب بداية كل اسبوع 750 ريال كمصروف لك وللعائلة والبيت لمدة سبعة ايام تكون معاك في المحفظة وحاول توزن نفسك فيها لمدة سبعة ايام والاسبوع الي بعده كذلك والي بعده بالاخير تشوف انك صرفت ثلاثة الاف ريال وباقي معك الف ريال

انا مثلك راتبي على طول يطير واخسر كثير صرفية سيارة وعلاج واكل مطاعم وملابس على طول يروح ماجمع الا قليل راتبي مافيه بركه ودايم اخسر وكل ماقلت هالشهر بجمع ماجمع الا قليل الشكوى لله

هل تعمل اخي بجد وتحلل راتبك في عملك؟
اذا لا، عليك بالصدقة والصدقة

كل الطرق من الاخوان ممتازه.
لكن هناك طريقه تستفتح فيه كل شهر من نزول الراتب.
اول ماينزل الراتب خذ مبلغ بحدود الصدقه من كفالة يتيم او عمل خيري..وراح تعرف إيش إلي لك ولي عليك وربنا يبارك في رزق الجميع

الله يوفقك والتبذير زين وانا اخوك ... لك ودي

15. بقلم: فايز

البخل ثم البخل هو الطريق الى الثراء او التحويشه ..


افضل الحلول ومفعولها سحري وفعال جدا

انا متزوج وعندي اثنين راتبي 8000 ريال

7000 بتروح في مصاريف الشهر ( ايجار-قرض-مقاضي-مصروف-فواتير-حفايض-حليب-بنزين, الخ )

يبقى 1000 كيف احوشها ؟؟

ولا احد يقولي كيف ال 7 الاف تروح انا اقول اقعد احسبها يوميا من فطورك في الصباح الين وقت نومك وكل شغله تصرف عليها ريال واحد احسبها