عندي راس مال وخايف يطير

04:27:02 2013.08.04 [مكة]

اخواني بدخل في الموضوع دغري


انا واحد جمعت كل ما املك واخذت قرض وصار معي مبلغ 400 الف ريال


المهم قلت اروح اشتري عمارة في منفوحة تدخل علي سنوي اربعين الف وهذا بالنسبة لي كاف لاني ابي شي ينقط علي لو قدر الله وفصلت من العمل بسبب وضعي الصحي

المهم اني اعرف واحد عنده مكتب عقاري في منفوحة معنا في العمل ومن نفس ديرتي

رحت للرجال قال اصبر العقار بينزل بسبب قرار وزارة العمل بترحيل العمالة وبتالي بتنخفض اجارات العمائر لقلة العمالة

وبالتالي بتنخفض اسعار العمائر


هذا اول مشروع وخايف احطها في عمارة وينخفض العقار او ما تتاجر العمارة

--------------------------------------------------------------------------------------------

المشروع الثاني واحد من اصدقاء العمل انا وهو من عشر سنين مع بعض والرجال اثق فيه جدا وملتزم وراعي دين وصلاح


يشتغل في المساء في شركة تقسيط كبيرة وهو شركة االصافنات للتقسيط وهي الشركة الماسكة اشتراككات قناة المجد

الرجال شغال معهم موظف من عشر سنوات

الشركة تستقبل المستشمرين والطريقة

اعطيه شيك بالمبلغ وبيننا عقد موثق هم يشتغلون بالمبلغ ويعطوني ارباح سنوي ممكن 20 في المية وممكن توصل 30 في المية

وبصراحة خايف تفلس الشركة وتتطير الفلوس ويطير العقل معها

لكن الشركة لها اكثر من عشر سنوات في السوق ومعروفه وصديق يقول انهم ثقة وهو مستثمر معهم بمبلغ بسيط

والصراحة اهو من اكثر من خمس سنين يقول تعال معنا وانا اقول بتفلس الشركة وهم لحد الان شغالين

الكل: 25

الله يوفقك ويرزقك من واسع فضله.
في الحقيقة لا خبرة لي في الاستثمار ولكن نصيحة مني ألا تضع مالك في سلة واحدة لتقليل المخاطر. وكذلك لا بد أن تبقي بعض من رأس المال كاحتياط.

الله يجزاك خير اخوي الراية

صراحة وضعي الوظيفة خطير وممكن افقد العمل لذلك لازم اجرب شي ثقة

اما المشاريع مثل البقالة والحلاق ما عندي استطاعة لمتابعة العمل بسبب ضروفي الصحية

عضو قديم رقم 95963
22:31:15 2013.08.03 [مكة]
3

دور لك واحد عنده ارض ملك وابنها فله ارضيه حلوه يعني تشاركوا اهو بالارض وانت بالبناء وبيعوها وهكذا وضمن حقك عند محامي والله يوفقك

عضو قديم رقم 162797
22:34:01 2013.08.03 [مكة]
4

ما يبي لها متابعه يالبدراني انت وزع المبلغ على اكثر من محل والمحلات ما تبي متابعه لان العامل مستأجرها ويعطيك مبلغ وقدره انا افضل انك توزعها على اكثر من نشاط وفيه مشاريع كثيره بس يبي لها مقامز وانت الله يارب يشفيك ويعافيك ما لك استطاعه

فايز وابوسديم الله لا يحرمك الاجر

ودي رايك في الاستثمار في شركة الصافنات للتقسيط

هل اخاطر واشترك معهم لان الربح ممتاز بالنسبة لي

اما نشاط المحلات مالي والله فيه لازم مطامر وروحات وفيز ولوحات وحوس ما اقدر عليها

انا المشوار ما اطلع من البيت الا بالغصب للعمل ثم للبيت وعسان استحمل

تبي رايي خذ لك عماره العماره ماتخسرك ابد لو ماجاها مستاجرين اللحين يجيها بعدين بس الشركه ممكن تفلس وتروح هي وفلوسك والعماره باقيه معك

عضو قديم رقم 162797
22:49:29 2013.08.03 [مكة]
7

المحلات ما تسويها جديده تاخذها جاهزه وتشتريها انا مثلك وبحثت عن حلاق وخياط رجالي ومغسلة ملابس وبقاله والان حصلت الحلاق والباقي بالطريق يعني جاهز بس تدفع لصاحبه وينقله باسمك على كلن انت شكلك مشتهي هالشركه طيب ادخل فيها بنصف المبلغ او ربعه بالبدايه للتجربه وخذ لك سياره كاش وقسطها عن طريق اي معرض واذا شفت الشركه فيها ربح تزيد راس المال شوي شوي

عضو قديم رقم 162797
22:51:05 2013.08.03 [مكة]
8

zmzm2 صادق اخوي حتي تقدر تبيعها في اي وقت والعقار اذا ما زاد سعره ما ينقص ابد اما على قولت راعي المكتب ترا لاهي محلل اقتصادي ولا شي عطاكيها من عنده

مشروع للاستثمار من الامثله ومازال قائم
تاجير معدات راس المال65الف ويعطونك ايجار4000ريال شهريعقد لمدة 3سنوات اذا لك اهتمام امل التواصل

صادق هههههههه اخوي ابوسديم هالشركة داخله راس لانها معروفة ولها مكانة في السوق

واعرف اسرارها

والعمارة حلوة بس خايف لاني رحت منفوحة ادور على عمارة لقيت منفوحة خفت كثير من العمال بعكس اول تلاقي منفوحة زحمة موت الحين الزحمة خفيفة

عضو قديم رقم 274456
23:20:21 2013.08.03 [مكة]
11

عندي مشروع و هي تشغيل فلوسك و لك أرباح من خارج المملكة من بنك جنوب شرق أسيا
تشغل فلوسك و إنت جالس بالبيت 15ألف ريال تتضاعف لك خلال سنة يصير لك 30ألف ريال
و يمكن إن تكون أرباحك بالشهر حول 1050ريال لدى شركة تعمل بالمجال يفوق رأس مالها مليارات الدولارات
و الشركة هذا مجالها في تجارة العملات و ليس الفوركس لأن معروف إن الفوركس محرمة شرعا و ليس لها أي مجال للشك

و الشركة معروفة و إذا حبيت تبدأ تقدر تبدأ بأي مبلغ بس الحد الأدنى 4000ريال (1000دولار )
يجيك كل شهر من 4000ريال يصير=280ريال كل شهر أرباح لك و يزيد كمان

ضاعت فلوسك ياصابر

مشكور اخوي صاحب الرد رقم11

احب استثمر فلوسي عندنا وبمعرفتي


اخوي عادي هههههه لس ما طارت والخوف انها تتطير

عضو قديم رقم 274456
23:25:22 2013.08.03 [مكة]
14

الله يرزقك الجنة

ورا ماتشاور سعيد العويران
مثل وضاح

الله يحفظ مالنا ومالك وحلالنا وحلالك

امين

ولا يجينا الوقت ونقول وطارررت تيررم وطارت وهششتها
بيدي

ااخوي يالحربي ... ادخل فيها بحلال ترا سوقها هالشهور الجايه

مشكور اخوي عادي بس ماني حربي

اخوك دوسري يا بعدي

والحلال طيب

ونعم ومليون وسبعه انعام فيك
ولا يهونون البقيه

ياغالي
اكيد سمعت الكلام احفظ ثلثينها
واشتغل بالثلث

وصف نيتك الله يرزقنا وياك

التجارة تحتاج شخص داخل تجارته وواقف على شغله ولا يستعجل الثمرة ويقسم الريال الواحد إلى اقسام
ولا يخرج ريال واحد غير تعرف وين راح ولا يروح إلى داخل التجارة
يعني تبي تدخل التجارة خلك حضرمي
وإذا ما عندك خلفية في التجارة خلك على العقار ازين

شف الراجحي عنده قروض استثمار
شفلك عمارة مليون ونص ولا 2 مليون قدم ال 400 لهم ويسير دخل العمارة السنوي مقسم لك ولهم
لو فرضت أن قيمت الدخل 140 الف
البنك ياخذ منك ممكن110 ويخلي لك 30 لمدة 10 سنوات بعد كذا تصير العمارة ملكك

موفق

أضف رداً جديداً..

نقاشات مشابهة